حملة مليون رد

[صقر قريش]

اللي يبينا عـيّـت النفـس تبغـيـه &&& واللي نبي عيا البخت لا يـجيبه

[صقر قريش]

سهم الإحساس

لايتذوق الشعر ويقدر الشعراء ويلمس إبداعهم الا شــــــــــاعر
ردك أعجبني أيها الشاعر المبدع
المرأءة حين تحب تصل بها العاطفة والاحساس
الى أوج قوتها فإنً كانت تمتلك مع ذلك الحب والعطـاء
قلماً شعريا سكبت تلك المشاعر والعواطف بكل صدق
وجعلت من دمها ودمعها حبراً تدون به أبياتاً شعرية صادقة

[صقر قريش]

قالت بخوت تتغزل وتتوجد

ليتـه ينادينـي وأنـا بـس أناديـه

وأجاوبـه ياحسيـن لوكـان مـرة

عليه قلبـي يابسـاتٍ(ن) عراويـة

أقفا بقلبـي مـن ضلوعـي يجـره

ذا لي ليالٍ(ن) قاعدة في حراويـة

ليـن إنهـا زادت علـي المضـرة

قمت أتوجد وجد من مـات غاليـه

قبره قبالـه كـل يـومٍ(ن) يمـره

أو وجد من خلوه والليـل ممسيـه

ينخا ولا أحدٍ(ن) من هل الهجن مره

خلي طريحٍ(ن) والضواري تحاضيه

بالمقطعـة ومقابلـه ضلـع حـرة

على الذي ماشفت حيٍ(ن) يحاليـه

شيخٍ(ن) على القوم المعادين شـره

[صقر قريش]

رائعة أخرى تفردت بالوصف كتبت هذه القصيدة
الرائعة منتقدة ً بعض النساء في عدم ثبات أقوالهن.

راكب اللي في سما الجو تمشي بحركات

صوتها من سرعها مـن وراهـا تنتلـه

الحقت ركابة الدوج مـن دون ادمـوات

ومرت الـدوج المغـرّز يدفونـه هلـه

اسمحوا لي يا محمد على ست اكلمـات

ذا كلامٍ(ن) فاضيٍ(ن) واستحي لا طوّله

يا محمد مـا الأناثـي بكفـو معامـلات

قولهن لاهـوب يصـدق ولا ينـرد لـه

[صقر قريش]

وبخوت شاعرة مرهفة الحس صادقة العاطفة جميلة المعنى.
جزلة المفردة.فنجدها شديدة الوجد صادقة العبارة.ومن أشهر
قصائدها قالت تتوجد على حياة البادية وبيت الشعر.والإبل

وجودي على بيت الشعر عقب بيت الطين

وجودي على شـوف المغاتيـر منثـرّه

وجودي على خوّة هل الموتـر المقفيـن

وجودي على شوف السهل من ورا الحره

الى حلوّا البدوان صـاروا علـى بيتيـن

ومن كان له خـلٍ(ن) مـع ذاك ماغـرّه

[صقر قريش]

ومن قصائد الوجد قالت مخاطبة شخصا
يدعى علي قيل انه ابن عمها

ياعلـي ياخـوي ياويـن بدوانـي غـدو؟

لاخبر.. ولا مديد(ن).. ولا قلبي بـأنيس!!

راحوا العربان في شـف قطعـان البـدو

في هوى الخلفات ما راوزوا يوم الخميس

نحف حالي ياعلي نحـف مـدراة السـدو

وزوع قلبي زوع حرٍ(ن) ليا شاف القنيص

[صقر قريش]

تل قلبي تل طير(ن) على الجول مهدود

يطرد المقفي وطـرد المقافـي كايـده

ما أهبلك ياللي تبا الوقت الاول لك يعود

مايرده كـون محـي العظـام البايـده

[صقر قريش]

قلبٍ(ن) فر وافتـر مثـل المروحـة

لاشفطها كهرب المـاص عجّـل فرهـا

إن ضحك لي صاحبي سر قلبي وأفرحـه

وان تغلى صاحبـي زاد عينـي شرهـا

صاحبي ناوٍ(ن) بذبحي وأنا ما أقوى اذبحه

شب في كبـدي سنـا نـار زوّد حرهـا

[صقر قريش]

ولها في الأنين والفراق

ونتي ونة قطيعٍ(ن) على جال القليب

دوّجت ثم بركت في مراغة عدهـا

المحبة لا سطت ما يعالجها الطبيب

وروحتك ياصاحبي ليت ربي لدّهـا

عادة الدنيا تفرّق حبيبٍ(ن) من حبيب

وقطعش ياعشرةٍ(ن) والمفارق ضدها

[صقر قريش]

قالت متغزلة وتصف بعض سيارات القرن الماضي

حن قلبي حن ماكٍ(ن) على سود العجل

عشق السواق والدرب ممسوكٍ(ن) وراه

إن عطا مع طلعةٍ(ن) عشقوا له بالدبـل

وان تسهل ريحه ليـن ياصـل منتهـاه

شف بالي لا (دريول) ولا ريس عمـل

شفي اللي كل ماشاف براقٍ(ن) رعـاه

قاطنينٍ(ن) فوق عدٍ(ن) على جاله عبل

طيبٍ(ن) للبل وراعيه ما يقطع ضمـاه

ونتي ونة خلـوجٍ(ن) ولدهـا ماجـدل

تشرف المرقـاب للـذود وتعـوّد وراه