أبغي رايكم في مشكلة الفاس والراس ؟؟(الجلسه ألثانيه).

[منقاش]

أبغي رايكم في مشكلة الفاس والراس ؟؟(الجلسه ألثانيه). أبغي رايكم في مشكلة الفاس والراس ؟؟(الجلسه ألثانيه). أبغي رايكم في مشكلة الفاس والراس ؟؟(الجلسه ألثانيه). أبغي رايكم في مشكلة الفاس والراس ؟؟(الجلسه ألثانيه). أبغي رايكم في مشكلة الفاس والراس ؟؟(الجلسه ألثانيه).

بسم الله الرحمن الرحيم
والسعال((بعد أكتملت وانتظمت حلقات المشكله في سلسلتها)) ماهو هي تبي تقع الفاس في الراس والا لا ؟؟ ..
لا وألف لا, لأن وقوعها أصبح في حكم المؤكد , وأنما السعال هو متى تبي تقع ؟؟, وويش مقدار الضرر اللي تبي تخلفه ؟؟...
هذا الكلام الذابح كان طرف من علوم معزبنا ساري الليل , ورويناه لكم في الجلسه ألأولى , كلام بدا من نبراته أنه الجد أو ابن عمه , وواضح أنه كلام من النوع اللي يجمد عليه الشارب .
وأظنكم تذكرون أنه في نفس الجلسه (الأولى) فسر لنا معزبنا ويش ترمز له الروس , لكنه ما أفصح لنا عن الفوس ولا عن حمالتها..
وحتى تعرفون ويش سدك يا جبل , وويش وراك يا أكمه ؟؟, تعالوا معي وتابعوا أجوبة ساري الليل على سعالات شيخكم .

ابو نقشه : يا رفيقي ويا عانيه يا ساري , الله لا يراك ألا محسن , والفاس لابد لها من حامل , ويا ليتك يا أبن عمي تكرم علينا وتعلمنا بالفاس كما يوم علمتنا بالراس , وتعلمنا بحاملها حتى تريحنا وتريح الناس ؟.

يرد ساري الليل ويقول : قبل أعرفكم على الفاس أحب أحط أديكم على بعض الأماكن اللي تشع منها بعض اوجاع الفاس ,, واذكركم بالمثل اللي يقول قايله :
أذا بغيت تعرف شي عن سبب ما يحدث في باكو من كثرة البواكي؟؟ , لا بد تعرف أول ويش اللي يحدث في واشنطن من شواكي وبواكي ؟؟.
وأذا بغيت تعرف سبب بواكي وشواكي واشنطن لابد تسأل الحكواتي بن الحكواتيه حق نيويورك اللي هو(الحكواتي) سبب وهي(نيويورك) مصدر كل الشواكي والبواكي في واشنطن أو في باكو..
أدري أن ضربي لهذا المثل في مثل هذا السياق خلى فهمكم يغدي مثل العفيسه , ولا بد لكم مع هالعفس من طول نفس و تأني مع شوية تعني حتى تفهمون المثل وتدركون مغازي ضربه ..
الفاس يا ربعي هي الأمبراطوريه الربويه العالميه , وحمالة الفاس هم أباطرتها اللي يديرونها من ورا الستار وقابعين بأمام واطمئنان من أي ردة فعل على أفعالهم في عاصمتهم نيويورك وفي عواصم فروع ألأمبراطوريه في سويسرا ولندن وأمستردام وباريس وغيرها ..
وأقول آمنين مطمئنين لأنهم يتمتعون بحياه هاديه ما ينغصها ألا لعنة ونحس السحت , ويديرون شؤونهم الخاصه والعامه بدون صخب أو ضوضاء أو حراسات, لكنهم مع كل ما ذكرت (من غياب الحراسات ووميض الكمرات والصولجان عن مقراتهم) مالين ثيابهم وضايقه بهم كراسيهم , وديكتاتوريين من نخب الدكتاتوريه المعتق وألأول , وحاطين العواطف على جنب في كل تعاملاتهم وتحقيق مصالحهم , وبأشارة من أصبع واحد منهم يحركون سادة البيت ألأبيض وسادات كل البيوتات..
هذي ألأمبراطوريه الربويه هي نفسها اللي أوقدت نار حربين كونيه (عالميه) , وأغرقت الدول المتحاربه في ديونها (ديون ألأمبراطوريه) وفوايد الدين , والحرب الكونيه الثالثه خططها جاهزه عندهم على الطاوله , ولا تنتظر ألا أكتمال الظروف المناسبه وهبوب الرياح المواتيه .
وهالأمبراطوريه نفسها , هي نفسها اللي أباطرتها ورا أغلب الحروب ألأقليميه في مختلف ألأزمنه والأمكنه , وكلما أوقدوا نارا للحرب أطفأها الله , ويسعون في ألأرض فسادا والله لا يحب المفسدين ...
وتعملق أمبراطوريتهم من العملقه بمكان الى درجة أنها تقيم عروش وتسقط الثانيه , وتوجه بدعاياتها وأموالها ناخبين , وتنجح منتخبين وتسقط منافسين , والأهم وهذا هو بيت القصيد , كون هالأمبراطوريه تناور بأموالها وثرواتها ونفوذها مجتمعه في خدمة خططها لنهب ثروات ألأمم والسيطره على الموارد الطبيعيه والبشريه..
ثم يا ويل ويا سواد ليل المؤسسه ألأعلاميه اللي تحاول في يوم من ألأيام تجاوز الخطوط الحمراء وتفكيك بعض طلاسم ورموز هالأمبراطوريه أو ألأشاره بأصبع لها أو لأباطرتها وخططهم .
أعرف أن منكم من يبي يقول , مخاوفك وهواجسك هذي يا ساري مبالغ فيها , وكلامك هذا فيه جموح للخيال أكثر من الواقعيه .
لكني أقول لكم خذوا العلم اللي جاكم وترون ما خفي أعظم , واللي فيكم متشكك يقرا النبذه المتوفره على شبكة النت عن كتاب حرب العملات لكاتبه الصيني ألأصل ألأمريكي الجنسيه الشيخ سنوغ ولد هو بن نغبينغ .
واللي منكم يبي يتوسع أكثر , يرجع للمراجع اللي أشار لها المستعين بالله ابو عبدالله في موضوعه اللي كتبه لكم في منتدى ثماله قبل سنوات في ست من الحلقات المتتاليه تحت عنوان ما وراء ألأكمه , الحلقات اللي أضطر يوقفها بسبب شحة تعليقات ألأعضاء وقلة أقبال القراء على قرايتها ..
لكن هذي العلوم اللي ذكرتها لكم حتى هذا الحين , أعتبروها من مقدمات الموضوع أو خلفياته , والعلم اللي ندندن من حوله لا زلنا بعد ما جيناه ولا طرقناه , وأذا وصلنا له رايحين تعرفون وقتها ليش بكيتي يا باكو وليش بكت من قبلك واشنطن وباريس ولندن وغيرهم من البواكي .
واشنطن اللي أذا أنتحبت وعلا نحيبها يبكي لبكاها عواصم أمم كثيره , ماهو حب فيها ولا شفقه عليها , لا بالعكس , لأن أكثرهم يقول في قرارة نفسه لا رحمتي ولا قمتي , لكن تداعيات الحدث تبي تناثر شظاياها في كل الأتجاهات , وتبي تصل بمقادير مختلفه الى كل بقعه من بقاع المعموره , وحال وصولها تكون الناس وقتها قد أحست بوقع الفاس على راس.
أقول ما قلت , لأن العالم قبل عدة أسابيع كان حابس الأنفاس ويعد الدقايق والساعات ويتحسب ويترقب لحدوث المكروه , لكن العاصفه مرت هالمره ونجت السفينه من الغرق بأقل الخساير, لكن التوقعات كلها مجمعه على أن العاصفه عايده عايده لا محاله , والأسوأ مقبل طال الزمن والا قصر , والحلول الآنيه والمؤقته اللي وضعها الربابنه لا تخرج عن حلول من يتخبطه الشيطان من المس ..(الى هالحد أنتهى كلام ساري)
وحتى لا نطيل عليكم ويلقى السأم طرقه للنفوس , نتوقف عند هذا الحد , , وبقية علوم ساري رايحه تجيكم أن شاء الله تباعا في مقبل الجلسات .
تابعوها معنا لعلنا من خلالها نفتح لكم نافذه صغيره تشاهدون من خلالها كيف تبي تقع الفاس في الراس ؟, وتطلعون على تصورات لايستبعد أنكم تعيشونها وتشاهدون بعض فصولها في يوم من ألأيام , وتشوفون كيف يمحق الله الربا في مجتمعات سمحت للربا بالتفشي في معاملاتها حتى أصبح هو القاعده في المعاملات الماليه والأقتصاديه ؟ .
تابعوا معنا رحمكم الله حتى تصورون حجم وأبعاد المشكله , وتعرفون على كيفية التقليل ما أمكن التقليل من آثارها والحد من أضرارها على المستوى الشخصي (عليكم وعلى من تحبون)؟ .
وحطوا خطين بالأحمر تحت عبارة , كيفية التقليل ما أمكن التقليل من آثار المشكله والحد من أضرارها على المستوى الشخصي؟؟ , لأنها في النهايه هي المحوراللي رايح يتمحور عليه النقاش وهي الهدف الرئيس من الكتابه , والى الحلقه القادمه نستودعكم الله , والسلام عليكم ورحمة الله , وشكرا لكم...