عودة الجمس

[كايد بن ثابت]

عودة الجمس عودة الجمس عودة الجمس عودة الجمس عودة الجمس

[POEM="type=0 bkcolor=#FFFFFF color=#660000 font="bold large Arial, Helvetica, sans-serif""]أستعــد الفكــــر والهاجـــــوس غنــى = واليميــن الحاتميـة مـا تونى
تكتب الجـــزلات يالقـــاف المعنــــــــى = ومن زرع زرعه لقي منه الحصيـل
يالنديــب الله يخليــــــــلك شبــابـــــك = هــات عطني وش لفاني في جوابك
كيف حال الموتـر اللــــي قـــد سرابـك = عز الله انه موتراً يشفي الغليل
قال عيــن خيـــــــر يالرجـــل الصبـــور = ياوسيـــع البال ياصــد الدهــور
يالشاعر اللي خاض بالسبــع البحــــور = يا راعي الطالات كساب الجميل
ماخاب من يسري على ظهر الجمـوس = وارد امريكا يباله من يــــــدوس
ما تفــاوت فــي محركـــه التـــــــروس = وسايقه وسط الغمارة ما يميل
ما لك بطول العلـــوم وهــي قصيــــرة = سار لك يومين في شك وحيرة
تحتري فرز المقصب عن حريرة = بعلمك باللي لقيته عنك قيل
لفيت في ديرة صناديد الرجال = الشيوخ أهل الوفا في كل جال
الولد وابن الولد عم وخال = النشاما والمجالس مداهيل
للكرم مضرب مثال وللوفا = ضيفهم يلقى وجوبه لا لفا
للشجاعة والشهامات أحلفا = والجود بانينه على الخلق النبيل
قلت ياهل الخير مرسول بكلام = من مضامينه تحيات وسلام
للجميع وللحضور أهل المقام = من زميل له بديرتكم زميل
قام وتكلم واحدٍ منهم ذهين = قال كني خابرٍ ذيك السنين
يا النديب انته تكلم عن ثنين = حبل الصداقه بينهم مشدود حيل
أسلك اليمنى على ذاك الطريق = روح وانشد عنه في ذاك الفريق
الشاهد الله مرسلك نعم الصديق = وصاحبه في خوته ماله مثيل
أخذت وصفه ثم سريت الجميح = والطرب طاهر ترفق يامليح
موتري طيب وانا به مستريح = أفتخر باسمه وبرقام المديل
هذا انا توي وصلت وما لقيت = حيٍ يسير وانشده عمن بغيت
غير الوجار وناره اللي قرب بيت = وروحت ناصيها عسى بلقى دليل
أثر المعزب قرب ناره والدلال = ما للمسير في مناداته مجال
هلا ورحب ثم قفى للحلال = ما من عذر والهرج فيها مستحيل
عقب الكرم والطيب بديت العلوم = قلت له يالجودي جيت فلزوم
بقضي لزومي ثم با شد العزوم = وكثر الله خيركم يابن الاصيل
جيت أدور واحدٍ فيكم شجاع = ما يهاب الوقت وقلبه ما يراع
لا طروله شعر يرخي الاستماع = عوايده ما يعتمد عنها بديل
قال المعزب نعم منهو درسك = وفي الوصوف اللي ذكرها علمك
واللي بغيته انت عنده ضيفك = يا مرحبا واعداد ما خال المخيل
أبو عناد الله يسامح غيبته = ما اغلى منه ياكود ساعة جيته
والديرة اللي تنحرم من شوفته = ما كنه الا واحدٍ واصبح عليل
أعرف كلامٍ مرسله وش هو يقول = أدري به انه ذرب في كل الفعول
قوله منقى تنقية درٍ ولول = عساه للجنه عقب عمرٍ طوبل
عجل عليه بردي اللي تسمعه = قله تراه لشوفتك يا مطمعه
والصاحب اللي صاحبه ما هو معه = يبقى على مر الزمن تايه ضليل
قله هل الديره بخير وعافيه = ما حدٍ على الرمضى رجوله حافيه
ما دام قايدنا يمينه وافيه = وحنا تحت ظله بعد ربٍ جليل
الله يديم الامن في شتى البلاد = ويعين أبو متعب على ردع الفساد
القايد اللي حكمته نعم العتاد = ودستوره القرآن والسنه دليل
وختامها مني تحيه واحترام = لك يالنديب انته ومن ساق السلام
وصلاة ربي عد من صلى وصام = على شفيع الخلق من ربه رسيل[/POEM]

[سنا الهجرة]

اللهم صلي وسلم على سيدنا محمد
>>
حياك الله يالكايد وحيا علومك
وصح لسانك ملايين ولا يكفون

[t3bt Ashtag]

يعطيك العافيه مجهود رائع كلمات في الصميم

[أبو عبدالرحمن]

صح لسانك يا كايد

لا عدمناك

[حسن عابد]

صج لسانك ياكايد
سلام لأبوك

[واثق الخطوة،،،]

صلى الله وسلم على سيدنا محمد

صح لسانك

[ابو انس]

صحــــــــــــــــــــــــــتح لاســــــــــــــــــــنك


كفــــــــــــــــــــو ياراعي الجمس قصيده مبنى ومعنى


لاهنت وننتضر المزيد

[ღ مييكو ღ]

اللهم صل وسلم عليه ..
صصح لسسآنك ..

[حسن حامد]

صـــح لسآآنك ...,
قصيدهـ فخـــمه

[كايد بن ثابت]

اللهم صلي وسلم على سيدنا محمد
>>
حياك الله يالكايد وحيا علومك
وصح لسانك ملايين ولا يكفون

اللهم صلي وسلم عليه
أبقاك الله وصح بدنك ياسنا