منقاش المتصهين/ الحلقة الرابعه

[ما عندكم أحد]

ما شاء الله
الى الحين ما فتر لحيك يا منقاش
يعطيك العافية

[ابو ملاك]

والله يامنقاش ... كلام عليه العلم ..

اثر العلوم كذه . . . يهبو يالصهاينه ..

لاتفرط في الصهيونيه . هذي خذ علومها كلها . . لعلها توقض الغافلين .

[بن عواض]

اشوف علمك فيها ريحت خطر واخاف لا تغرقك في البحر . انتبه علي عمرك لا تنصهر بدل ما تتصهين الله يخارجنا .

[منقاش]

يا الله مسا خير ,, أمسينا وامسى الملك لله
الله يكفينا شر عيال الحرام وبنات الحرام , وبعد :
أبو عبدالرحمن : نعم حالك , والعلوم جايتكم , بس لا تنسى تتصل بصاحبك ابن عزاب تراه أستملك على الثانيه , وترى منقاش ما دري الا من النسوان , حسبي الله عليه ...
ابن سلمان : آمين , والله يعطيك العافيه ...
شراب مقطوع : تراك خفيف ظل وراعي موهبه لكن سالفتك اللي جبتها حطيت فيها كلمه منعتني من التعليق وهي خكر وما أدراك ,, ليتك تبعد عن ذكر حثالة البشر حتى نقدر نتفاعل مع ما تكتب وشكرا...
ما عندكم أحد : أحب أوسع صدوركم واثري منتداكم يوم أتعب واكتب لكم ...
أبو ملاك : شكرا على التفاعل والمداخله ..
ابن عواض : نعم الله يخارجنا جميعا ...

[أبو عبدالرحمن]

أما حركة بن عزاب..

حركة مباغتة للجميع

لكن ممكن معاه عذر..نسمع منه أولاً ..

[ابو عادل]

مساك الله بالخير يامنقاش
عزالله انك من جد ماتنحاش ، الآن عرفت انك على قدر كبير من الشجاعة بسبب مغامراتك
وعرفت ان عندك صبر وجلد من يوم تحملت المتاعب والمصاعب وصبرت على جو الدراسة والتلقين والتدريب المتواصل ولأيام طويلة بس ودي أسألك عن المدرسين وش الحوافز اللي كانوا يحفزونك بها حتى تسير تلميذ شاطر وتفهم وتنفذ المهمة على الوجه المطلوب؟
أنا أعرف انهم حفزوك بالقروش ، أقصد الدولارات اضافة الى اللحم الأبهط لكن ماأخذوا لك صور وقالوا نصنع منك زعيم قومي ترفع القبعات احتراماله؟ عطنا العلوم كلها وعجل بباقي السالفة وانا أشهد انك وليد المرجلة وتعرف من أين تؤكل الفقرة.

[ABO TURKI]

منقاش تبغى الصدق
ماعندك احد

[منقاش]

أبو عبد الرحمن : حركة الرجال قرعاء لكن يعوضها يعزمنا في القرى .
أبو عادل : تمطقع وتتريق على منقاش وخذ راحتك ,, لكن ما أكون أبو نقشه أذا ما أخلي ألصهاينه يورونك النجوم قايله ..
وبعدين يبو عادل وراك تغوي ابن عزاب حتى يتجوز الثانيه ,, وتراني كنت ولا زلت أقول أن صداقة وجيرة هالأثنين ما هي على علم زين ...
أبو تركي : يبدو لي أنك بديت تعقل ...

[ابو عادل]

الله الله يامنقاش
ماشفت الا بن عزاب وانت خابر نغيفك وغطيطك ولك خوار على شان الصهيونية اللي درستك
والحين مستكثر على جاري اللي ماراح للصهاينة زيك
والله مابك الا الجكرة لكن موت بغيضك ماحد مطالع فيك يامنقاش.

[منقاش]

يا الله تمسينا بالخير وتكفينا شر عيال الحرام وبنات الحرام
أبو عادل : الصهيونيه اللي نغف منقاش عليها تسواك ومعك ابن عزاب وابن داخل وابو أمجد وابن سلمان وابو عبد الرحمن وابو هاشم وحتى معكم شيخكم سويد الوجه رويعي الغنم ....