رُوُحْ اِسْـأَلْ التَّـارِيخْ

[سنا الهجرة]

رُوُحْ اِسْـأَلْ التَّـارِيخْ رُوُحْ اِسْـأَلْ التَّـارِيخْ رُوُحْ اِسْـأَلْ التَّـارِيخْ رُوُحْ اِسْـأَلْ التَّـارِيخْ رُوُحْ اِسْـأَلْ التَّـارِيخْ

رُوحْ اسْأَلْ التَّـارِيخْ

[POEM="font="Simplified Arabic,5,blue,normal,normal" bkcolor="transparent" bkimage="images/backgrounds/40.gif" border="none,4,gray" type=2 line=0 align=center use=ex num="0,black""]عدّيت روس النايفات الظليله=مرقى الفخر ياللي تباكى على اطلال
نوماس راس وكل مبدى وسيله=وانا على مد البصر يِمْنْ وشمال
وارمي النظر قدام .. بُعْد المخيله=واشوف خلفي ماحجب شوفي ظلال
عينٍ على الماضي بنظره جليله=وعينٍ على مستقبل الوقت بآمال
أسعى جَهَدْ نفسي والُمْ الحصيله=واختار من روس الطويلات منزال
وانقى من اِجْزَال الجِزَال الجزيله=واسوقها في محفل العِرف تختال
من راس ما هاب الحمول الثقيله=شيّالها .. لو هي على غيري ثقال
خليت لضْعاف النفوس .. الهزيله=اللي لها مِقْيال في كل مِسيال
مالي ولاصحاب القلوب العليله=أربا بنفسي عن دنيات الافعال
لي ساس ماهو مِنْبِنِي فوق هَيْلَه=قِدْ شال قبل بْنَاية اعلاه ما شال
جدي علم مرفوع كلٍ يِخِيلَه=ما مات ذِكْرَه بعد ما مات باجيال
(عبداللطيف) اللي مزَبِّنْ دخيله=لُه وقفة الشامخ .. وان اهتز زلزال
وان فز لز مواجهه في شليله=سهم على قلوب المعادين قتال
على زناد العز رز الفتيله=دحر لخصومه فالمجالس ليا قال
بالحق وعلوم الرجال الاصيله=للمرجله زارع وحاصد وكيال
واللي يدور درب .. ياهو دليله=من جاه .. ما عداه في كل الاحوال
أقسى الصعاب ان ساسها تستويله=يظهر خباها لو خفت خلف الادغال
تلقى الحلول .. تقول عنده نزيله=نيشان عرفه ما خطا كل الاطوال
وابوي من بعده عدل كل ميله=في ساحة اهل العرف قايد للابطال
الحق في كل المحافل سبيله=من قبل ما شيخ مناضل ولا زال
صنايعه بالخير ما هي قليله=من كثرة افضاله من الصعب تنقال
ماهو بنا اللي قلت .. ربي وكيله=ما يبخس ابن آدم ولا عشر مثقال
قالوا لعوارف شيخ .. ما فيه حيله=كبير قوم .. وتنضرب فيه الامثال
بنه .. ومسماره .. وحبات هيله=في دلته .. وابريق شاهيه شغال
في مجلس كل القبايل تجي له=طيب وكرم ومشاورات وسعة بال
ياما تربع فوق عرش الفضيله=وياما ارتكى لاحمال واحمال واحمال
ورث امن ابوه اللي قليل مثيله=شيخ الشيوخ معرب الجد والخال
في صف ربعه عاش يومه وليله=يقضي اللوازم دون يلقي لها بال
ما مات من خلف ولا انهد حيله=ماشي مع الركبان في الدرب جمال
وانا ليا عديت راس الطويله=ما جيتها جاهل ولاني بمحتال
اخذتها ماهي بجهل(ن) وحيله=صنعه .. ورثناها عن ابطال وابطال
الله مسخرنا .. نسوق الجميله=كن الجمايل عندنا عشر بريال
فطرة على مر السنين المحيلة=وسنية نبي الله ولا عندنا اشكال
من فضل ربي ساس واصل وقبيله=رجال عرف وعلم واقوال ونزال
ربعي ثماله .. روح .. دم .. وفصيله=روح اسأل التاريخ ويش القلم قال[/POEM]





.

[حسن عابد]

الله يوفقك وين ماوجهت وجهك
هكذا الشعر والا فلا وهكذا سيرة الشيوخ ومخلفين المجد كابرا عن كابر
احببنا عبداللطيف سمعا
واحببنا سافر بالاذن والعين
اتشرف اني من اخوالهم واتشرف اني اول من رد على هذه المعزوفه التي سردت الكثير من التاريخ 000000

[حسن عابد]

الله مسخرنا .. نسوق الجميلهكن الجمايل عندنا عشر بريال
بيت يخلد للتاريخ ياسناالهجرة

[السهلاوي]

ونعم فيك وفي والدك وقصيده جميله
دام للمنتدى عطاؤك

[@ بن سلمان @]

صح لسانك يا بو عبدالله
والنعم من الساس للراس

[خلف بن عبدالعزيز الثمالي]

سنا الهجرة
أنعم وأكرم بك,وبجدّك وبأبيك
ولقد نثرت المتعة هنا,ومن خلال
افتخارك بذويك .

دمت بخير,وعافية

[أبو عبدالرحمن]

قصيدة سيسجلها التاريخ بمداد من ذهب

صح لسانك يا أبا عبدالله

[الشرمااااااااني]

والله ونعم
وصح لسانك سناالهجرة

[أبو خولة]

روح اسأل التاريخ ويش القلم قال

سألنا التاريخ
وقااال
والنعم وسبعة أنعام
بالشاعر الفذ
أبو عبدالله
"سنا الهجرة"
من الساس للراس
...
صـــــــــــح لســـــــــــانكـ
شاعرنا
وعطر الله قبر من جاب
اللي جابكـ
,,,

[الباز]

ماشاء الله تبارك الرحمن
صح لسانك
منت بهين ايها المراقب