ومضــــة رمضـــــــانية ..

[أبو عبدالرحمن]

سلمك الله أخي المقداد

ولا تنس أهمية كتابة هذه الذكريات ولعل الزائر يستفيد ويستمتع أكثر منا

وكذلك المشكلة الفنية التى اعترضت المنتدى قبل عدة أيام واحتجب المنتدى عن البعض ممن يتصفحون عبر متصفحات جديدة الاصدار

لن نعذرك في التوقف بتاتا

[منقاش]

حليفنا العمدة المقداد بن الأسود , كل عام وانت بخير والسامعين اجمعين بمناسبة قرب حلول عيد الفطر المبارك ومن بعده عيد النحر اعاده الله علينا وعليكم وعلى القراء والأعضاء باليمن والخير والبركات , أما ما قبل :
من متى يا ابن عمي شفت في عيوننا اللي زعمت انك شفته؟ , ومن اللي قال لك أن قداستنا وبقية القراء ماهم متطلعين لجديدك واوله بقية ذكرياتك الرمضانيه ؟؟..
والزبده ,أحسن لك كمل علومك والا ترى فيه أجراءات عقابيه ربما نصدرها ونوجه المشرفين بتطبيقها بحقك أرحمها نزع كل الأوسمه اللي تزين معرفك والسبع النجوم اللي تلالي في العلالي من فوق عمامتك , أو ربما توقيف عضويتك خلال شهر رمضان المبارك كما وقفنا من قبلك (خلال الشهر الكريم )عضوية بعض الأعضاء اللي نحبهم ولا شفع لهم عندنا حبنا لهم من توقيفهم , وفي مقدمتهم حليفنا التهامي (الشيخ ابن همام) رضي الله عنه وعن والديه وشاعرنا سهيل اليماني غفر الله لنا وله ..
طبعا توقيفنا لسهيل خلال الشهر كان بسبب جريمه أقترفها ما يمكن يصوم وهو مستمر فيها , وبالتحديد أزدواجية ولاء الرجل لنا ولعدونا المخاوي , واعني بهالكلام تحديدا , مدحه لقداستنا بقصايد عصماء كما يفعل بقية فحول شعراء المنتدى والعالم العربي, وفي نفس الوقت مدح المخاوي بمعرف ثاني انتحله حتى يولعها بين خصمين ما يطيق كل واحد منهم يسمع طاري الثاني لو لثانيه واحده , وبكذه يسعرها ويشعللها ويعلي من لهبها على ماهي متلهلبه اصلا..
بخصوص الموضوع اللي طرقته , ويش تبي ابو نقشه يقول عنه , وويش تبيني أخلي منه؟, وكيف تبوني أخليكم تستوعبون كلامي وكلام جيلي في الوقت اللي اصبحت الهوه اللي تفصل بين جيلنا وجيلكم كبيره ان ما كانت سحيقه بما فيكم الشيخ سلام الله يسلمه اللي جيله من عيال جيلنا كما يوم أن جيلك يا عمده من عيال عيال الجيل اللي خلفه جيل الشيخ سلام ...
وحتى تفهمون ما يعنيه شيخكم اقول , الله ما من يوم صيام غابت شمسه ولبدت السحب سماه وظنينا أن الليل أمسانا واذن مؤذنا وافطرنا واللي علينا بالخير وبعد الأفطار بساعه والا ساعتين أنجلت السحب ألا والشمس بعد لا زالت مشعه وبعد ما غابت عن متون واعالي الجبال .
هذا اللي كان يحصل أحيانا , والله يلوم من يلومنا لأن ما علينا شرهه والا ملامه والساعه أيامها ما عرفناها ولا حتى سمعنا بها .
والله ما من يوم ما درينا عن الشهر أنه هل وان رمضان قد بدا ألاساعه متأخره من نهار بسبب قصر (النقص) القصير (شعبان) , ولا ندري الا من هباطة هاك الزمان من حماره والا جماله في مصدارهم (معوادهم) من السوق , ولا علينا شرهه أذا كانت السحب في اليوم اللي سبق قد حجبت عنا الهلال وبسببها ما درينا عن قصرة قصير بيوم والا يومين ...
ونهاية الشهر بالمثل , فياكم من رمضان نقصت أيامه ولا درينا عن العيد السعيد ألا ضحى والا ساعه متأخره من نهار العيد اللي عبينا له الحطيب والعلم العجيب من الزاد والثوب الجديد والبندق الممسك والبارود والردح والقصايد يوم كان العيد عيد من جد ماهو عيدكم اللي فتر من بعدنا حتى قال قايلكم ما عيد الا عيد العافيه , واللي مات مع الجيل اللي من بعدكم حتى أصبحت المعايده صبيحة يوم العيد من المنكرات المستغربه واصبح يوم العيد يوم حداد وتشبيح في عروض الحداد ويوم نوم وعبوس وتنكيس للروس...
شفتم كيف ان الهوه أصبحت سحيقه بين أجيالنا وأجيالكم ؟, ولا تستغربون أذا قلنا لكم أن الهوه اللي بين جيلنا وجيل العصر الأموي والعباسي رردمها أسهل من ردم الهوه اللي بيننا وبين جيل المقداد وجيلكم اللي اليوم يسمع ولا يعرف الا القليل عن الجيل اللي سبقه بثلاثه والا أربعه عقود..

[أبو عبدالرحمن]

يا ابو نقشه
العم مقداد زعلان منك
فيه مضوع له في الاستراحة يا ويلك
ولله الامر من قبل ومن بعد