السابقه تبقى لراعي الاصيله.....

[النادر]

السابقه تبقى لراعي الاصيله..... السابقه تبقى لراعي الاصيله..... السابقه تبقى لراعي الاصيله..... السابقه تبقى لراعي الاصيله..... السابقه تبقى لراعي الاصيله.....

حفضا ً لحقوق اهل الحق ومن باب رد الطيب ولو بالشكر والعرفان لاهله واثناء سفري خارج البلاد قدم لي اخي وصديقي وخال عيالي الاخ /عثمان بن حسن الغريبي . هدية من اغلى الهدايا وهي عباره عن فرخ شاهين بحري نادر .تمكن من شبكها واصطيادهاخلال سفري وابو خالد لمن لايعرفه رجل كريم ومن بيت طيب وغير مستغرب منه هذا الخلق العالي .فتمتمت بهذه الابيات وهي لاشيئ امام فعل الكريم وقد اسميت الطير (رداد ) على جده

http://www5.0zz0.com/thumbs/2009/11/14/17/490273813.jpg
[POEM="type=1 color=blue font="bold medium Arial, Helvetica, sans-serif""]
للشعر في وقت المواجيب ميعاد=اليا زهمته مايضيع دليله
من صغرتي والشعر سرداد مرداد=في كل حزه بين صبحٍ وليله
قم ياعريب الجد والخال ياعماد=وانهض ترى حمول النشاما ثقيله
واللي سواتك منبته يزحم اضداد=مركي على صم الصخور المهيله
ان رحت لاعمامك فخر كل نشاد=قبيلةٍ ماهي باية قبيله
تاريخها يشهد على مولد الضاد=وامجادها ماهي تحايل وغيله
منبع كرام وبوصلة كل الاجواد=كم دغثرت صافي شراب الهبيله
وان رحت لاخوالك فقم فالبشر ناد=(خالي) تجاوبك الجبال الطويله
من قبل يكتب لك تواريخ ميلاد=اخترت من روس البيوت الحليله
واخترت خالك طود من بين الاطواد=مركي على ضلعين تحمي قبيله
جده ترى راعي المواجيب رداد=والجد الآخر شيخ عرف وفضيله
اخذ من الاثنين بالطيب وازداد=نفس السخي دايم تحب الجزيله
اردى فعوله مدته امس (رداد)=نادر بحر كم نفس يشفي غليله
تزاحموا عنده يقولون من زاد=ويقول ماهو بالدراهم يجيله
هذاك ابو خالد كريم ٍ ووراد=لامد مده مايجيب الهزيله
عثمان لو يكثر لعثمان حساد=مانقصوا للطيب كفة شليله
قم وصل الرسله وقله ترى عاد=في خاطر الوالد غلا ماتزيله
حواجز الدنيا مسافات وابعاد=الحر يلقى فالليالي شكيله
والا العوض لوعضت بقصور بغداد=السابقه تبقى لراعي الاصيله[/POEM]

[سنا الهجرة]

والا العوض لوعضت بقصور بغداد ** السابقه تبقى لراعي الاصيله

والله والنعم بك وبه .. والاخوال كلهم

ما شاء الله عليك .. وفيت وكفيت
صح لساااااااااااااانك ملاين . . يالنادر

[@ بن سلمان @]

صح لسانك يا بو عماد
والنعم بأبي خالد وهو راعي أوله

[النجم الساهر]

صح لسانك ياابن الخال

واللي شرواك يستاهل كل خير

وقد اجدت وامتعتنا برائعة من روائعك

لاعدمناك

[خوالي ياثماله]

تستاهل يبو عماد وأبو خالد ماعليه زود وراعي الأوله ونعم الخال والله

وآسف على الخطاء في إسم الطير وهذا لأسباب عدم تعمقي في هذا المجال الواسع الرائع

مبروك ألف مبروك :


تـستاهل الشاهين يالـخال أبو عـماد

ويـستاهل الـطيب من هـو عـنا بـه

أهـل الـوفـاء وافـيـن في كـل ميعاد

وكل الكرم في وقت الشديد ذيـابـه

[الساكن]

صح لسانك وهو طيب وانت تستاهل

[بنت شيوخ]

[أبو عبدالرحمن]

تستاهل كل خير يا أبا عماد

وصح لسانك

[*ثمالية متألقة*]

صــح لســــأإأإأإنــك

[تحكمني قناعتي]

صــح لســــاااااانــك