ألقبيله اللي بلا شاعر تموت أحسن لها

[سنا الهجرة]

ألقبيله اللي بلا شاعر تموت أحسن لها ألقبيله اللي بلا شاعر تموت أحسن لها ألقبيله اللي بلا شاعر تموت أحسن لها ألقبيله اللي بلا شاعر تموت أحسن لها ألقبيله اللي بلا شاعر تموت أحسن لها

السلام عليك ورحمة الله وبركاته
كيف حالكم وكل عام وانتم بخير وصحة وسلامه

ألقبيله اللي بلا شاعر

[POEM="font="Simplified Arabic,5,white,normal,normal" bkcolor="transparent" bkimage="images/backgrounds/37.gif" border="groove,10,burlywood" type=2 line=0 align=center use=ex num="0,black""]الشعر كان في ماضي الزمن يرفع قبايل=إن بغى الشاعر رفعها وان بغى نزل لها
يوم كان الشعر ما بين العرب فعل ودلايل=ألقبيله اللي بلا شاعر تموت أحسن لها
كان تأثير الشعر بين العرب مثل القنابل=إن هجا الشاعر قبيله مثل لويحتلها
كان شاعر عبس لامنه رقى ظهور الاصايل=واحتمى نار الوطيس أحلى القصايد هلها
وشعر حسان باصفوف العدو سوى الهوايل=حربة الشعر في وجه العدو مستلها
جبت طاري شعر عنتر وحسان ضربٍ للمثايل=والا ياما كثير أشعارهم ماملها
أما في هذا الزمن جا للشعر عدة بدايل=مثل الاعلام..... لامنه بغى حل المشاكل حلها
وان بغا تعقيدها جوله خفيفين الشمايل=كم شعوب من سببهم تشتت شملها
كم وكم من شعب موجود لكن شبه زايل=غصب يسمع كلمة اعدائه وياخذ دلها
قوية الضغط والتأثير في كل المحافل=تنتقل عبر الاثير لكل بنت فحلها
وكم شباب من الخرافات جوف الراس شايل=خلى عاداته وعادات غيره ماقدر يوصلها
ناظروا عبر الاثير وشوفوا آلاف الرسايل=من يقلي وش هدف هذي الرسايل كلها
هذي حرب وجندوا من أجلها كل الوسايل=والمصيبه مايبط الكبد غير اللي يقلك فلها
فلها وش فلها يابن الحلال الحال مايل=الجماعه قصدهم تغريب الامه كلها‏[/POEM]

وسلامتكم جميع

[قائد الطابور]

وفقك المولى يا سنا الهجرة ، كان لي الشرف بقراتها ولربما اول من قراء هذه القصيده .

[@ بن سلمان @]

يا هلا والله يا سنا الهجرة
مثل المطر لا جيت ما شاء الله عليك
صح لسانك

[شبلي أبو الونات]

عوذة منك يا سنا الهجرة
انا الشيخ شبلي الشاعر اللي مالي مثيل قريت هرجك 3 مرات
الينك شاعر بمية شاعر واهني ربع انت شاعرهم
بس في البيت 12
ناظروا عبر الاثير
اللي اعرف ان الاثير موجات تذبذب يوافقها السماع والتصنت او التنصت يعني سماع لا مشاهدة
وجهة نظر لا تقلل من جمال هذا البناء و منكم نستفيد

[أبو عبدالرحمن]

وش ذا الجمال...

كان المفروض نأخذ عليك غرامة غياب..

لكن هذه نعتبرها عيدية ..وما أجملها من عيدية..

أحسنت وأجدت في الوصف..

سنا الهجرة : لا عدمناك..ولا عدمنا قصائدك الرائعة...

[ما عندكم أحد]

صح لسانك وكل عام وانت بخير
واهني ربع انت شاعرهم

[ضماء النهر]

صح لسانك ياسنا الهجره

ذكرتني بقصيده لحبيبة قلبي شاعرة المنتدى الاميره زهور الريف على هذا الرابط

http://www.thomala.com/vb/showthread.php?t=6639

[الشيهان]

مبدع ياخالي كما عهدتك

طولت وجبت الغنايم

[Naif]

صح لسانك وبيض الله وجهك اخوي سنا الهجرة على هذه القصيدة الرااائعه
وكل عام وانت بخير وصحة وسلامه.

[سنا الهجرة]

قائد الطابور

طالما القائد أول من قرأ قصديتي هذا بلا شك تشريف لها ولي
الله يوفقينا وأياك وشكرا لتشريفك

إبن سلمان
صح بدنك

ويا هلا ويا مرحبا فيك يا وجه الخير

شبلي أبو الونات

علومك طيبه وكلامك زين وحضورك رايع
والبيت اللي ذكرت رقم 12
طبعاً ليس المقصود فيه النظر بالعين
فـ العين ترى كل يوم آلاف الصور
ولكن كم هي الصور التي تستوقفنا

المقصود النظر بالعقل , بتدبر وتفكير
النظر بحكمة وررويه وادراك لكل ما يحاك لنا في الخفاء

هذا ما قصدته وانت كلك نظر يابو الونات
ولا عدمناك

أبو عبدالرحمن
الجمال جمال حضورك يا مشرفنا الغالي
واللي مثلك خابر العيد والمفطحات تنسي الواحد نفسه
لا عدمت دعمك المستمر

ما عندكم أحد

بالعكس وانا أخوك أنا اللي أهني نفسي بربعي وانت واحد منهم
الله يخليكم تاج راسي وعزوتي

ضماء النهر

صح بدنك وشاكر لتواجدك على صفحتي المتواضعة
وزهور الريف غنية عن التعريف وقصيدتها ولا اروع

أبو أمجد

يامرحبا يامرحبا >> حيا الله هالطلة البهية
نورتنا
الله لا يحرمنا منك

نايف
ووجهك ابيض وكل سنه وانت بخير

وشاكر لك مرورك