حنا ثماله ياسليمان ونزود=إنزود عنكم بالوفا والصماله
فينا الفتى مايلحق العور والذود=يخشى على نفسه دروب الخذآله
وفينا الفتى دربه على القدم وسنود=لاهو بريض لا ولابه عجاله
لن ماغدى قايد فلا سار مقيود=طرقته يمشيها على شور باله
وفينا الفتى مايصبح الصبح مهدود=يسعى على الرزق ويدور حلاله
مستور لن حصل من الرزق عنقود=ومستور لن عزه عن الحوج حاله
الضيف يقلط مالقى الباب مرصود=والمستغيث أنغاث قبل انذلاله
وإن قال طرقي طالبك جيت محدود=يلقى طليبه قبل يرمي عقاله
ماتثني الرجال ايامه السود=فينا ولايرزاه قول البذاله
لن خاف خاف الموت قبر(ن) به الدود=وإن صاح صاح بذل يرجي جلاله
نطغى على الطاغي بلا خشم بارود=نطغى بحكمتنا بيوت وجزاله
دق التحيه يا صبي يام ثم عود=قدمك هواوي من سلايل ثماله
[/poem]
صح لسانك على هذه الأبيات الجزله الأكثر من رائعه فقد تطرقت الى مدح قبيلتك
وقد اوفيتها بما قلت
فشكرا لك يا ابو حامد
ولا تحرمنا من جديدك