والنعم بمنقاش .. عاش عاش

[مخاوي منقاش]

يا اخوان لو عرفتم مصيبتي مع منقاش هانت عليكم قريشاتكم اقلها انكم تعشيتو وسكرتو بس انا قصتي معه كما يلي=-
قبل اربع سنين اتصل علي وقال لا يجي بكرى الا وانت عندي بالطايف خير يمنيقيش ؟ قال الحق وكل تبن 0 مررتها وقلت يالله المهم استقبلني بالمطار لاول مرة والعادة اخذ تكسي وخذ ياسلام وترديد السؤال مئة مرة اخرها تلطمت ونمت لين وصلنا البيت الا والرجال عازم ابن عزاب واثتين ماعرفتهم وعشانا كالعادة فول وثلاث حبات بيض مسلوق وقال هيا نام ورانا سرحة الصبح لمكةقلت عسى خير 0
ومن بعد شروق الشمس ماردنا الا العزيزية وموقفني على هكا الارض اللي في موقع زين وقال وش رايك فيها ؟ قلت الله يبارك لاهلها قال انت اهلها 00كيف ؟ قال هذه ارض وارثينها ايتام من اهل الطايف واشرت عليهم يبيعوها وقلت لهم انا اللي ابي اشتريها وانا ماعندي فلوس وانت خويي من قديم الزمان وانا صافطها لك قلت شريت قال مبروك ويالله على البنك حولي المبلغ مليون ريال قلت هالحين اعطيك عربون والباقي على الافراغ قال لودرو انها لك ماباعو ولكن انا اشتريها وبعدين افرغها لك قلت تمام وانا اثق فيك باكبر قال هذا الامل فيك00

وهالحين لي اربع سنين لارد لي فلوسي ولا اعطاني الارض وسمعت انه باعها ب3مليون واذا قلت عطني حقي قال عندك شهود؟

[بيقبن بن فنحاص]

لا تقل لنا يا أخوان لأنك لست بأخ لنا بعد أن خاويت الشيطان منذ ركبت الطائرة وتوجهت الى أستنبول ماخور اليهود في تركيا لتنفق أموال المسلمين على الخنا , تبعثر المال ألذي أخذته من بلدك أرض الحرمين ووادي وج ووادي جفن لتلعب به وتعطيه أعداء ألأمه .
أيها ألأرعن لماذا تركت بلادك التي تتميز بأحسن المصايف والأماكن السياحية في العالم ؟,,, لماذا تركت الطائف المأنوس ومكة المكرمة والمدينة المنوره وجده عروس البحر أم الرخا والشده وتنكبت السراط وغدوت الى ما غدوت له ؟.
أن صدقت في أدعائك على الشيخ الشريف منقاش فبيض الله وجهه لأنك تستاهل أن تجرد من ملاينك وحتى من سروالك والحجر عليك لأنك أنت ومالك أن لم تكن لمنقاش فأنت لذئاب الصهاينة , تبا لك من أحمق يضيع أمواله على الأعداء البعيدين ويظن بها على المسلمين الصالحين أمثال منقاش .

[مخاوي منقاش]

قال مصايف قال انشا الله ان عدت سالما فسوف احدث عن دار الخلافة وانا ادلي بدلوي لنبين للمسكين ابو عبد الرحمن انه ينافح عن شيطان طويل لسان والله يرحم الحجاج(ابن سلمان) عندما كان مشرفا عن المشرفين الحاليين واخرهم مهزلة منقاش وياابا عبد الرحمن المس راسك هو عليك ولا لا واذا منقاش اوعز الى خادمته الاندونيسية بان تعملك عمل شيطاني فسوف اوجه الشيخ شبلي بفك هذا السحر عنك لانه حفظه الله ضليع بهكذا امور وبسعر لايتجاوز عشرة الاف ريال

[منقاش]

أنت هالحين يالمخاوي ما الله يهديك تلملم وتترك عنك دار الخلافه وتعود لدار الخلافه اللي مشيت منها؟,
أنت ما أنت داري أن فتح أستانبول هو خروج الدجال وانك رايح عندك تبعبص له حتى تخرجه علينا وتورطنا ورطه بجلاجل؟ .
عود الله يهديك واستحي تراك فضحتني قدام ربعي يوم أنك مخاويني ورايح لمحلات ما تشرف ,, عود علينا جاي وان بقي في مخابيك قريشات تعال للطايف تبرشم وتحمط بها وتفرج مع أخوانك المشاكس والشيهان ومدهش وابو الونات على قرود الهده وليه عساك تعلم منها روح الألفه والجماعه والقياده والزعامه وتونس بباقي دريهماتك في مداريه السواط .

[أبو عبدالرحمن]

وياابا عبد الرحمن المس راسك هو عليك ولا لا واذا منقاش اوعز الى خادمته الاندونيسية بان تعملك عمل شيطاني

بس ...بس ...أنا يوم تغديت في ذاك اليوم ..همس منقاش من وراء الباب بعد ما زعق على الخادمة...ما ودي أكمل..

بسم الله الذي لا يضر مع اسمه شيء في السموات ولا في الأرض.

[سنا الهجرة]

والله يا عليكيم سوالف

ولا ألف ليله وليله

كل ما ضاق صدري جيت أقرأ سوالفكم واقعد اضحك

[مخاوي منقاش]

اخونا سناء/ ماابرك بهالساعة الي تتونس بيها والناس تدفع فلوس غلشان توسع صدورها واما انت يامنقاش اتركنا والمسيح الدجال خلنا مستانسين وتوي جاي من طرف البحيرة وشبيت النار وسويت القهوة والشاي وفارشين البساط جالسين على الارض( علما ان عبد الله قول الله يطول عمرة ماقصر حاط كراسي جلوس حول البحيرة ) وانطبق علينا قول الشاعر
كاننا والماء من حولنا عرب جلوس حولهم نار
والغريب ان بعض الاتراك يصوروننا ولا قلت تفظلو مشو حتى ما يقولون اكرمك الله