أبي منكم جابة

[شبلي أبو الونات]

أبي منكم جابة أبي منكم جابة أبي منكم جابة أبي منكم جابة أبي منكم جابة

salam:


لا مساكم الله الا بالخير
كلكم تعرفون خوينا راعي السواني الرجال الكامل والكامل وجه الله جاني امس مندارنا من صلاة الجمعة في العباس وانا قاعد عند راعي المبشور ابي اخذ للحرمة والورعان غدا , وقلت تغدا معنا يا ولد عمي الديرة بعيدة وخلني ازيد لك نفر مبشور قال تم.
واخذنا غدانا وجيت لبيتي اللي كلكم تعرفونه او بالاحرى تعرفون بيوت الشهداء الجنوبية كلها ارباع والا انصاف اذا كبرت , ويوم تغدينا وعينا من الله خير قعدنا نسولف على براد الشاهي.
قال لي يا ولد عمي انت ليش ما تبني لك بيت في الديرة توسع على عيالك وتخرج من هذا الضيقا اللي انت فيها , قلت له انت تعرف ان ما لنا في الديرة لا بقره ولا مدره الا شطي عند منقاش سنه يجيب اصيلته وعشر نعطيه حق الديزل وكل ما جينا نبرح في قطرته طلع لي رويعي الغنم يقول هذه طرق واستطراق لحلالي وحلال الجماعة وتبي تقطع الدرب علينا .
قال ابيك تجي جنبي وتبرح لك مكان تتنفه فيها في الصيف براد وفي الشتاء تكون في درق الجبل عن الصبا واليا هبت عوالي انت في درق بيتي , قلت ما قصرت مجمل ومشكور لكن خوفي من الجماعة ما يخلوني ابرح اما يقرعوني والا يتنقدون معك ونا مالي ومال المشاكل طول عمري وانا قاعد في الطائف وكافي الناس خيري وشري وبكرة النهار منقاش يظن اني ابي اخذ منه القوامة حقت الشطي اللي باقي لي بعد حياة ابويه الله يرحمه .
قال اجل اشور عليك تطلب جماعتك ان سمحولك تبني في الديرة ترى زي ما وعدتك وانا ماني لاقي احسن من جيرتك .
هاه وش قلتوا يا عيال عمي ابي منكم جابه .

[أبو عبدالرحمن]

الله يعينك يا شيخ شبلي..

وأنا مع رأي راعي السواني في ضرورة أن يكون لك منزلا في ديرتك..ترى كل عصفور لا بد أن يعود لعشه!
وانت ما عندك عشه ولا مشه...

الآن منقاش يبني لواحد من عياله بيت.فرصة لك تروح تجيب الشيول وتبرح وتبني!!
والمشاكل لازم منها..

واللجان والتعديات والشرطة والبلدية لازم يجيك من الأذية والتعب والمشاكل نصيب..

الله يعينك

[@ بن سلمان @]

همك وهمي يا شبلي وهمنا كلنا يالطيور المهاجرة
لكن انا وعدني بن عزاب واعطاني من جهة الهول اخذ مد النظر وما قصر معي

[أبو علي]

انا ما وعدتك يا سلمان محبة فيك مير ابكمل مشوارك بعد الهول ، واغبني والله والياك على الهول معمر لك بيت ثم اني اخذك بالشيول انت وبيتك والياك في بطن الخط ، عزا الله ان اللي يبي يفرحون ما هم قليلين لا من شرقها ولا من غربها .

[راعي السواني]

الله يحيك يا شبلي ويا ليت تجيب معك ابن سلمان ومخاوي منقاش يتبرحون ويبتنون والمثل يقول جنه بدون ناس ما تنداس .
وترون أحميكم ألا من الحكومه ومنقاش .

[منقاش]

مسكين يا مخاوي
يخواني المخاوي أنخمى وانزوى وانطفت ناره (هو طافي نار أصلا) ولا عاد له صوت , وانصاره تركوه يلقى مصيره المحتوم , يالله لا فضحتنا .
والعجيب أنه أول ما طب المنتدى كان مسوي نفسه بطل وأثره (خلوه بعدين أقلكم ) ما هو كفو يواجه منقاش لا هو ولا الشله اللي وقفوا معه .
الله يرحم قتلاك يا منقاش ما أكثرهم , لكن وين المعتبرين .

[أبو علي]

تكفى يا راعي السواني فكني من بن سلمان يتلبش فيه ويدعي اني وعدته وانا ماني خابر اني وعدته مير اللبايش اللي تعود عليها بن سلمان كل ما طرى له نقز لها .

[حسن عابد]

ياساتر عيالنا نبغاهم يتحضرون ويتمددون قصدي يتمدنون واخرتها يدورون الديرة والبداوة وحتى ابو عبدالرحمن يحرضهم
اقول عساكم فدى لبشه ومشاكس

[الشيهان]

بن سلمان تصدق ذكرني كلام بن عزاب هرجة واحد من معارفي فقران وحاله مايل واقله انت ليش ماتتسبب وتحاول تحسن وضعك
قال يرجال هذي دعوه من امي الله يرحمها
قلت افا عسى مازعلتها
قال والله انها من قلبها تدعي من حبها لي قالت (روح ياولدي عسى رزقك مد نظرك ) وهذا انا اطرد فيه ولاني قادر الحقه ليتها قالت عساه بين ايدنك كان يمديني بخير
انتبه من بن عزاب ماهو ناويلك خير

اما انت ياشبلي مقروع من ذلحين قبل ماتبداء ولاتخسر انت مالك لاقعود ولاعمود في الديره حيا الله اسمك ثمالي وطول عمرك ساكن بحايل عند مخاوي منقاش وش قدمت للديره حتى تغنم منها

وبعدين منقاش الوكيل الشرعي للشر في الديره والله مايخليك تقلب حجر الا والحكومه لازمتك من علباتك

[@ بن سلمان @]

المشاركة الأصلية كتبت بواسطة بن عزاب

انا ما وعدتك يا سلمان محبة فيك مير ابكمل مشوارك بعد الهول ، واغبني والله والياك على الهول معمر لك بيت ثم اني اخذك بالشيول انت وبيتك والياك في بطن الخط ، عزا الله ان اللي يبي يفرحون ما هم قليلين لا من شرقها ولا من غربها .

المشاركة الأصلية كتبت بواسطة بن عزاب

تكفى يا راعي السواني فكني من بن سلمان يتلبش فيه ويدعي اني وعدته وانا ماني خابر اني وعدته مير اللبايش اللي تعود عليها بن سلمان كل ما طرى له نقز لها .

ما يمديك يا بن عزاب تستجر في كلامك تعطيني وتجحدني
انت قلت لي لك الهول مد النظر وانت تحرز وانا استاهل والا خايف اني اكشف عليك