الفانلية للبيع

[@ بن سلمان @]

رد : الفانلية للبيع رد : الفانلية للبيع رد : الفانلية للبيع رد : الفانلية للبيع رد : الفانلية للبيع

يا مخاوي لقد فسرت الماء بعد الجهد بالماء
كله انقليزي و حنا تعرف مدارسنا و مناهجنا اللي مدخلها منقاش عبرية

[المبرِّد]

رقصة العرضة وليس رقصة الغرب . ويمكن يكون المعنى الفرح والسرور

[@ بن سلمان @]

أشوى انها تعني
نحمد الله جت على ما نتمنى
من ولي العرش جزل العطايا

[مخاوي منقاش]

الا وش رايكم نتقاط ونجيب كم هندي ويعطون معرفات ونلحق بالربع نحو الفانيلة؟
وبعدين انا فاقد ابو امجد طمنونا علية واقوله انا انشا لله عندي سفرة وخل بالك للربع 00
الاخ مدهش ما حسبتك تحمل الزعل ولا وش مخليك مجنبنا ؟
المشاكس اتظر الاخبار في اي لحظة سوف يتم تعينك في منصب مهم داخل حلفنا0
ابي اسال لو حصلنا على الفانيلة لمن تهديها وانا اول من يجاوب
الجواب عارفين لمن اهديها0
ابن سلمان كان مانت جامد من البرد جاوب

[@ بن سلمان @]

معوض خير يا مخاوي منقاش في مدهش تراه يقضي عقوبة ( لاحظ تحت معرفه ) الله على من كان السبب
و ظني ابو امجد في بشت عنزي و لا هو بطالع الا بعد شهرين
اما الفنيلة ما ابغيها لو هي كم كامل يمكن لكن من يلبس نص كم في ذا البرد

[الشيهان]

مساكم الله بالخار
اشوف المنتدى صار معرض وش رايكم عندي هايلوكس 84 لامجدد ولامفحوص لايروح قدام ولايرجع ورى سكر في مويه كوم حديد

شارك في حرب الخليج الاولى كنت اروح عليه المدرسه
وشارك في حرب الخليج الثانيه كنت ارحل عليه خظره للحلقه
وشارك في في الكثير من المناسبات الوطنيه الهامه اثناء التوجه به الى حظور العزايم والعشوات

نقول بكم عندك يابن سلمان

مخاوي منقاش تراني قريب منك بعيد عنك اشوف الحال والوضع يخوف وخايف اني اروح روحة مدهش لكن ابشر بعزك روح وحط في بطنك حبة شمام مصري

من يفتح الباب

[@ بن سلمان @]

المشاركة الأصلية كتبت بواسطة ابو امجد

مساكم الله بالخار
اشوف المنتدى صار معرض وش رايكم عندي هايلوكس 84 لامجدد ولامفحوص لايروح قدام ولايرجع ورى سكر في مويه كوم حديد
شارك في حرب الخليج الاولى كنت اروح عليه المدرسه
وشارك في حرب الخليج الثانيه كنت ارحل عليه خظره للحلقه
وشارك في في الكثير من المناسبات الوطنيه الهامه اثناء التوجه به الى حظور العزايم والعشوات
نقول بكم عندك يابن سلمان

أخبر معك ورثة
جيب وكالة و رجعوا أزياقه عليه وحينها أبشر بسومي

[مخاوي منقاش]

افا عليك يابو امجد احد يتعرضك وانت تحت بيرقي واما الاخ مدهش فاقول له اصبر قبلك مانديلا جلس بالحبس 27 وكسور (مثل قيمة جبل عمر اليوم) وما لك الا الصبر والتسلح بالدعاء ولو انك من المقربين جدا لكان شفعنا لك عند ابن سلمان لانه هو اعندهم وخاصة مع هالبرد بالرياض والله ما يحركه ولا تريلة لكن الصيف جاي واما ابو عبد الرحمن فهو سمح 0

[قائد الطابور]

هذه الفانيله مسروقه مبلغ عنها في شرطة قسم الشرقيه ومطلوب البحث والتحري عن سارقها والجهات المعنية تبحث فالحمد لله انها بدت اليوم عند المراسل هذا ويمكن ان المراسل ماله في سرقتها يد ، اذا بن سلمان يدري او ابو امجد والضن في بن سلمان اكبر لانه زمان سرق بشت منقاش ومداسه الوطنيه ، بس منقاش اخذ حقه من بن سلمان وطالب في المحكمه بعد ما مرشه بكفين ومشعابين في علابيه , على كل الاحوال المتهم بن سلمان ومخاوي سمسري الفنيله على كل الاحوال ابو امجد مزيه وماهو حرامي ولا سراق .

[الفين]

أقول سومتها علي بمعرفي
ومن دون ازياق
بحط عليها ازياق 2000