( ثرمده ) من هنا وهناك 2

[المنديالي]

المشاركة الأصلية كتبت بواسطة كبريآء

احم احم
مآكن هذي فقشه والا يتورّآلي
^
^
وبعدين من صورتك بآين انك تقرب لليآبآنين اوم الإخترآعآت

قولهم كبريآء تسلم عليكم وتقولكم اخترعوا لنا قدر ضغط بلاستيك عشان نطبخ فيه ونرميه
لانه يسبب مصع ومشع إذا جينا نغسله <<هذا اللي هآمك
وإذا مافهموا كلمة مصع ومشع دورها بــ لغتهم

المنديآلي
الله يوسع صدرك بالعـــآفيه
موضوعك هسهسه ... وآصل

لالا يورالك هذي يسمونها مخشه

الصوره يمكن ماهي واضحه زين خاصه عيوني والزغود منفخه والراس كبير شويه بس هذا كله تفكير تدرون الواصلين زينا لازم يكونون مفكرين مواي كلام

نقلت رسالتك لليابنيين وطلعو يعرفون المصع والمشع زينا ( يقولون قاصدينها عشان يربون عضلات ) قالو قلها ( شنق فنك بونك ) هذا اسم كبير المخترعين هناك يقول قل لبنت عمك تري اسهل نخترع بنات تنفخونهم ويسوون الغدا ( وبعدها تفشونهم وترفعونهم بالدولاب ) اما القدر فينقزونها لان قدر ماينغسل يعني مافيه ( حكاك وفي مقوله حراك ومقوله اخرى كراش ) وهذا سر الطبخه خاصه ( والكلام للخبير الياباني ) عندنا باالخليج والسعوديه خاصه

الله يديم عليك السعاده استعنت بخبيره للرد عليك

[المنديالي]

المشاركة الأصلية كتبت بواسطة ~ملاك الروح~

منديــــــــــالي ثرمدة تدخل السرور إلى النفس خاصة الألوان المخلصة
إذا عندك واسطه تكفى أبغى يطلون لوني بالأسود << أحس انه ملكي

بكتب ذي الثرمدة وأرسلهــا للإدارة عل وعسى أن تجد مايرضييكـ فما عليك سوى التوقيع على هذا المعروض ::::

بسم الله الرحمن الرحيم
الحمد لله والصلاة والسلام على نبي الهدى (محمد صلى الله عليه وسلم )
إلى إدارتنا الموقرة أبعث ثرمدتي هذه علهــا تصل إليكم وأنتم بأنتم الصحة والعافية , وأتمنى أن تنظروا إليهــا نظرة العطف والحنية على من تربع على عرش التنكيت والسرور
(المنديـــالي )
فهو في هم لا يعلمبه إلا الله صحيح أنه يعبر بطريقة فكاهية ولكن الحزن استولى على قلبه وأصبح أسيراً له ..

فعندما شعرت بتلك الحزن أنطلق قلمي معبـــراً هذه الأبيات ::

برســالتي هذه ماذا عسآي أن أقول
في منتدانا مآء وزرع وحقول
زرعنــا الود والريحان ولم ننسى البقول
وفي ثرمدتنا هذا يقول وتلك تقول
منعنـــا عنه النسخ واللصق أي المنقول
أبعدنـــا عن أنفسنــا الهم والثقول
فلا يدخل الموضوع إلا أصحــاب العقول
فالمنديالي لديه هم ولايدري مايقول

عل الإدارة أن تسمعه وتعزم وتقول
خذ الوســـآم وأختر من الألوان والأعمال
مايُريح العقول
بشرط أن لاتأتي لمنتدانا إلا بلبس الثوب والدقول
فأقول لكـ أتريد شيئاً يالمنديالي غير ذلك أم أسكت عن المقول
فأخبرتكـ عن مايصير بمنتدانا فمديرنا ماذا عساه أن يقول

بروح امسح دموعي ...<<

معقوله ماتدرين انهم يسموني الواصل شبكنا الاداره كلها وسارو صدقان كلهم خاصه هيثم واصحاب اللون الازرق الله يخارجنا منهم
طلبت منهم تغير لونك حسب ماتبين بس ابو عبدالرحمن يعتذر ويقول الالوان غلقت من السوق والضاهر انه يلمح لعملية الرش على اصحاب اللون الازرق ويبغني ارش يقولي ( شخلل جيوبك ) مدري وش يقصد .
وقعنا المعروض وارسلناه ويقولون بنتدارسه وطبعا انا رشيت على خفيف بعض اعضاء اللجنه يمكن يطلع منهم حاجه
سمعت انهم شرو مناديل شكلهم تأثرو وفي قول اخر انهم شرو المناديل عشان اللون الجديد مايجر وراه غير الدموع واشتهر اصحابه بالمناديل مدري وش نصدق من الاشاعات تدرين الامور الكبيره يجي فيها اشاعات لكن انا بشري مناديل يمكن انهم يحنون شويه ولا نرش عليهم منها .
ثرمدتك ممتعه متعك الله بالعافيه

المشاركة الأصلية كتبت بواسطة أبو خولة

ايه ياشيخ المثرمدين
واصل فقد وسعت صدورنا,وارحت نفوسنا,,,,,,,تدري من اول ما نزلت
الجزء الثاني وانا ودي اثرمد,
بس خايف اجيب العيد,واخبصلك الثرمدة,لأنه اللي في قلبي ع لساني,واجي بكتب,ثم امسك نفسي
واقول المنديالي ما شفت منه الا كل علم طيب,لا تخبص عليه,فإذا كان صاحبك عسل ..سده واستريح, ثم اسجل خروج, لأن يدي تاكلني ألأ بتكتب,والمشكلة,بدون تفكير أو ترتيب,حتى اني
ماني عارف وش كتبت فوق..
مالك بالطويلة..كنت من المحاربين للتعصب الرياضي
واصبحت من اشد المتعصبين ,
وانا لي مده ماعندي اي اهتمام بالرياضة,مدري هو المنتدى خلاني متعصب ,ولا من اول هذا حالي..
ولو اني حاس اني هديت من تعصب البعض, بس العدوى كنها صابتني,
تصدق مباراة السعودية والكويت جيت بشوفها الا
وانا انعس,وما قدرت استوعب المباراة..مدري هي
الكورةتغيرت,والمستوى تدنى, ولا انا ماعاد عندي سالفة,,الله يسقي يوم كنت ما اخلي ولا متش الا
وانا اتابعه,,,والشاشة ذيك الأيام 14 بوصة,,
والحين 32 وانعس, حاولت ما قدرت, المهم تركت المباراة,وطلعت
السطح عندي ركيب مترين في متر ...قلت بثيره
واسمده ,عشان القوطة غليت,, وناوي آخذ بقايل
طماطم, وسوي حوطت بندوره,,,,تتوقع ابياكلها البرد
الأيام ذي ولا؟!
بعد ماقرب المغرب نزلت وتوضيت , وانا نازل للصلاة
الا اسمع المعلق يقول ضربة جزاء للمنتخب,واشوف
الأ الشلهوب بيشوت واطالع بعيونه, الا اقول في نفسي , شكل الحارس بيصدها, لأن الشلهوب لعيب
مستحيل يطلعها بره,وحصل ما توقعت!!وتركت المباراة
ورحت أودي فرضي,,,,,
عسى بس ما جبت العيد
وخبصت أم الثرمدة,,,,,

ثرمد يا منديالي ثرمد يا بخت الحروف اللي تثرمدها

يوم اشوف اسمك يابو خوله احس اني مبسوط مدري ليه الله يبسطك ويرزقك من نعيمه
ثرمد وخذ راحتك واذا احد قال شيئ بنقول تروها ثرمده وحنا علمناكم وبعدين احلى مافي الثرمده ان الي يجي على البال نقوله مانتعب انفسنا لا في تنقية الكلالام ولا زبرقته يعني كيفما اتفق

تدري عاد اجمل مافي الكوره المناحله يوم تلقى واحد متعصب وانت تمون عليه وتدري بطيبة قلبه بس طبعه كذا يعني يعصب بسرعه ويحب فريقه وتجلس تمتحنه واعتقد من هذي النقطه يحصل الي نشوفه بالرياضه كلهم يحبون بعض شوف ردودهم بعيد عن الكوره تحسهم اصحاب روح الكوره تلقاهم كل واحد شايل المشعاب للثاني الله يخارجنا لو بس يهدون اللعب ويتركون بعض الهروج الي تزعل عشانها تصدر من ناس فاهمه كان شغل 100% وبعدين ترى الشغله سهله خذ الامورر ببساطه ولا تبين لحد انك معصب ينفقع قلب الخصم .
اخويانا باليمن ماشيه معهم زي اللوز المقشر بعد وربي رحمهم من مقابلة العراق شوف عاد باقي يخدمهم الحظ ولا لا
سعدت بوجودك

المشاركة الأصلية كتبت بواسطة أرجـــــــــــوانـ

أعجبتني ثرمدتك يالمنديالي مع إني ما فهمت كل شي..
أحلى شي الفواصل والرجوع هروله.. ههههههههههه..
لا عدمنا ثرمدتك المسليه..

حياك ارجوان
الفواصل لزوم الثرمده
وبعدين ترى نكتب بطريقه مباشره وهروج عاديه يعني مافيه تفكير للموضوع ولا وش نقول نكتب اللي يجي بدون مانخبص بس وباقي العلوم مسموح .
سعدت بالتواجد الجميل

[المنديالي]

المشاركة الأصلية كتبت بواسطة أبو خولة

رجعت قريت ثرمتك,إلا وهي في الشرق ..وثرمدتي بالغرب!
لأن ثرمدتي مرتجلة,واثرمد مابالنفس والخاطر,جيت برقع إلأ هي ما
تترقع... بس اجعل فكرة ثرمدتي بالك,بالأجزاء القادمة!

8
8
ذي حكم المثرمدي وبضيف عليها ذي القصص الثلاث
ممكن تناسب وممكن!!!

يحكى ان امرأة زارت صديقة لها تجيد الطبخ لتتعلم منها سر "طبخة السمك" .. وأثناء ذلك لاحظت انها تقطع رأس السمكة وذيلها قبل قليها بالزيت فسألتها عن السر, فأجابتها بأنها لاتعلم ولكنها تعلمت ذلك من والدتها فقامت واتصلت على والدتها لتسألها عن السر لكن الام ايضا قالت انها تعلمت ذلك من أمها (الجدة) فقامت واتصلت بالجدة لتعرف السر الخطير فقالت الجدة بكل بساطة: لأن مقلاتي كانت صغيرة والسمكة كبيرة عليها...

(ومغزى القصة :ان البشر يتوارثون بعض السلوكيات ويعظمونها دون ان يسألوا عن سبب حدوثها من الأصل) !!







================================================== ========================
أما القصة الثانية فهي عن رجل وقف يشاهد فراشة تحاول الخروج من شرنقتها، وكانت تصارع للخروج ثم توقفت فجأة وكأنها تعبت، فأشفق عليها فقص غشاء الشرنقة قليلا ! ليساعدها على الخروج .. وفعلا خرجت الفراشة لكنها سقطت لأنها كانت ضعيفة لا تستطيع الطيران كونه أخرجها قبل ان يكتمل نمو أجنحتها...

(ومغزى القصة : اننا نحتاج لمواجهة الصراعات في حياتنا خصوصا في بدايتها لنكون أقوى وقادرين على تحمل أعباء الحياة وإلا أصبحنا ضعفاء عاجزين) !

================================================== =========================
أما القصة الثالثة فتتعلق بأحد مديري الإنشاءات الذي ذهب الى موقع البناء وشاهد ثلاثة عمال يكسرون حجارة صلبة فسأل الأول: ماذا تفعل؟ فقال: أكسر الحجارة كما طلب رئيسي ... ثم سأل الثاني نفس السؤال فقال: أقص الحجارة بأشكال جميلة ومتناسقة ... ثم سأل الثالث فقال: ألا ترى بنفسك، أنا أبني ناطحة سحاب... فرغم أن الثلاثة كانوا يؤدون نفس العمل إلا أن الأول رأى نفسه عبدا، والثاني فنانا، والثالث صاحب طموح وريادة ...

(ومغزى القصة أن عباراتنا تصنع إنجازاتنا، ونظرتنا لأنفسنا تحدد طريقنا في الحياة









تسلملي ذي الزخووووووووووود ايه المثرمد
البطل!
7
7
7
7

بالعكس ثرمدتك الاوله جميله وهذا المطلوب اننا نتكلم بدون تحظير يعني الجود من الموجود صدقني اكتب بدون ما افكر وش بكتب اللي يخطر على البال اكتبه يمكن عشان كذذه تلقى تباين في الردود ومواضيع الثرمده نفسها .
ثرمدتك المره هذي غير واعجبني تعليقك عليها حلوه ان الواحد ياخذ قصه ويستخلص لنا منها عبره او فكره .
ثرمد يابو خوله وكثر ثرمدتك غير

المشاركة الأصلية كتبت بواسطة وآثقة الخطى

آآمـــآآ كل أسبوع تـفتحو ثرمـده جديـده ..
وانا خـبري عتيق تربعت بالأولى وأقيم على الأولى <<< طلعت انفض بالغبار

هالمره ماعندي الا ثـرميده صغيره لأفـــلآطون .


الرجل الصالح هو الذي يحتمل الأذى، لكنه لا يرتكبه..

- لو أن الحقيقة صنعت امرأة جميلة.. لأحبها جميع الناس..

- إن الذي يمدحك بما ليس فيك وهو راضٍ عنك، يذمك بما ليس فيك وهو ساخطٌ عليك!..

- إنه لمن السهل أن يعيش الواحد في المجتمع حسب ما يمليه عليه الآخرون، وإنه لمن السهل أن يعيش الواحد في العزلة حسب ما تمليه عليه ذاته، بيد إن الإنسان العظيم هو الذي يُبقى استقلاله الذي مارسه في عزلته بروح عالية متيناً وسط الزحام..


- لكي تكون عظيماً لا بد أن يُساء فهمك..
لكم ودي

حيك الله ياواثقه
كل سبت لنا ثرمده غير ويسعدني وجودك بكل ثرمده
اما لو انه مره جميله حبوها كل الناس صدقيني ياوقتها النشبه بيحبها كل الرجال لكن البلا من الحريم بيقلبونها غم وهم ولا استفدنا شيئ
اعجبتني ثرمدتك كثيرا فيها من الحكمه الكثير

[وآثقة الخطى]

المشاركة الأصلية كتبت بواسطة المنديالي

حيك الله ياواثقه
كل سبت لنا ثرمده غير ويسعدني وجودك بكل ثرمده
اما لو انه مره جميله حبوها كل الناس صدقيني ياوقتها النشبه بيحبها كل الرجال لكن البلا من الحريم بيقلبونها غم وهم ولا استفدنا شيئ
اعجبتني ثرمدتك كثيرا فيها من الحكمه الكثير

هههههههههههههههههههههههههههههههههه


حلوووووه .. والله تعليقك بالصميم مااشاء الله عليكـ

الله يحفظك يالمنديآآلي .. وأضحك الله سنكـ

وعجبتني البنت اللي تنفخونها وتـسوي لكم الغدا ههههههه بس انتبه لاتحطهـا بالدولاب مع اعواد الأسنان .. ترى اعواد الأسنان حااده وبتموتون جــوع

[سنا الهجرة]

ان كان فيه من ينافس فهو انت ياشاعرنا الاديب او اديبنا الشاعر حستنا ان قلنا شاعر تذكرنا قدرتك الادبيه واناقلنا اديب تذكرنا شعرك السهل الممتنع فهنيئا لك هذا التميز
ثرمدتي عباره عن مزوح ممزوجه بقليل من الجديه وكثير من الفكاهه والنقد الذاتي للنفس قبل الغير هي صور لما يمكن ان يكون بين الاصحاب والاصدقاء والعائله الواحده من سوالف بعيده عن الرسميات .
حياك الله ياصاحب اللون الازرق ولو تطيعني وتغيره بلون على بالي يلمع تققول ذهب تراه احسن

ههههههههههههههههههههه ..
وش هذا المدح كله يا مونديالي >> وحيك فجعتني وانا ماني ناقص

المهم :: فيما يخص اللون >> ما تدري اني طلبت من أبو عبدالرحمن يحط لوني أحمر >> وكنه انفجع من هذا الطلب بعد،،
وما مداني اقولها الا وهو لاطخني بهذا اللون الهلالي >> ما يدري وش في قلبي عن الهلال
والا كان تريض شوي.

ويوم شفت اللون الازرق بغيت أقدم اعتزالي >> اسوةً بصالح النعيمه ذيك الايام >>
وسامي الجابر هذي الايام
وياسر القحطاني مستقبلا .. ان شاء الله
لكن تعوذت من ابليس وقلت ياولد انت هنا في خدمة وجيهٍ يستاهلون تضحي بمشاعرك تجاه هذا اللون
المغبر >>> من أجللهم ..
هـا ثم سكت سكون المغصوب

على أمل أن ينظرلي ابو عبدالرحمن بعين الرأفه .. ويغير لوني الى فستقي
والا بنبه

[المنديالي]

المشاركة الأصلية كتبت بواسطة @ بن سلمان @

حياك الله يا منديالي في سبتك
لا تأخذ الألوان بحساسية , خذها زي ما أخذتها أنا كل ما نظرت لشريط المتواجدين وأنا أشوف اللون الأخضر والبني والأزرق والأحمر والفوشي أتذكر على طول محطة تراحيييييييب
ما أدري ليش إخترت لثرمدتك يوم السبت .. هل لأنه إجازة عالمية تبي تشخص بها علينا
في الجاهلية يسمون السبت شِيَار أو شَيَار

قال ابن دريد:
أؤمّل أن أعيش وأنّ يومي ** بأوّل أو بأَهْوَن أو جُبَار
أوالتالي دُبَار أو فيومي ** بمُؤْنِس أو عَرُوبَة أو شِيَار

أول الأسبوع هو الأحد ويسمى أول , وأهون الأثنين , والثلاثاء جبار
والأربعاء ديار والخميس مؤنس والجمعة عروبة .
ويقال سبت يسبت سبتا أي استراح وسكن وقيل : ان السبت هو معرب شبت العبريه وتعني الراحة والسكون .

نعتذر منكم كل ابوكم لان كنا مشغولين الله لايشغلنا الا بطاعته وبعدين امس تدرون رواتب ويادوب الواحد يسدد القروض والجوالات والبقالات ويشتري مقاضي يغني بالمختصر يغلق الراتب عشان يرتاح ويريح .

الله يسعدك اما محطة تراحيب وصف صراحه جديد وجدير باللطش مدري ليه تصورت المحطه يوم قريت ردك
يقولون اللون الازرق لون بارد فيما الاخضر يتسم بالبساطه وهو لون الشخصيات لكن الاصفر للحكمه والمثاليه وهو لون الحكماء وانا ابغي اخوينا يسيرون من اصحاب الحكمه وابشرك استلمنا الرواتب وناوين نشتري كم برميل ونقصدها لان الحاجه الوحيده الي باقي ماقصدوها مدري عاد اذا اصحاب العماير مقصدين بويه الله وعلم لكن يقولون انهم طايحين في اللون المعتق والله يخارجنا المعتق هذي لها معاني كثيره الله يخارجنا.
يوم السبت اول ايام الدوام عندنا وبعدين ترى تتجارنا يقولون انهم خسرانين مساكين يروح عليهم في الاسبوع ( 4 ايام ) الناس عطلتها السبت والاحد ( وحنا خيبتنا ماجات على احد على قولهم ) عطلتنا الخميس والجمعه وبكذه المساكين اقصد التجار ما يقدرون يجمعون قروش غير ثلاثه ايام في الاسبوع " فاصل هجوله " سمعت ان سبب المساهمات وسوى وشلتها سببها ان التجار الكبار حبو يغطون خسايرهم في ايان الاجازه ( 4 ايام ) بتشغيل الاموال داخل البلد تحت بند اشتغل وحنا نغطي عليك " رجعنا هروله " الحاصل طال عمرك مساهمه مني في رفع اقتصاد البلد ولو بطريقة ( الثرمده ) قلت اسبق اي قرار يمكن ان يصدر واخلي ثرمدتي يوم السبت عشان بعدين اقول تروهم قلدوني .
والله يخارجنا من اخر تعريف ليوم السبت لحسن هذا يخلي مخبر يطب علينا فتحمل انت تبعات تعريفك

المشاركة الأصلية كتبت بواسطة ابومهنـــــد

ها قد عدنا من جديد للثراامد المفيدة والممتعة


رسالة الى الواالي

السلام عليكم ورحمة اللة وبركاتة....

من رئيس استخبارات الحزب الى ريس الحزب

هذي اول رسالة امنية من قبلنا نوافيكم بها عن اخر المستجدات داخل
قصر الحكم وهذا عنوان الرسالة (1؟//:<<<"RY<</إ÷‘ٍأ]ٍِ[لأألآ ِ][ٍلأ ِ][لأ)
لاتدققون مانتم عارفين الي بداخل الرسالة لانة محتواها رموز استخباراتية مايفهمها
الا ريس الحزب واعوانة.
بالنسبة لمجريات الامور ارى ان هناك انشطار داخل الحزب المعادي
وعدم الاتفاق والوفاق فهناك من يؤيد الاصفر اللعين وهناك من يؤيد الازرق الصديق
طبعا هذا (لون الحزب)..



وبالنسبة للقروووش الي ارسلتها لي على الحساب تراني اضطريت اني استخدمها
لشوية مقاضي للبيت مثلك عارف طالعين من عيد وضحية وقلت ياولد خلني اخذ من هذي
الدراهم وامر الله من سعه لين اخر الشهر طبعاً عشان ماترجنا كل شوي تنقزلنا بثرمدة

اما بالنسبة لاصحاب اللون الازرق وما ادراك ما اللون الازرق حبايب قلبي كلهم
كل شوية يزكنوون زكن زكن زكن زكن زكن مادري ليش يزكننو طبعا مانتم عارفين
اش قصت هذي الكلمة تصدقون حتى انا ماني عارف وش قصتها لكن
اسألوا ابوخالد عنها..
"
"
"
"
لكن ابشرك يالمنديالي أنهم متعاونيين معي [احسن ازبط كويس] وكل واردة
وطالعة وجااية تراني على علم بها واشوف صاحب اللون الازرق ابوتركي في الحزب المعادي قام يتراجع عن الحزب المعادي الاصفر وميووولة تراها يمنا ويؤيد حزبنا بقووة
لإنتماءه للون الازرق الصديق اما العضو ابوخالد تره جنني من كثر مايزكن
في الرايحة والجاية لكني اكن لة الحب والتقدير الشيء الكثير لرجاحة عقلة وتدبيرة وتعاونة معنا اما العضو سنا الهجرة وما ادراك ماسنا الهجرة ذلك الجندي المجهول الذي ترى افعالة ولا تراة كثيرا يعمل كثيرا ولايحب البروووز دئما خلف الكواليس(ياحبني لة) وتراه يالريس متعاون معنا وبقووووة..
بصفة عامة كلهم متعاونيين لكن يبيلهم شويت بلصة يعني
زووود الرصيد لاتنسى ولا تقوول لي انا مطفر ولا اخر الشهر
تراك رئيس حزب مو لعبة ولا تراني بدور واحد غير ملياان
واخليك تقلب شااهية ابوك
هي لا تقوول مازكنت عليك..


اما عن النائب لرئيس الحزب المعادي ارى انة غير متعاون معنا وبيني وبينك
اشوووفة يقدم الولاء والطاعة للرئيس حقهم لكن ماهناك اي مشكلة
حسب ماوردني انة ماينفع معة نظام البلصة...
ماينفع معه الا نظاااام الواو فقط لكن خلة علية انابشوفلة صرفة
علماً انة مقرب لي واحبة كشخص..
عموما الاوضااااع ماشي صح يامعلم وعلى مايرااام
وترها [احسن ازبط كويس].

====انتهاء====

رئيس استخبارات حزب الثرمدة

يعتمد

نسخة للرئيس حزب الثرمدة
نسخة للناطق الاعلامي للحزب
نسخة للارشيف
نسخة للاعوان التابعين لحزب الثرمدة
نسخة للاحاطة والاعتماد
نسخة لافراد المنطقة(واحد عسكري)

يامرحبا وكويس تزكيني عليك طلع بفايده خطتنا بدت تنجح وحاجه طيبه انك استطعت تغيير الاسم ( لابو مهند ) كما خططنا عشان ما احد يقدر يقول ان شغلنا مايوضح اقرب مثال تغيير اسمك .
تقول فيه انشطار اجل ابعد قبل يوصلك شضايا وخلك في الركن الهادئ البعيد ( لاتقول مازكنت عليك ) واذا حصل الانشطار وانشطاراتهم غلقت وشفت العلوم بدت تاخذ مجراها الطبيعي زكن عليه عشان ازكن على بقية الاعضاء .

لون الحزب بناقشه بعدين لان الضاهر فيه اختلاف بين اعضاء الحزب وانا زكنت عليهم علشان نجتمع بعيد عن العيون ونقرر اللون ( الاصفر ) اقصد اللي نوافق كلنا عليه وترون صوتي بعشره اصوات وكل واحد منكم بصوت بس عشان تعرفون احنا نطبق مبدأ الديمغراطيه والشفافيه في قراراتنا .
التزكين هذي كلمه سريه بينهم فانتبه لايزكنون عليك وتصدقهم .
ااشوفهم بدو يميلون للحزب ( هاكونا متاتا ) لكن يبون زيادة (اكراميه ) ترى هذا اسمها واذا حبيت تسميها ( هديه ) احسن من كلمة ( بلصه ) لان هذي كلمه اعجميه من عند العجمان ترى اقصد اللي مايتكلمون عربي ماني يم نجران وانت تدري حزبنا كله الا اللغه حقتنا مانرضى غيرها .
القروش الي شرييتب صلصه ورز وعبيت بطنك فيها تراها جاتك احنا مانعطي هبات ونرجع فيها وترى الحزب في حاجة تبرعات والرتب وصل يعني شوف نفسك وشخلل جيوبك واعرف اللي عليك من اللي عليك .
نائب الحزب المعادي ابشرك لقينا له واسطه قويه يقولون ان ورقه جديده اخر ماطلع اكبر من 200 شويه مايقدر يردها خاصه اذا كانت اكثر من واحده وبنشوف الموضوع بعد جمع تبرعات الحزب .

وزع الامر وتراه سري للغايه ولاتتورطنا باخر نسخه ابعد عنها وخلنا من الاستراحه وجاي

المشاركة الأصلية كتبت بواسطة H Y T H A M

يابو مهند

زكن على رئيس حزبكم لايفتن خلق الله ويدور النشبه
ابو خالد وابوتركي وابوعبدالله زكنت عليهم أنا
هيا لاتقول نائب المدير مازكن عليه .!

اقول يانائب المدير ترى جايني ضيوف وانت معزوم لاتقول مازكنت عليك قول تم ترى بنلعب ورقه والفايز له ورقه من اللي قلت لابو مهند عليها وانت اخبرك دايم تفوز خاصه اللي بيلعبون انا وابو مهند والمنديالي يعني انت رابعنا .

المشاركة الأصلية كتبت بواسطة ابومهنـــــد

يالمنديالي الحق الريجيل الضاهر ترجموا الشفرة
على اني حاس ان هناك خيانة بالحزب مين تتوقع؟؟
لازم نوسع نفوذنا ولابد ان تستدعي ابوخولة واعواانة وانت جايي بالطريق مر على ملاك الرووح عشان عندي خطة تجنيد العنصر النسائي زي التناظيم
الي انت خابرها

(""./÷÷,,.><؟./.:",":,ٍ]ُِ]ْ][لأـ/؛؟"؟"<"؟)
(I:<JJJ HJ DGCV:>::}>?:?:>:L{"::::L)
هذي طريقة التزكين على ريس الحزب بالطريقة الاستخباراتية

خيانه ماهو معقول شفلنا ابو تركي ماهو مضمون تأكد منه شكله عميل مزدوج

ابو خوله ابشرك من اول ما بدأ بدا بتنفيذ عمليات في العمق الاداري بس قناله يهدي اللعب شويه لين تعدي السنه هذي والسنه الجايه نبدا الشغل من جديد .

العنصر النسائي فيه له رئيسه اخبرها جندت كم وحده وتعلمهم كيف يلعبون كرتيه بس مدري سمعت انها الله يهديها بدات معهم اول شيئ كيف يجرون شعور بعض وتقاتلو مافكت بينهم الا بعد بهذله لكن الخطه ماشيه .

[المنديالي]

المشاركة الأصلية كتبت بواسطة وآثقة الخطى

هههههههههههههههههههههههههههههههههه


حلوووووه .. والله تعليقك بالصميم مااشاء الله عليكـ

الله يحفظك يالمنديآآلي .. وأضحك الله سنكـ

وعجبتني البنت اللي تنفخونها وتـسوي لكم الغدا ههههههه بس انتبه لاتحطهـا بالدولاب مع اعواد الأسنان .. ترى اعواد الأسنان حااده وبتموتون جــوع

حياك الله ياواثقه
مره ثانيه كل عام ونتي بخير

الله يسعدك تري اكتب كاني اسسولف مع اي واحد من اهل البيت فترين ماتشوفينه هنه هو طبعي الحقيقي يمكن فيه ششوية بكش خفيف لكن هذا انا طال عمرك

اما اعواد الاسنان طال عمرك مغلقه من عندنا وما عاد بنشتريها كيفنا " فاصل هجوله " سنونا لو خربت يقولون في سوريا يروح الواحد اسنانه تقولين مشط مكسر يرجع من هناك احسن من اسنان ولد دوب سنونه اكتملت والتكلفه ( 4 الاف بس ) وشبابانا الله يستر حالنا وحالهم يصرفونها في لعب فكيف باسنان " رجعنا هروله " بعدين يقلك الشيبان الان ماغير رايحين جايين على سوريا يركبون اسنان لكن على قول الاداريين حقينا ( زكني ) على اللي تعرفينهم من الحريم قوليلهم لاشفتم الرجال رايح سوريا بيركب سنون انتبهو لعماركم ترونه يمهد لوحده ثانيه

المشاركة الأصلية كتبت بواسطة سنا الهجرة

ههههههههههههههههههههه ..
وش هذا المدح كله يا مونديالي >> وحيك فجعتني وانا ماني ناقص

المهم :: فيما يخص اللون >> ما تدري اني طلبت من أبو عبدالرحمن يحط لوني أحمر >> وكنه انفجع من هذا الطلب بعد،،
وما مداني اقولها الا وهو لاطخني بهذا اللون الهلالي >> ما يدري وش في قلبي عن الهلال
والا كان تريض شوي.

ويوم شفت اللون الازرق بغيت أقدم اعتزالي >> اسوةً بصالح النعيمه ذيك الايام >>
وسامي الجابر هذي الايام
وياسر القحطاني مستقبلا .. ان شاء الله
لكن تعوذت من ابليس وقلت ياولد انت هنا في خدمة وجيهٍ يستاهلون تضحي بمشاعرك تجاه هذا اللون
المغبر >>> من أجللهم ..
هـا ثم سكت سكون المغصوب

على أمل أن ينظرلي ابو عبدالرحمن بعين الرأفه .. ويغير لوني الى فستقي
والا بنبه

عز الله انه ماهو تملق لك بسلامتك مع اعرف الا معرفك هنه ولي الشرف بمعرفت مثلك ولكن وانا اخوك الحق ينقال
اللون ترى شريت برميلين الوان جديده ذهبيه ونبي نطليبها المعرفات الي مثل معرفك لونها مش ولا بد اذا ودك بنكثر لك من اللون اما بمبه هذي مدري منين جبتها الا على فكره فيه لون بمبه صدقني حدي بالالوان على الوان الطيف " فاصل هجوله " كنت بالديره اشوفها يوم كانت السيول نشوفها من على العاقد اما الان الله يجيب المطر وذا كتب الله وجا لقيت الانفس ماش وكلن يطالع فلان وش زرع وكيف رمانه وعنبته حطت وجاها المرض الي بعنبتي ولا سلمت " رجعنا هروله " وبعدين اخترعو الوان ياكثرها على قول بن سلمان اقرب مثال لها محطة تراحيب

الله يسعدك نفرح بشوفة معرفك يثرمد معنا

[مجنونها]

امس تدرون رواتب ويادوب الواحد يسدد القروض والجوالات والبقالات ويشتري مقاضي يغني بالمختصر يغلق الراتب عشان يرتاح ويريح .

هذه مشكلة الطفارى أقصاد وراتب وتصبيرة حتى آخر الشهر
اللهم لك الحمد والشكر على نعمته وخلك مثل الرجال اللي تعرف تدبر نفسها
يعني من هنا لطشة ومن هنا نصبة وإليا زنقوك الرجاجيل خذ من هذا وإعط هذا ومن دون ما تخسر شيء من جيبك
لا تطلع لي فيها رئيس حزب فاشل وتقول حلال وحرام
أنت ما راح تحط في بطنك شيء
راح تلبس وتركب وتسافر وتسدد بها فواتير وتكشخ بها
أهم شيء لا تحط في بطنك أو بطون عيالك منها شيء

[أستــــــــــاذه ملاك]

المشاركة الأصلية كتبت بواسطة المنديالي

.

العنصر النسائي فيه له رئيسه اخبرها جندت كم وحده وتعلمهم كيف يلعبون كرتيه بس مدري سمعت انها الله يهديها بدات معهم اول شيئ كيف يجرون شعور بعض وتقاتلو مافكت بينهم الا بعد بهذله لكن الخطه ماشيه .

تمام يامعلم أنا مشيه ( ماشيه ) بالمصري هع



على الخطة 100 الميه

ودنا حطيت فيديو يسبت زالك
وأنا مدربة تحت الأدواء
ودنا كمان استقدمت مدرب يدربهم من أفريقيه
دربنا الصغيرين باأي الكبيرين

إدا الخطه مشيه نمشيها وإدا فيه حاقه والا حاقه أنا تحت الخدميه
شد الشعر في الخطه القايه

[youtube]EJEdf0cH7FY[/youtube]


ترجمة اللهجة المصريه

ودنا = أنا
يسبت = يثبت
زالك= ذلك
الأدواء= الأضواء
افريقيه= أفريقيا << ياشيخه مادرينا
بأاي= باقي
إدا = إذا
حاقه= حاجة
الخدميه= الخدمة بالصعيدي
القايه = الجايه

كل السالفه مزح في مزح وثرمده في ثرمده
للتنكيت لاغير

[سنا الهجرة]

ترجمة اللهجة المصريه

ودنا = أنا
يسبت = يثبت
زالك= ذلك
الأدواء= الأضواء
افريقيه= أفريقيا << ياشيخه مادرينا
بأاي= باقي
إدا = إذا
حاقه= حاجة
الخدميه= الخدمة بالصعيدي
القايه = الجايه

كل السالفه مزح في مزح وثرمده في ثرمده
للتنكيت لاغير

نكبتي ام الترجمه الله يهديكي

ليتك خليتها على مبنى الشايب