يا مطفي النور

[عوض بن سلمان]

يا مطفي النور يا مطفي النور يا مطفي النور يا مطفي النور يا مطفي النور

السلام عليكم ورحمة الله وبركاته

كل عام وأنتم بخير , وتقبل الله منا ومنكم ...

أورد لكم هذه الأبيات كرد على أبيات ( مطفي النور ) والتي أسماها ( نظمة خرز مسباح ) ...



هلا يا مرحبا رحبٍ كثير ينشط الأرواح

تراحيبٍ كما ذوب العسل في جوف زبديه

أربك يا مطفي النور كان تولع المصباح

نشوف دروبنا ونقسم المكسب بالأسويه

أنا عارف خراجي لا نزلت السوق أنا مرتاح

لكن وين العميل الي يثمّن راس ماليّه

ثلاث سنين تطريها لنا راحت كما من راح

وأنا وشلون أبحيي فالمصالخ شاه مذكيه

وأنا ماني بضامن رزق متحوش مع الفلاح

ولا لبّست الأيتام الصغار بثوب عاريّه

ترى ثوب العواري ما يغطي برمة الملاح

يقود المركبه والا يبيّتها طرف ليه

أنا مثلت بعض الناس لا سرحه ولا مرواح

يدوّر للماكسب عند بيبان التجاريه

لكن من لا يحسب للعواقب فالخساير طاح

على راي المثل يرميبها مركز وذرعيه

نصيحه يا مطفي النور لا تعجل على المسراح

تقنّع لك حجر والا تطيح فجوف حفريه

أنا فكرت في بعض الليالي نورها وضاح

لكن البعض ليش أنوارها فالسوق مطفيه

[@ بن سلمان @]

صح لسانك يا بو شرف
ومطفي النور شاعر ويستاهل كل خير والحمد لله اللي جملتني معه يوم ظن بي إني وكيلك

[بن داخل]

جزلة من جزل
ابو شرف الشاعر الذي عرفناه
مطفي النور الشاعر الواعد
صحت السنتكم وبيض الله وجيهكم

[سنا الهجرة]

صح لسانك يابو شرف .. تقول وتطول
ومطفي النور أنا من زمان أقول له لو تولع النور كان شفتنا وشفناك

[أبو عبدالرحمن]

صح لسانك يا أبو شرف

قصيدة من أروع ما يكون..

ويا بخت مطفي النور اللي حاز على مثل هذا الرد..خابرك ما ترد على المعرفات الغير معروفة!!!

[ابومفكات]

ابوشرف شاعر غني عن التعريف

بيض الله وجهك ومنك نستفيد

[مجنونها]

دام للمنتديات عطاؤك يا بو شرف
ثنينكم ما فيكم حيلة

[المنديالي]

كبيره وهامتها عليه كما هو ابو شرف

صح لسانك

[مطفي النور]

ابا شرف

بيض الله وجهك وصلت الفكره واحكمت الغطاء

[POEM="font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يامدرسة شعر النبط في ثماله=هذا الشعر يامدورين القصايد
من لام مثلي يوم طوح عقاله=شايش طرب من زاهيات القلايد
قامت يمينه تصطفق في شماله=يوم استلذ بعاصيات الفرايد
[/POEM]

شكراااااااااااااااااااااااا

[رفيق دربه]

صح لســــــــــــاااانك

دمتم ودااام عطاؤكم ،،،،