|
|
|
|
|
|
رقم المشاركة : ( 1 )
11-15-2012
|
|||||||||
|
|||||||||
Re: اكتب اجمل قصيدة قرأتها
Re: اكتب اجمل قصيدة قرأتها Re: اكتب اجمل قصيدة قرأتها Re: اكتب اجمل قصيدة قرأتها Re: اكتب اجمل قصيدة قرأتها Re: اكتب اجمل قصيدة قرأتهاملابس العيد يوم العيد مطلوبة
غترة وثوبٍ جديد وبشت وعقالي فالمشهد اللي يروحون العرب صوبه تسمع لهم مع صلاة الصبح ولوالي كلٍ تلبّس وجاك يمسّس جنوبه مشتال سبحة ونظارة وجوالي ما غير موضات والموضات مرغوبة والاّ الحقايق تراها عكس الأشكالي لو كلّ واحد تعابيره على ثوبه تشوف لك شيء ما يخطر على البالي كمْ ناس تلبس ثياب العيد مقلوبة تعبير عن ما نعيشه وقتناالحالي ما عاد للعيد فرحة عندنا نوبة ما عاد له فرحة الاّ عندالأطفالي الناس صارت تجي للعيد مغصوبة ولا يعايدك غير الصاحب الغالي عايدك ثم حكّ عرقوبه بعرقوبه سلام وإلى اللقا فالمشهد التالي صرنا ما نعرف بعَضْنا يالله التوبة ما أعرف ولد عمّي الاّ من ولد خالي ورفيقي اللي يجيني نافخ ذروبه آخذ سنة كاملة ما سال عن حالي من حقّه أعايده وأعطيه ماجوبه ومن حقّي أوادعه وأنساه طوّالي والله لولا صلاة العيد مكتوبة لتصير من بين ربعك كنّك الجالي ليش المحبّة من القاموس مشطوبة ليش التباغض وليش القيل والقالي الطِّيب مرضان والرُّفقة في غيبوبة ما خلّت أجيال أبويه شيّ لأجيالي وإن صار جيلي هذا ممشاه وأسلوبه لا والله العلم كيف أوصِّي عيالي العاقل الفاهم اللي يعرف دروبه يشوف ما شفت ويصادق على أقوالي واللي يحسْب إنّ ثوبه يستر عيوبه يقول عيدك مبارك ويتحلوالي لكنّ عيديّته ماهي بمحسوبة عيديّة اللي ضميره بالرّدى كالي اللي يعيّد برفقة شبه مسلوبة أحسن يعيّد على هندي وبنقالي واللّي يعيّد بدون يشوف محبوبه كنّه معيّد لحاله فالخلا الخالي 
|
|
11-15-2012
|
رقم المشاركة : ( 2 ) | ||
|
مثالي
|
Re: اكتب اجمل قصيدة قرأتها
يا قلبي اللي كلما اصبحت وامسيت
احصّلِك في يدين غيري رهينة خَلِّك ؛ تراي لرجعتك ما تمنّيت عندي يقين إنّك في أيدٍ أمينة تودّعك لن رحت وتضمّك إن جيت وتحْفظْك حِفْظ الواحد لنون عينه لو كان طوّلت الغياب وتماديت طوِّل ولاني قايل القلب وينه إرتاح عند اللي عيوني لها بيت باني لها في نون عيني مدينة لو جاتني في حالي النوم فزّيت تقال في صدري مركّب مكينة بغيابها تنزل عليّ العفاريت وبوجودها تنزل عليّ السكينة عز الله إني يوم ف البحْر طبّيت طلعت من عمقه ب \" دُرّة ثمينة \" لو شاهدوها اللي يصلّون ف \" البيت \" من مكّة يصلّون يمّ المدينة ودام انبسطنا ؛ غيرنا في قدر زيت ما للحسود الاّ القهَر والغبينة إذا عذلني عاذلي عنه صدّيت قلت إذن من طينة وإذن من عجينة يالله ياللي صِمْت لأجلك وصلّيت ياربّ عبدٍ رافعٍ لك يدينه إحْفَظ لي اللي في هواها تغنّيت وسخّرت جزلات البيوت الرزينة والشاعر اللي يعْجز يسخّر البيت ؟ يسكت برحْمَة والدا والدينه |
||
|
|
|
11-15-2012
|
رقم المشاركة : ( 3 ) | ||
|
مثالي
|
Re: اكتب اجمل قصيدة قرأتها
خوّةعزيزالأصل تبقى كماالشيك
حتى لوأنه عن ديارك تنحّى وخوّة خبيثين الطبوع الصعاليك أقْصر من مفلّى الغنم فالمضحّى واللي على شأن المصالح يخاويك لياانتهى منها ؛بصحبتْك ضحّى واللي يبيعك لا تحرّاه يشريك والمزن لن جات العواصيف صحّى وياللي ابليس مفشّخٍ بين اذانيك قلبك عليه ستار ماينتصحّى بالهرج تقفاني وتنفخ علابيك هذي رجولة نعنبوا ذاالملحّى؟ أنا ليامنّي بغيت الحكي فيك هرجت باللي فيك وأذنك توحّى ألقاك قدام الرياجيل وأعطيك كلمة بسبّتْهانسمْك يتفحّى رحناعلى افواه المهبّل مساويك وحلوقهم من وسعهاما تسحّى |
||
|
|
|
11-16-2012
|
رقم المشاركة : ( 4 ) | |
|
عضو
|
رد: اكتب اجمل قصيدة قرأتها
باب الخشب / د. حمد العصيمي
باب الخشب روحوا وانفضت السهرة راحوا وخلوا بقايا التبغ شبابه اللي لبس معطفه واعطى السهر ظهره واللي سرى به نسيم الشوق لاحبابه والباقي اثنين انا وانته من العشرة فضفض ترى الليل صحرا هم وذيابه يا باب انا وانت مقطوعين من شجرة من شجرة الشعر انا وانته من الغابـه شف كم سنة وانت واقف تحرس الحجره وانا على كل بيت من الشعر بابـه! ضحيت با الغابه وبا الما وبا الخضره وضحى حمد لا جل بيت الشعر باعصابه! ياالشامخ اللي عطى فاس الحطب عمره وطول الزمن ما عبس في وجه حطابه يا كبر صبرك وذنب الفاس يا كبره اللي قطع عودك اللين من ترابـه! ايوب يمكن عطاك شوي من صبره لكن لي ما عطى صبره وجلبـابه تصفق بك الريح لا مرتك منتثرة وتضحك لها درفتينك ناي وربـابــه! يا كثر ما خلفك من اسرار مندثره اقلها رمية الانســـان بثيابـــــــه! يا باب ابقفلك واحفظ باقي العشرة لو شجرة الشعر خانت شجرة الغاــه |
|
|
|
|
11-17-2012
|
رقم المشاركة : ( 5 ) | ||
|
شاعر
|
رد: اكتب اجمل قصيدة قرأتها
[poem="type=2 font="bold x-large 'decotype naskh', arial, helvetica, sans-serif""]لو كلمة الحق ارتمت في فم عيّل قالها = يا ليت اجل بعض العرب عيـّل ومن عرض العيال
عجزت أعدل ميلها وارخي واشد حبالها = دام السفينه بالبحر؟ وش جابها فوق الرمال ! ؟ مالي ومال المايله.. وقصارها وطوالها = مادمت اصلي وش على لاذن جحا والا بلال ؟ ! ومرايتي تضحك علي كلما وقفت قبالها = صارت شمالي عندها يمناي واليمنى شمال ! ماني ولد عم ٍ لها .. والخال ماهو خالها = من كوكب آخر ما درى بالشمس والماء والظلال وحده مهي متربيه ! صعبه تربي عيالها = والناقه الجربا اتهبا ! ما تخاوي فحول الجمال والمهره الصفرا تحب أطلق شنب يبرالها = جاها على وضح النقا.. كامل ولله الكمال! والسلعه الجزله حسبنا حسابها وريالها =وبعض العرب تسوى وبعض الناس ما يسوى ريال ! ماكل منهو قال ابي روس المعالي نالها = الطايله صعبة منال . . ووصلها صعب المنال وانا عرفت الناس واعرف طبعها واشكالها = ومع كل هذا صورتي تطرح علي مية سؤال ! مع كل خطوه رحلتي من فوق شم جبالها =والذيب ما يركض عبث ! وشلون أجل ركض الرجال ؟ ! مهما الدروب تسكرت امشي بها واسعالها = لو القدم تقصر تحلق همتي فوق الخيال يسعد صباح المرجله . . لو ما فضيت افضالها = يسعد مساء قصيدتي .. آيه من آيات الجمال ! أعيش لجل المرجله .. واموت انا واحيالها = يوم الردي يلبس على ثوب الردا بشت وعقال أخاوي كبار البلد . . وازرع أمل لاطفالها = انا وقصيدي كلنا .. فدوه لوافين الخصال والحرب لا شبت يسجل نصرها لابطالها = وكم واحدن اصبح ( بطل قومي ) بلا حرب و قتال ! ! والجندي المجهول لو دمه جرى برمالها = ماسجله تاريخ وما يكتب عن الجندي مقال ! كل المبادي تغيرت ! مال الشريف ومالها =ماعاد نلقى في زمان العولمه لقمة حلال ! دنيا عجزنا لا نعرف اقفايها وقبالها = وصار احتلال ( امريكيا ) لبغداد ماهو باحتلال ! ! ( ياكليب ) تكفى لا تشب النار وكب دلالها = مادام حتى ( ما ني بقايل ) غدى راعي دلال ! وكلن ( مصوت بالعشاء) ! الله يكثر مالها = وين العشاء ؟ يوم المجاعه نابها في كل جال ! سكة قطو ؟ والا قطار.. الله يزين حالها ! = مشكور يا حزم الذهب جالك مع العالم مجال في ناظري دمعة قهر.. عين العدو عقبالها = في مهجتي حسرة يتيم ٍ لا عمام ولا خوال الارض معذوره لو انها زلزلت زلزالها = والشمس لو تشرق من المغرب وتهتز الجبال وشلون أجل لا قامت الساعه وكيف اهوالها = كل البشر سواسيه اقصارها مثل الطوال ! حلو اختلاف الراي حسب اهل القرى واحوالها = مار المصيبه لا ختلف جارين في رؤية هلال ! يا فرحة ٍ ماتت قبل كف الغدر تغتالها = بالعالم الثالث نموت اما قهر والا اغتيال ! ضاعت صناديق الصدور الغامضه باقفالها = واصبح سقوط الطائرة لاسبابه الفين احتمال ![/poem] |
||
|
|
|
11-17-2012
|
رقم المشاركة : ( 6 ) | ||
|
شاعر
|
رد: اكتب اجمل قصيدة قرأتها
البارحة والجوع مس الذيب يوم انه يعوي على سنام طويق والقمرا وراه بليتها آخايله، واقول واعزي لحالك يالقوي ياللي تنقا في سمان الفطح لا من جيتها وياللي باساميك ايتقلدها الخوي امع الخوي والعرب تبديك التحايا وانت ما حييتها واسمك على النخوه يعد وكل روس تنشوي والوجبه الحية تعشاها وتترك ميتها الجوع لو يدفعك للموت الذحاح المستوي حشمة نفسك عن عظام الحرجه وخليتها ودامك طليق ما قهرك المعتدي والمهتوي واخطاك من دون المغازي ما بعد سجيتها يالذيب يا ذيب الخلا اللي ليلك يروح سروي ما بين مرحان الشواويه ليا عسيتها يا موجل قلب حضري يا موجل قلب بدوي ياللي تحشم خوة الرجليه ان خاويتها عامر خوي الذيب في عصر الفوات المنطوي قصته فأذهان العرب واليا طرت لبيتها نحر ذلول من وصايفها شحمها مرتوي لعيون خوتك الفريده والبقاء في صيتها ياذيب يكويني قنيبك لا توحيته كوي على غشاش الكبد والخطوه عمد رديتها مدري غباء مدري ذكاء مدري تسرع فوضوي لكن خطواتي على الهيبه ما قدم ضريتها ياذيب عزك في زمان السيف من قبل يهوي وقبل زمان العولمة للناس واتيكيتها وقبل يغيب المنطق الحسى ويبقا المعنوي والغيره توزع تجمعها على تشتيتها وقبل النوايا المستقيمة ما تلف وتلتوي والناس تمشي في تعاملها حسب توقيتها ياذيب مدري كيف ابا اوصف حالتك يالمنزوي والهاشميه في طرف عيني ولا دنيتها لا جيت ابرثي حالتك ضاع الكلام اللغوي والمفردات اللي تجملني ليا عديتها والهاجس اللي كل ما فليت حويه ينحوي وافكاري اللي تتعب الخافق ليا هليتها واخاف لا تكمل ويلحاك النزيف الدموي وابقى على قول المثل خميتها واخطيتها ياذيب واقنب خل صوتك يدوي العالم دوي ما دام خانتك الظروف الله يخرب بيتها |
||
|
|
|
11-17-2012
|
رقم المشاركة : ( 7 ) | ||
|
شاعر
|
رد: اكتب اجمل قصيدة قرأتها
كان الأمير محمد بن أحمد السديري في رحلة مقناص وعندما رأى جول حباري هد صقره فـ حام الصقر وضاع على الأمير وكان الصقر غالي عليه .
ومن صدف الزمان أن أخوه الأمير خالد كان يشبك الصقور في منطقة بعيدة عن المكان الذي حام في صقر الأمير وبالمصادفة شبك الأمير خالد طير الأمير محمد وقد أُعجب الأمير خالد بالطير فهم أن يهديه إلى أخيه الأمير عبدالعزيز واهداه إياه . وعندما ذهب محمد لزيارة أخيه عبدالعزيز ورأى الطير وعرفه وعرف قصة وصوله لعبدالعزيز، فأرسل لأخيه خالد أبياتً يداعبه فيها الله يلوم حمود مني ومزلوه وأبو خليل بزايد اللوم يجزاه وسويلم الوادي وفهيد خصوه وحتى الأمير الي كبارٍ عطاياه صبي عيني لاحقه منه مشروه الي عطا طير السعد عقب ماجاه حذفة قفا كزه هديه على أخوه عطيةٍ ماصار فيها مراواه ماقال يم الي غدا منه ودوه حتى نقول أنه مع الحق ماتاه فرد عليه خالد بأبيات رائعه يقول فيها خطيةٍ منكم وذنبٍ فعلتوه إشراكنا باللوم واللوم فتناه فتناه في جيبة خويٍ تركتوه في موقعٍ خالٍ من الناس متياه أتلي خبركم فيه ساعة ركزتوه عند الفريق الي بهمهم توطاه الطير ميلاف ولو مادعيتوه وده يجيكم لكن البعد عداه أبطى برد الراس وأنتم نسيتوه والبعض منكم لاقيٍ عند ملهاه صفو على اليابس وإن درزي الهوه عجز الفريق الي خبرهم سمعناه يامشبع الجايع قصيدٍ قصدتوه جاكم مرده مخلف الوزن معناه مداعبة إستفزاز وفي أحد الفترات لم يقول الشاعر زبن بن عمير أي قصيدة غزلية وهذا الشئ أثار فضول الأمير محمد بن أحمد حين واجه الشاعر عمير بن زبن بن عمير وساله عن والده بأبيات شعرية والغرض منها تهييض شجون والده ياعمير خبرني عن العود هو تاب وقضب طريق ملفلفين العمامة و أعرض عن الزينات تلعات الأرقاب وعوّد معيف وطالبٍ للسلامة والا يصافح لاجلهن كل مرقاب وعلى هوا قلبه تشيلة عظامة منّولٍ سرجان عادي ونهاب ودايم من الغارات تنطف إلكامه واليوم مدري وش جرا له بالأسباب ماعاد نسمع بالعذارى غرامه والحروة إنه قاريٍ قروة الداب وحتى خرزها ناظمه في حزامه لو هو يتم الخمس في كل محراب باقٍ بقلبه من هوى البيض شامه الله يخون البيض غضات الأشباب حطّن في هاك البراطم علامة قلّه نبي منه البراهين بكتاب وحنّا نميز غايته من كلامه وياعمير قله مانسيته ولاغاب لو كان في العارض وأنا في تهامة فجاوب عمير بن زبن على قصيدة الأمير بدلاً من والده بهذة الأبيات ياشيخ ياحلال عسرات الأنشاب ياللي حويت المرجلة والشهامة إن كان تنشدني عن العود هو تاب ومسك طريق ملفلفين العمامة أفيدك أنه تاب للرب وأناب و أظهر على مافات منه الندامة غض البصر من يوم شاف الشعر شاب وخلا طواريق الهوى بانهزامه ما عاد له بملاقف الصيد مضراب لو يعترض قدام عينه نعامة العود يوم إنه بغى الصيد ماهاب يلقف لهن مع كل نابي عدامة وإليا نوى مهيب تنهار الأعصاب يسطي إلى هاب الذليل الجهامة واليوم تاب وخاطرة بس ماطاب إلى ذكر بالكف رفع اللثامة وده بطرد الصيد مع كل مهذاب لاشك خالٍ الفشق من حزامه ويخاف تال العمر من غضة الناب ثمٍ تصير من العلامة علامة فوصلت هذه القصيدتين إلى مسامع شاعر الكويت ((مرشد البذال)) فخرجة منه هذه الرائعة بالله يالربع تكونتوا أحزاب والكل منكم عارفينٍ مرامه ترى دعاويكم على زبن تنجاب هو وش حدث في حالته وش علامه وترى كلام الود مابين الأصحاب مثل المتاع الي لذيذٍ إدامه يالربع عندي راي كان السهم صاب شورٍ يخليكم بليا خصامة لاتنذرونه ثم يجفل ويرتاب تراه حذرٍ إلى إنتبه من منامه أخذوه بالغفلة بلاجزر وعتاب لينه يوقع بصمته في بهامه أوصافكم هذي على الدرع من هاب أوصاف بصري يوم يلبس حرامه وأنا ترى مالي على زبن مطلاب مالي سوى تقديرته وإحترامه يوم الأمير بقصته بطل الباب أنا سمعت أنه نديم الحمامة وعند وصول هذه القصائد إلى الأمير خالد بن أحمد السديري رد عليهم جميعاً قائلاً يامن تعرضتوا لخطرات الأنشاب ياللي على زبن تبون الزعامة حظفٍ إلى حرك من الغاب وإنساب كلٍ يدور من غثاه السلامة لاهوب نشادٍ ولاهوب حساب يركز على روس المشارف خيامه حرّاب وإن جيته من البعد حرّاب وعيدٍ لهل هجنٍ يبون الكرامه ريفٍ لضيفه فاهمٍ كل الأداب يفهم ولا ينشد لاكثروا خصامه لاهوب عيالٍ ولاهوب هياب يارد على الما ماحدٍ عنه ظامه يارد على الما كان جا حزم كلاب يشرب وبعض الناس يطرد جهامة شوري عليكم لاتوطون الأنشاب خصيمكم رحلٍ رفيعٍ مقامه وعندما علم الشاعر زبن بن عمير أن الأمير خالد قال هذه القصيدة رد على الأمير يعيش من جوّد مناسيب الأطناب لاوى على عهد القديم ونظامه أنا أشهد أنه من عريبين الأنساب ومن إلتجابه ماتهزهز عضامه أبو فهد خالد إلا كلّح الناب هو عز من ضده زمانه وظامه شيخٍ إلا منه نوى الدرب ماهاب يمضي لمعركة الشرف والكرامة يوم القا ماهزهزه ظرب الأطواب مركاضه اللي بان يجلى الملامة أحيا بفعلة ذكر أبازيد وذياب بيوم الوديعة مثل كون الرغامة جاء دون ربعه بالقاء درع وحجاب ماهوب يوم الكون ثور عسامه اللي ثنا دوني عن الربع الأقراب يوم أنهم شدوا علي المسامه أضحك لهم وأنا من الربع مرتاب وأسكت وأنا ناوٍ لهم بإنبرامه لو أنهم بالملتزم شدوا الباب وصلّوا ورا ماطا الخليل ومقامه العلم الأول مالهم عنه مجناب يبو فهد مثل الرضيع و فطامه يرهبنون وسحرهم وسط الأجياب والله علم بأكل الطعام وحرامه ظنيت بالربع ظنٍ ولا خاب ظني بربعي زاد فوق العلامة ومرشد فزع فزعة صديقٍ بمطلاب ولاهوب ناوٍ للصديق بقوامه يشير شور إن كان للشور مضراب يسعى بصلح بنيته وأهتمامه إن فاد ولا مشعل الحرب شباب ولمقيط لو صارت تقوم القيامة مداعبة و حق هذي الرديات كانت بين الشاعر مطر الحريري وأمير الباحة في ذالك الوقت الأمير سعود بن عبد الرحمن السديري فحصل ان اراد مطر من الأمير إعطائه إجازه لأكثر من مرة وفي المرة الأخيره قال مطر يالله ياربٍ نخافه ونرجيه ياعالمٍ ماكان صدري يكنه أفرج لمن في قلبه الهم شاويه يون مما شاف تسعين ونه أميرنا كانت من أول عطاويه في الرخص تاجي على غير منه واليوم ألا ياويل منهو يخاويه يحسب التنكيد فرضٍ وسنه كم من خويٍ لا إشتكى مايشكويه وكم كسر من خاطرٍ دون ظنه بغى مطر رخصة يودي مقاضيه رجلٍ شويب تستحي الناس منه فرد عليه الأمير يقول من ذا القيل يفهم معانيه ماهو سوات الي يقرقع بشنه وشفي مطر ذا اليوم كثرة دعاويه محدٍ يميز بين صدقه وظنه يومٍ يقول الزرع وقفت نواميه نبي نحصد أسبوع مازيد عنه ويقعد شهر ماحد يجينا بطاريه ويقول جاني علةٍ مستكنه يومٍ يقول الورع فيه الذي فيه اباصله والحان ربي يحنه إما إنتهي لابد عمه يربيه بعصية ولا بقطله يرنه وفي أحد المرات التي كان يداعب الأمير سعود فيها مطر الحريري قال له ((لحيتك لو وزعت على عشرة انفار كفتهم)) وقاله ماتجيك الرخصة الا وأنت حالقها وزاد على هذا الكلام هذين البيتين: كان باكر جيت والدقن محلوق أبشر لك برخصة عريضة طويلة في عرضها من بيت محفوط للسوق وفي طولها من داركم للمثيلة فرد عليه الشاعر مطر قائلاً أميرنا يقصد على طل طاروق مرتاح والمعتاز ياعزتي له وحلق الحى عيبٍ على كل مخلوق وإن كان ماهو عيب عطنى دليله |
||
|
|
|
11-17-2012
|
رقم المشاركة : ( 8 ) | ||
|
شاعر
|
رد: اكتب اجمل قصيدة قرأتها
هذه بعض من روائع الامير محمد بن احمد السديري :
يقول من بأيات فكره تكلم = أيات مصدرها خفي الضماير أن دك بي داكوك قمت اتعزم = اخفيه لو انه على الروح جاير اخفيه عن ما كان لو هو ولد عم = لا قابلن شوره ولاهو بشاير اخاف ابوح السر ثم اتندم = ويدري بسري مفشي السر باير الناس بلوى الناس بالحكي تظلم = وبعض الصغاير يجعلونه كباير كم قالة بالحكي قامت تعظم = كبرت ولو هي من صغار الصغاير تلقح وعند ولادها ينثر الدم = ويلفحك من حامي هواها سعاير تالد كسوب وبين الاشرار تتوم = تتوم وبتلاها تجر الجراير واليا ندهني واحدن قلتله سم = بالطيب قلبي ما تمهل يخاير ياما على الشدات نصبر ونجزم = أن ضيعت بعض الرجال البصاير أن قامت الاريا تفرّق وتلتم = لا ضايعن رايي ولانيب حاير وأن كان بعض الناس بالضيق تهتم = امشي بدربي باوسط الضيق ساير وهذه قصيده اخرى للامير محمد يقول فيها : لولا الهرم والفقر والثالث الموت = يالأدمي بالكون يا عظم شانك سخرت ذرات الهوى تفهم الصوت = وخليتها اطوع من تحرك بنانك جمادن تكلمها وهي وسط تابوت = تاخذ وتعطي ماصدر من بيانك وعزمت من فوق القمر تبني بيوت = من يقهرك لو هو طويلن زمانك لولا الثلاث وشان من قدّر الفوت = نفذت كل اللي يقوله لسااااااااانك وهذه بعض من الحكم انبيك يامن كلمة الحق ترضيه = اعطيك ما ينفعك وافهم مرامي قصرن يذلك لا تقابل مبانيه = خله عسى شامخ طويله هدامي خله عسى ماصاب اغادير يفنيه = يودع منازله الطويله رجامي لو زان مدخاله وطالت حواميه = شيّد على الخيبه قليل الرحامي وحي يوريك المذله وتغليه = انا اشهد انك ميت القلب عامي من لا يودك لا توده وترجيه = ارفع مقامك يا عزيز المقامي ارفع مقامك عن عدوك وتوذيه = ويلحقك من تركت رفيقك ملامى حق الرفيق وواجبه لا تخليه = يلزمك مثل الوالدين الحشامي اختر عزيز الجار والحق يعطيه = شبلن على هرجن يقوله يحامي مادك به عرق المذله وطاريه = ويسبق على فعل الفضيله شمامي ومن قارب الاجرب بالامراض يعديه = عدواه تسطى باللحم والعظامي درب السلامه بينات مماشيه = ودرب العطب يرّث عليك اللكامي ابعد وقلبك نازح البعد يشفيه = وتلقى عن الدار البغيضه مقامي دارن بدار وداعي الذل عاصيه = ولا تقبل المذله نفوس الكرامي الذل موتن حايماتن ضواميه = ادخل على منزل فروض الصيامي عن مقعدن بالذل عينك تراعيه = الموت عند الذل امان وسلامي يرضى المذله من تردت هقاويه = والذل يجفل منه قلب العصامي والعبد له رب عن الناس يغنيه = ولولاه ما صاب الهدف كل رامي وهذه قصيده اخرى للامير محمد السديري يا عاذلن قلبي على غير مشهاه = اترك مريض القلب خله بشانه مابيك يا عذال قلبي تبلاه = هرج مثل هرجك يزيد امتحانه لا صار ما يشكي عليكم سجاياه = راضن بما يجري عليه بزمانه يتبع هوى حي صفاله بدنياه = ماطب في قلبه عليه الخيانه حي مشاله بالهوى مثل ممشاه = على النقا ما ضيعوا للامانه القلب والله ما تسوا سواياه = دايم وهو مع نور عيني رهانه متولعن به ما يفاخت محياه = لو هو بعيد ياصله في مكانه ان جيت قلبي معطشات ظماياه = احيا بشفه حبه من ثمانه سبحان ربّ صوره ثم سواه = اكمل جماله بالبها والرزانه يا ناس انا ما اقبل حياة بلياه = وحلفت ما يطلق قراني قرانه ان كان ضاق الصدر ناديت باسماه = واسمه يخفف عبرته ونهتانه ادلّه القلب المولع بطرياه = حتى يريح القلب عقب اخفقانه وهذه من روائع الامير محمد في منامي زارني طيف الحبيب = قلتله يا مرحبا وش هالبطا الجفا يا صاحبي منكم غريب = وانت ما عودتني كثر الخطا ليه تنسى الحب يالغصن الرطيب = ليه تنسى نومنا تحت الغطا حبكم وسط الحشا جرحه عطيب = في ضميري يابعد روحي سطا من جميع الخلق ما غيرك قريب = من مشى تحت السما فوق الوطا ياطبيب الروح ما غيرك طبيب = بالرضا عودتني زين العطا جض قلبي بالحشا عقب اللهيب = من فراقك مثل ماجض القطا |
||
|
|
|
11-19-2012
|
رقم المشاركة : ( 9 ) | ||
|
مثالي
|
Re: اكتب اجمل قصيدة قرأتها
بــــــــــــندر ســـــــــــــــرور
يامل قلـــــــب تله الـــــــود تلــي=تل الرشاء من فوق ملحا جلالـــــه في غربها تسعين شق ومشــلي=تجفل ليا سمعت ضريس المحالــــه من واحد"طـــرق عليه يهـــــلي=ألحق بواقي القلب مع ماجرى لـــه يطرق برمش" للمحـــاجر مظــلي=ظافي على بيض المحاجر ظلالــه هرجه لبن بكــــر"ردوم متـــــلي=مابينت فيها رسوم الشمــــــــالــــه يابنت خلي واحد" مايصــــــــــلي=تارك عمود الدين مالك ومـــــالــه خلي ملعــــن والدينـــــك يـــــولي=تلقين في نجد المســــــمى بدالـــه حتى أيش لويفرش لك البيت زلي=من لايخاف الله حرام حـــــــلالـــــه عليك باللي للجماعه يهـــــــــــلي=اللي كما النثله منارة دلالــــــــــــه في الرجل ثنتين"حداهن تــــــدلي=من كبهن ماهوب ويا الرجــــــــاله ليا صار مابه دين مع زين دلــي=جعله من الدنيا تقطع حبــــــــــــــاله ====================================== وله أيضا يا كثر يافيحان صبر" صبرنــاه= أمس الشهر عديت باقي سبوعه لاتغبط اللي صار زوده بدنيــــاه=يتبع هوى نفسه وغير طبــــــوعه مخط"طريق الحق غاد"بعمياه=يجمع وسخ مال"زوال"نفوعـــــه أغبط تقي صار زوده بتـــــقواه=عبد"لصوت الحق يرخي سموعه يفرح بصوت منادي الحق ناداه=عجل على المسجد بطي"ركوعـــه وألا ترى الدنيا حدود" مسمـاه=لابد مايقفي وتقفي زروعــــــــــــه ========================================= وله أيضا ياسهيف الذرعان مافي وسواس=لي حاجة بالعرش وأسعى وراها وأسجد لقادرها على غفلة الناس=وأسأله الجنــــــــــه يكمل عطاها أسعى ورى حد مهــــاويه دراس=زيزوم نمرا" قادها ماتـــــــــــلاها علق حبالي فرخ واليوم قرناس=واللي بحالي للولي مشتـــــــــــكاها أعوذ بك يارب من سعي الافلاس=وأنته رقيب النفس تعلم خفــــــــاها يابنت أنا هذي شفاياي يــــباس=أطابق الوجبات ما أشفق عــــــلاها ماني وانا بندر بتباع الانـجاس=اللي قريب" تفلها من لحـــــــــــــــاها انا بدرب الصيرمي عدم الاجناس=زعيم روق اليا تنصت عــــــــــداها ============================================== |
||
|
|
|
11-28-2012
|
رقم المشاركة : ( 10 ) | ||
|
مثالي
|
Re: اكتب اجمل قصيدة قرأتها
السلام عليكم ورحمة الله وبركاته
هذي عدت قصايد للشاعر الكبير رشيد الزلامي واتمنى انها تعجبكم في احدى الصحف شخص يسأل عن الزلامي وعن قصة حياته ووصل العلم لرشيد الزلامي ورد عليها الزلامي يقول ياسائلاً تسأل ترى الصوت مسموع وما نشر بالصفحه قريتـه بذاتـي سويت لي مشروع من غير مشروع والزمتنـي بالـرد دون شهواتـي اكيد عندك يا فتى الجود موضـوع والا مسوي بـك زمانـك سواتـي مسقيك من علقات الايام قرطـوع وتسمع صراعي فيـه ومغامراتـي فان كان هذا الامر بالشكل والنوع خـل الامـر لمكـون الكاينـاتـي ساير زمانك كان لك قلب وضلـوع وارج الفـرج بايامـك المقبلاتـي وان كان ما طاعتك خلك لها طـوع ما انته بضاربها برمـح الزناتـي اما سوالك مـا جوابـه بممنـوع ولو للحياه اسرارهـا الخافياتـي اجاوبك لو ما معي منـك منفـوع تحب تعرف كيـف قصـة حياتـي حياة ذيباً عايش الفقـر والجـوع ليلـه يبـات وليلـة مـا يباتـي اعيش عيشة ذيب والراس مرفوع وان قلّ مالي عزّ نفسـي غناتـي ((وهذي ابيات من قصيده ثانيه)) وقت(ن) يخلي صاحي الفكـر يحتـار ويشوف من هـول الدهـر مايروعـه تلقى الفقير وفزعتـه خمسـة انفـار وتلقى الغني كـل الجماعـه فزوعـه ياعاشق الدنيـا تـرى مالهـا جـار كما واحد(ن) في حبها طـار شوعـه اليوم تضحـك لـه وتعطيـه الانـذار وبكـره تلحويهـا محانـي ضلوعـه خلـك علـى صكـات الايـام صبـار ويـوم(ن) يفوتـك لاتمنـى رجوعـه اقفى على مافيه من خيـر واشـرار نجم(ن) هوى مايندرى عـن طلوعـه وماهي علـى كيفـك تمنـى وتختـار ابعد على المخلوق من حـب كوعـه يخبرك من ذاق المتاعـب والامـرار وحـاول ولاجالـه زمانـه بطـوعـه ومرت به الدنيا على بعـض الاقطـار في رحلة(ن) ماغيـرت مـن طبوعـه والله ماواطـن عيشـة الـذل والعـار مـادام لـي شيمـه ونفـس قنوعـه وقرش(ن) عزيز افضل من الفين دينار من مصدر(ن) للـذل يعلـن خضوعـه ولو الوساده من صلافيـح الاحجـار للراس اخير من التـرف والميوعـه (((وهذي قصيده كامله))) قالـوا تعلمـت قلـت عنادوفراسـه أعانـد النفـس والدنياواصارعـهـا ودرست في مدرسـة شيبـت راسـه دنيا العنا اللـي قصيفـات مطامعهـا تلميذهـا دايـم تكـتـب بقرطـاسـه وتعطيـه يمنـة دروس مايضيعـهـا والله عطانا نظـر وشعـور حساسـه ناخذ علوم المعرفـه مـن مراجعهـا. ونسايـر الوقـت ونقيسـه بمقياسـه ونواجه النفـس بالواقـع ونقنعهـا. وترى حياة الفتي مهما قـوى باسـه محفوفة بالخطـر والمـوت تابعهـا. من مبتدأ العمر حتى يلفـظ انفاسـه يمـر فـي مرحلـة تكثـر زوابعهـا. أول حياة الفتـى مشـوار وعساسـه مسافة في عجـاج العمـر يقطعهـا. وثاني حياة الفتـى تدريـب ودراسـه تصعب ظروف الحياة وينشغل معهـا. وثالث حياة الفتى يرجع على ساسـه النقطـه اللـي بـدأ منهـا يراجعهـا يرجع لسن الهـرم ويضيـع الطاسـه ويزحف مع الأرض ويخطط شوارعها. واليا تلاقت متونـه وارتخـى راسـه ضاعت جميع العلوم اللـي جمعهـا. |
||
|
|
 |
| مواقع النشر |
|
|
المواضيع المتشابهه
|
||||
| الموضوع | كاتب الموضوع | المنتدى | الردود | آخر مشاركة |
| اروع قصيدة قرأتها في الشجاعة ( الأسد قاتل الأسد ) | ابن محمود | الديوان الأدبي | 3 | 06-13-2009 11:14 PM |
| كلمات قرأتها فأعجبتني | تلميذ الأيام | الــمـنـتـدى الـعـام | 6 | 11-01-2008 12:32 AM |
| أجمل قصة قرأتها | ابوعهد | الــمـنـتـدى الـعـام | 5 | 02-29-2008 01:50 PM |
| من أجمل القصائد التي قرأتها | بن وافي | الديوان الأدبي | 2 | 07-24-2007 04:54 PM |
| لن تندم ان قرأتها......... قصه حقيقيه | أبو عبدالعزيز | الــمـنـتـدى الـعـام | 5 | 05-13-2006 11:15 AM |
 |
 |
 |
العرض المتطور
