روف السحاب

[ابو عادل]

روف السحاب روف السحاب روف السحاب روف السحاب روف السحاب

[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ألا ياصاحبي لوجاك من وبل السحابة روف=ترى همالها ماكفّ لومابلّت متونك
ولولاحسّك المرهف ولولا قلبك المشغوف=بحب اللي لو تقوم القيامة مايحبونك
طمرك السيل من روس الشعيب اللي يطوفك طوف= ومع هذا طبيعي لولقيت اللي يلومونك
إذالك راي خلّه في دهاليز الخفا مكفوف=لاجل لاترهق ظنون العرب مع وجهة ظنونك
نعم ياصاحبي حيّد ضميرك واصرف المصروف= من اللي يصرفونه فالمجالس شوفة عيونك
وعلى مذهب تعال وروح لامطلق ولامكتوف=تعيش وتكسب اصحابٍ بذكر الطيب يطرونك
مع الماشين وان جابهت صرت الخارج الملقوف= وعلى قانون شرعتهم يبيعونك ويشرونك
طمسك الطامس اللي مايخلّي في الكتاب حروف=بعدها كيف يتهجونك العالم ويقرونك
حروف العطف ماتدري وش العاطف من المعطوف=لكن الناس سموها كذا وانته على هونك
ولوعندك شجاعة كافية لايعتريك الخوف=وراس المال لاتحزن ولايختل قانونك
بقي لك شي واحد جربه والعب على المكشوف=وسمي كل شي باسمه وسددكامل ديونك
رعى الله الجمايل واهلها اللي تصنع المعروف=وقبّح لحيةٍ تقصر عن الماجوب من دونك
[/POEM]