الانتقال للخلف   منتديات بلاد ثمالة > القسم الترفيهي > منتدى الاستراحـة

 
إضافة رد
 
أدوات الموضوع انواع عرض الموضوع
  رقم المشاركة : ( 1 )  
قديم 12-12-2005
الصورة الرمزية أبوخالد
 
أبوخالد
ذهبي نشيط

  أبوخالد غير متواجد حالياً  
الملف الشخصي
رقــم العضويـــة : 161
تـاريخ التسجيـل : 06-10-2005
الـــــدولـــــــــــة : الغرفة الشعبية
المشاركـــــــات : 2,671
آخــر تواجــــــــد : ()
عدد الـــنقــــــاط : 256
قوة التـرشيــــح : أبوخالد تميز فوق العادةأبوخالد تميز فوق العادةأبوخالد تميز فوق العادة
افتراضي قصة غشم وخبل

قصة غشم وخبل قصة غشم وخبل قصة غشم وخبل قصة غشم وخبل قصة غشم وخبل

قصة غشيم
المهم وانا في عز النووم والسعابيل الا فجــأه رن التلفون
. وطبعا تلفوننا شايل ابوي منه كل
الارقام مو مخلي الا رقمين التسعه والثمانيه يعني مالك الا تدق على
الشرطه ولا الدفاع المدنـي وغيره مافيه المهم اني رفعت السماعه واقول نعم
الا وذاك الصوت اللي يدوخ صوت بنت واخوكم اذا سمع
صوت بنت اوجعه بطنــه وانواع الاسهال وقالت الووو
انا ماعاد عرفت وش اقول انشلت براطمي وطلعت كني
...... ال ال ال لوووووو قالت مين معاي ؟
قلت معاك انا (صراحه جواب يدل على الذكاء)
وهي تضحك وقالت لي سوسو موجوده ؟ قلت لها
ما ينفع حـوحـو؟ قالت مين حـوحـو؟قلت
هذا اسـم الدلـع حـق الحمار اللي هـو انا
وضحكت للمره الثانيه على التوالي وقالت يؤيؤ
شكلي غلطانه طيب آسفــه قلت لها لاعادي لاشكــر على واجب
(دايم اسمع هالكلمه وجالس احتري الفرصه اني اقولها)
وقفلت السماعه
تصدقون مادري وش صار فيني حسيت بشعقريــره في جسمــي
وافرازات الخشـم عندي زادت وودي ارووح انبطــح في الحوش
واكتب قصيـده هجائيه لايكون هـذا هــو الحـب اللي يقولون
(نعن ابو الحب اللي تعرفه يالضفــدع عاد انا ماني متعود على
البنات لان ما شاالله بيتنا فيـه خـمـس طـعـشـر رجال اللي هم انا
واخواني وابوي وامــي(الله يخلف على ابوك واميمتك هذا وانت اكبر
اخوانك عليه العوض ومنه العوض)
المهم يعني انا واخواني ماشفنا بنت وهذا اللي سبب لنا عقــده
تسمــى العقـده الفيسلووجيـه(من وين جت ذي)
المهــم انـي قرت انــي اتعرف على فريند بس فيــه مشكلــه وحـــده
انـي ماعنــدي اسلوب ابــد(يعنـي وقفـت على الاسلوب
انت عندك الف مشكلـه مو مشكله واهمها مشكلــة
وجهـــك اللي كنـه لوحة انتبه امامك نقـطة تفتيـش)الوكاد اني
مالقيت قدامي الا واحد مـن العيال اسمه عبدوش معروف
ان البنات ما يعوقون معـاه وانا اللقـط مفتاح سيارتي واروح
لــه وعلمتــه بوضعـي وان امنيتــي في
الحياة اتعرف على بنـت قبل ما اموت(اخس يالشايب)
قال لي السالفه بسيطــه اذا بغيـت البنـت تحبــك حسـسـها انها
احسـن وحــده فـي العالم قلت لـه يعنـي كيــف ..يعنـي
يعنـي كيــف ..يعنـي اقولها انتـي احســن مـن مارادونا وهو
يرفسنـي برجلــه فـي بطنــي وقال لي انت ثور وش دخل
مارادونا يالغبـي انا قــصدي انـك تحسسها بانوثتها وان مافيه
بنت غيرها في العالم قلـت لـه برضه
مافهمـت يعني تبينـي اذبـح كل البنات واخليها لحالها وهــو
يموه علـي برجلـه ويمحطنــي بيــده علـى جبهتـــي وقال
شوف انت حماروماراح تفهـم الا بالدروس العمليــه ويطلــع جواله ويــدق
وقال شوف انا باكلـم وحــده
وتعلــم قلت لـه طيـــب
وكلم وقال هلاحياتي هلاعمـري هلاروحي
انا لــؤي حبيبـك ومجنونك(الحمدلله على العقل نعن ابوك وين لؤي عنك قال ايش قال لـؤي)
وقام يقول لها احبــك واموت فيــك
انا بدونك مثــل البيـت بدون حاره مثل التلفون بـدون حراره
مثل السواق بدون سياره انا البنـزين وانتــي الشراره
انا الشارع وانتي الاناره انا الرومانسيـه وانتـي الاثاره
انا مبنى التجاره العالمي وانتـي الطياره
(قســم بالله اني بغيـت اضمــه وابوسه يوم سمعـت كلامه
حسيت بشعور غريب نعن ابليسه لو يكلم جدار كان ذاب)
المهم انه خلـص المكالمـه والتفـت لي وقال يالله دورك
باعطيـك رقـم بنــت وكلمها وقول لها نفــس كلامي
قلـت بكـل خجـل طيـب وهو يــدق علــى بنــت ويعطينـــي
الجوال عشان اكلمها وانا اقول الووه ويوم سمعــت
صوتهاضاعت علومي ونسيـت كل الكلام وقلت لها
بابا فيـــن!وما حسـيت الا الجزمـه اللي لازقـه في قفاي
وقال قـول نفس الكلام اللي قلتـه يالثور وانااقول لهـا
هلاحياتي هلاروحي هلاتعالي وقالت طيب وبعــدين قلت لها
انا بدونك مثـل الكيبورد بدون فاره مثل التقاطع بدون اشاره
مثـل الحمار بدون حماره مثل السلطـه بدون خياره انا
محترف وانتـي نظام الإعاره انا الولاعه وانتـي السجاره
انا الددســن وانتـي الغماره انا الصرصور وانتـي البياره
ماسمعت الاطوووط طوووط طوووط طوووط قفلـت الخـط في وجهــي
قال عبدوش وش فيــك؟قلـت لا الخــط مشغول
(مايعرف يصرف)ومادريت الا وعبدوش مطلــع لووح فيه
مسامير ودابجنــي فيــه اللين قلــت للعنــز ياخاله
المهـم اني رجعــت للبيـت ودماني تصـب وماليه وجهـي
لدرجة ان اللي يشوفني ما يعرفني
واناادخـل البيــت بشويش عشان مايشوفني احــد
واطلـع غرفتي واسكــر الباب وانام وفـي عــز النوم
دق جرس التلفون وارفع السماعه الا هـي نفـس البنــت
اللي كلمتنـي اول مره قلـت نعــم قالت سوسو موجوده؟
قلـت لهـاشوفي بيتنا كلــه شباب ومافيه احـد يبدا اسمـه
بحرف السيــن انا واخواني كلنا اسمنا خالد وما فيه الا
اخوي الصغيــر فهــد هو اللي اسمــه نايف ونناديه عبدالرحمـن
كرررتها ضحكــه وقالت
ما شاالله دمـك خفيــف(هي تحسبني استهبل مادرت اني دلخ من جد)
وقلــت لهاشكــرا(مسوي مؤدب)
وسـألتنـي البنــت قلت لهاوالله كنـت نايم
قالت يؤ يؤ تنام في الليل انــت!قلت اجــل متـــى انام؟
قالت لا انا انام في النهار واسهر في الليـل قلـت لها
ليـش الاخـــت بومـه!قالت لا بس الليل وقـت الرومانسيه
انت تعرف الرومانسيه؟ قلت لهالاوالله ما اعرف بنات
(مسوي فيها فاهم)
وسألتني انت وش اسمــك؟ قلت لهـا مصيول قالت وش معناه
قلت لها هذا اسـم كلـب كان عنــد جـدي وسماني ابوي عليـه لانـي اشبـهه
وسألتها وانتــي وش اسمــك قالت داليدا قلت لها
اناا ابغى اسمــك مو اسم الشغاله!قالت هــذا اسمــي!
سويت فيها اسلوب وقلت لها اني حبيت وحده
بس انتهى هالحب لان اللي حبيتها خانتني قالت من حبيـت؟
قلت لهاحبيـت عنـز جيراننا بس انهاخانتني مـع تيــس
سوري عشان لـه قــذلـه!المهم ان البنت قالتلي اوكي
اكلمك بكره لان امـي تناديني قلت مو مشكلــه
وتطورت العلاقه وصرنا نكلم بعــض كـل يوم
وانقلــب حالي ولاحظوا اهلــي انــي تغيــرت يعني نكون
جالسين على الغـدا ولا العـشا وانا ما آكــل سارح وانغــف
وبعـض المرات انسى اصبعـي داخل خشمــي
ولاحظوا اهلــي انـي صرت مؤدب واقرا وااجد وانا اقرا عشان
اعرف كلام جديد في الحـب تلقاني اقراكتـب الشعــر والحب
والطبـخ(لا تستغربون لان كتب الطبخ اتعلم منها كلام حلو بعـد مثـل
ياعسـل ياحليـب ياقشطـه ياكريم كرامل!)
وبرضه صرت ادخـل كتــب ممنوعه للبيـت مثل كتاب
ماذا تفعـل في ليلـة الدخلــه وكتاب سنـه اولى زواج
بس المشكله انها ضاعت هالكتـب منــي وصرت اروح
عند بيارة جارنا اللي طافحه واقعـد افكر واتـأمل وارمي
حصى وسط البياره(مسوي رومانسي مثل اللي يجلسون
على البحر ويرموون حصى!)
المهم انه في ليلـه من الملاليل قالت لي البنـت مصيول
اوصـفلي شكلــك!يااوالله البلشــه وش اقولها هذي
اقولها اني قرد اعترف لها بالحقيقه المره واقولها
اني جدار مالي ملامح اعترف لها
الوكاد انـي قلت في نفسي ياولد خلني
اسوي مثـل كل الشباب وانصـب
عليها يعني تلقـى الواحد من الشباب شين واذا شفته في الشارع
ماتدري هورايح والا جاي لان وجهـه ماله معالم ولو تشوف وجهه
تحسبــه واحد معطيـك مقفاه يعني مفروض يحـط لوحه على وجهـه
ويكتـب ترى هذا وجهـي عشان الناس مايلخبطون بين وجهه
وقفاه المهـــم انـي قلـت لهــا انا عيوني مثل عيون جواد
وطولي مثل طلاال الرشيـد وخشمـي
مثـل خشـم خالد عبدالرحمن وملحـي مثل ملـح راشد الماجد
ومهضوم مثـل رامي عياش(والله ماناقص الا تحط
ملحـن معاهم ويكمـل الاوبريت)
الوكاد ان البنــت شكلهاخقـت معــي وقامت تشاهق من الفرحه
وسألتها انا وانتي اوصفيلي شكلـك قالت
ما اقدرلما تشوفيني بتعرف لان مالي شبيـه
(اخسس يا بريتنــي)وانا اللي افـك فمي وسعابيلي
تقوطركني كلـب شايف له عظمــه وقلت لهايعني
باشوفك؟ قالت اكيــد انا بكره باروح شاليهات
ونتقابل هناك قلت
لهابس هذيك للعوائل قالت عاد انت دبرنفسـك
قلت اوكي مو مشكلــه بس كيف اعرفك قالت بيننا
الجوال اذا وصلت كلمني وانا اعلمك وين تلقاني قلت لها
خلاص الوعـد هناك
المهم اني توهقت وش لون ادخــل الشاليهات وهي للعوايل
وقلت مالي الا عبدوش اتصل عليه واتفاهم معاه ودقيت عليه
ورد علــي وقال بعصبيه نعم وش تبـي يالغبـي؟
وعلمتــه بالسالفه من سلسل اللين طقاق عليكم
(تراني اقصد من طقطق اللين السلام عليكم بس مدلخ شوى)
وقال لي والله صعبـه وش بتسوي قلت له وش رايك تلبس
عباة وتسوي نفسك حرمه وتروح معي على انك زوجتي
وهو يتغير وجهه وقال اناولـد ابوي قلت له بالله
توني ادري كنت احسبك ولد ابوي انا قال
تستهبل يالزباله انا اسوي نفسي حرمه ياويل ويلي ويلاه
خيل الخيـل خيالها قلت له يارجال كلك تبـن لادوس في بطنك
جالسين في مضارب الباديه احنا قال لي
لا يا مصيول هذا شي ما اقدرعليـه
وش اقول للجماعه؟قلت له ومن قالك اننا بنحضرعرس
حنا بنروح الشاليهات وانت ماراح تكشف وجهــك قال
طيب ليش انت ماتسوي نفسـك حرمه وانا الرجال قلت لـه
ياخوي انا ما اقدرلاني لا رجال نافع ولا حرمه نافع
وبعدين حتى لو غطيت وجهـي بيكشفون اني ماني حرمه من
ريحتــي اللي كنها ريحـة شرابات عزوبي قال لي خلاص
بس لااحد يدري قلت ابشــر بس جهز نفسـك بكره
بمرك ونروح
وأخـذت سيارة واحد من العيال ورحــت لبيت عبدوش ولقيت
عنـد بابهم شحاده
وهي اللي تجـي تبي تركب قلت لهاالله يعطيناويعطيك ياخاله
وهي تطق قزازة السياره شوي وتكسرها وانااطلع من
جيبـي ريال ونص كنت ناوي اشتري فيـه توكـس بس قلت مو خساره
فيها وتووني افتح القزاز باعطيها
الا وهي تقول افتح الباب الله ياخذ هالراس الصوت مو غريب علي
يوه عبدوش قال اييه عبدوش الله لا يبارك فيك
افتح بسرعه قبل ما يطلــع احد من اهلـي وفتحــت لـه الباب وركب
وانطلقنا للشاليهات
المهم وصلنا الشاليهات ونزلنا من السياره
وامســك يـد زوجتي اللي هـي عبدوش سابقا ودفعنا التذاكر
ويوم جينا بنـدخل وقفنا الحارس وقال
لحظــه لازم زوجتك تـدخل محـل تفتيـش النساء لاننا شاكين فيهـا
قلت لــه لييش فمطار حنا تراها شاليهات بعدين وش فيها
زوجتي؟ قال ياخوي وش هالحرمه اللي لابسـه
زبيريات!واناظر في ارجول عبدوش الا
لابس زبيريات يالله لاتفضحنا واقوول للحارس
ممكن تتركني معا زوجتي ابيها في كلمـة
قال ادخل هالغرفه الفاضيه وتفاهم معاها
وانااسحب عبدوش للغرفه واترفس في بطنــه
نعن ابوك يالغبي زبيريات مره وحــده قال
وش اسوي مالقيت جزمـه كعــب على مقاسي وقلت له
اسمع نزل العباة على ارجولك عشان ماحد ينتبــه يالغبي
المهم رجعنا للحارس واعتذرنا منه على سوء التفاهم
ودفيناه بميـة ريال عشان يسكــت واول مادخلنا استاجرت
شاليه صغيـر وقلت لعبدوش يجلــس فيــه وانا باروح ادور خويتي
وطلعــت ودقيــت جوال على خويتي وصفــت لـي مكانها
تقول انها عنــد الشجـر اللي جنـب المطعــــم وانااروح هناك
واجلـس
ساعتين ادورها ومالقيتهاوادق عليها جوال قلـت لها
وينك لي ساعتين ادورك قالت انت ويـنك بالظبــط؟
قلت لها انا واقـف جنـب كيـس زباله وانتـي وينــك؟
قالت انا واقفه جنـب واحد شكلــه مجنون
والتفت وراي اوب هــذي هــي
(افاطلعـت انا المجنون اللي تقصـده وطلعـت هي كيـس الزباله اللي اقصــده)
وهـي تنصـدم وقالت هــذا انت وين الوصـف اللي تقول
اجل طلال الرشيــد هاه امحـق طلال اللي تشبـه لـه انـت
(صادتني ان عيوني مثل عيون خالد الملاوجسمي
مثل نبيل شعيل وخشمي مثل عبد المجيد عبدالله)
قلت لهالا انافعلامثل ماقلـت بس صار لي حادث هو
اللي اثــر على وجهــي ولا اناكنـت حلو (اييه هيــن)
قالت مو مشكلــه اهـم شي اسلوبك اعجبنـي قلت لها
اشوى ان اعجبـك شـي فينــي وطلـبت منها انها توريني
وجههاقالت طيب بس لايشوفنااحد وانا
اغطي عليهاوقلت لهايالله بسرعه وهـي اللي
ترفع الغطوه وانااضحك قالت وش
فيك تضحك؟ قلت لها يالله عاد بدون استهبال
قالت وش فيك؟ قلت لهايالله بسرعه شيلي القناع
اللي على وجهك لاتستهبلين قالت هذا وجهي
الصدقي يالقرد وانا اللي انصدم واحس ان الارض تدور
فيني وش ذا الوجه الشين اول مره اشوف وجه
يطلع منه ريحه مخيسه نعـن ابوها
واناكنت حاط في بالي كلام رومانسي جلست عشرين دولار
يوم احفظ فيه عشان اذا شفتها اقوله لهابس يوم شفت
وجهها اللي كنه وجه واحد جالس في مجلس رجاجيل وفيه
اسهال وضيعت كل الكلام اللي حفظته وقمت الخبط في
الكلام سألتها ليش الغمص ساكن عيونك
جاوبتني من الأرق سألتها طيب وش هالببسي اللي
مكبوب على ثوبك؟ جاوبتني هذا موب ببسي
هذا مرق سألتهاطيب ماعندك غير هالثوب؟
جاوبتنـي الا كان عنـدي بـس انســرق!سألتهـاطيب
مادامك شينـه وشهـولـه تغازلين؟جاوبتنـي انا كنـت
حلووه بس ان وجهـي انحـرق!وسألتنـــي وش رايك فيني
ما اشبـه باسكال ؟ جاوبتهـا انتـي جسمـك جسـم باسكال
بس الوجـه الله خلـق وفرق
المهـم انـي ماقـدرت اتحمـل وجـههـا وقلـت لهاانتـي جــدك الاكبــر
كان غوريلا؟ قالت لي لا تطنـز انت ووجهــك انا اول
كنـت مصـدقه ان الديناصورات انقرضت بس من يوم شفـت
وجهــك عرفت ان هالكلام اشاعات
اشاعات!قلـت لهاشوفي ياآنســه جراده انا ودي
اجاملك واقولك كلام حلــو بــس وجهــك يقول مالك
امـــل!قالت لي والله حتـى انا بعـد ودي اقولك كلام
حلوبس وجهــك ما يساعد وجهـك كنــه دعاية لا للمخدرات!
المهــم ان كـل واحد منــا تفــل فـي وجـه الثاني ورحنا
وانامـن الصـدمـه توقف تفكيــري كل آمالي واحلامي
راحت ادراج الدواليب وركبــت السياره ورجعـت للبيــت
متحــطم كنـت متخيــلها مثـل مايا
نصــري والا اليسـاوطلعـت مثــل فطومـه
خلاص ماعاد ابــي اتعرف على بنات(تكفـى آخرمره
حرام تحطـم قلوب المعجبات يا راغب علامه اقول انطم بس)
الوكاد انـي سكرت باب الغرفـه ونمــت نومة عدوكم
ومادريت اليوم الثاني الا باللي يرفس
الباب واناانقز من فراشي وش السالفه يالربع
الا وهو ابوي يصايح افتـح يالسمرمـدي افتـح لابارك الله فيــك
واناافتــح الباب الا وابوي في وجهـي ووجـه مايطمـن ويطلـع ذيـك
العجرا من وراه وانواع التلحيـــط واخواني وامــي
واقفيـن عنــد الباب يتفرجون الانذال من لقاها مصارعه
على الطبيعــه المهم ان ابوي شغال ضرب فيني ويقول
تتزوج من ورانا يالخسيــس قلت لـه والله ما تزوجت قال
الا لان الشاليهات اتصلوا علينا وقالوا خـلوا مصيول يجي
يااخذ زوجته اللي نساها
امــس واناتضيـع علومي وابي افهـم ابوي السالفه
بس انــه شغال ضرب فينــي ماترك لي فرصـه وبعــد
جـهــد جهيــد قــدرت انفــك مـن ابوي ورحـت لآخــر الغرفـه
وياخذ نعال ويرميها علــي وانا اوخــر عنها
بـسرعـه وامسكهــا بفمــي(متأثربالأفلام!)
واخواني يوم شافوني
سوويت هالحركـه وهـم يصفقون ويصفرون
وانااتحمــس وانـط على ابوي وامسـكــه مسـكــه منومــه
(خربها الغبـي مع ابوه!)
وينـط واحد مـن اخواني ويمسـك يـد ابوي ويرفعهااول
مره وطاحت ويرفعها ثاني مره وطاحت ويرفعها
ثالث مره وطاحت لا لا غيـر معقول
رفـع ابوي يــده وقام يأشرباصبعــه يعني لاتراني مانمـت!
ويوم شفتــه مانام وانااقوم وامسـك ارجوله واسوي
لـه حركـه مقصيــه عشان
يستسلــم بس ما استسلم واخواني يقنعونه انــه يستسلــم بــس هــو
عنيــد يحاول يـزحـف عنــد الحبال بس اناماخليتــه يتنفــس وفجــأه
اوووه لاتــدخل خارجي امــي جابت المقلاة ومحطتنــي علــى
جبهتـــي محطــه مــدويه وتدخلوا اخواني ومسكــوا امــي وطلعوها
برا الحلبــه(عائله دلوخ )
المهم انــي دخــت وماعاد ادري ويـن انا وطحــت مكاني
ويزحـف ابوي بشويش ويحـط يــده على صــدري ويعدون اخواني
واحداثنيـن ثلاثـه فاز ابوي هييه
(الحمد لله والشكر)
المهم اني فهمت ابوى السالفه
ونمر بيت ابو عبدوش ونعلمه وانواع التمحيط فيني
المهم وصلنا الشاليهات وقلت له معى لك مفاجأه وهو يضحك
قال والله اني خابرك ذيب ما تترك خويك كذا الرجال ولابلاش
وانا اقول في صدرى ايه هين وهو يقول اكيد بتعرفني على وحده من
خواتها قلت ايه بعرفك على وحده صحيه وهو يبي يشوف
المفاجأه بيفصخ العباه قلت له خلها عليك كذا احسن(انواع النذاله فيني)
وصلناالسياره الا وابو عبدوش مااسك مفــك العجـل فـي
يــده يحتــري ولــده وعبدوش مـن هول الصــدمه ماعاد شالته
رجليــه طاح مكانه وقام يصيـــح ويولول واستلمــه ابوه
انواع تفقيــع الوجــه وانواع الترفيع
والتنزيــل واناجالس اتفرج ومبسوط ومادريت الا
وابوي ماسكني وانواع الركب وانااصيــح فيــه
هيه يابو الشباب حلى هــي توك ملطمني قبـل شوي
قال اييه صحيح بس عيـب الرجال يلطم ولــده وانا جالس
اتفرج لازم اسوي شـــيء(لاصراحه ان ابوي فاهم
في الاصول طالع لي!)
المهم عقــب التلطيم اللي كليتـــه انا وعبدوش تزاعلنا
وانا حرمت اتعرف على أحدومثل ماقال
المثــل ابعـــد عــن الشرياعمري وغني لوه
:# :#
توقيع » أبوخالد
[poem="font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
اقنع لو ان الحال من دون في دون=وأخذ الكلام اللي عليه الادله
لا تشتكيلي والعرب وش يقولون=شكواً لغير الله تراها مذله
[/poem]
رد مع اقتباس
قديم 12-13-2005   رقم المشاركة : ( 2 )
abonayf
ثمالي نشيط


الملف الشخصي
رقــم العضويـــة : 13
تـاريخ التسجيـل : 04-08-2005
الـــــدولـــــــــــة :
المشاركـــــــات : 7,582
آخــر تواجــــــــد : ()
عدد الـــنقــــــاط : 10
قوة التـرشيــــح : abonayf


abonayf غير متواجد حالياً

افتراضي

سلملي على ابوك وقله

سلمت يمناه

هلحين ماغطنا بسالفه خط طويل واخرتها هذى

تحياتي
آخر مواضيعي
  رد مع اقتباس
قديم 12-13-2005   رقم المشاركة : ( 3 )
الحمدللة
عضو


الملف الشخصي
رقــم العضويـــة : 205
تـاريخ التسجيـل : 05-12-2005
الـــــدولـــــــــــة :
المشاركـــــــات : 8
آخــر تواجــــــــد : ()
عدد الـــنقــــــاط : 10
قوة التـرشيــــح : الحمدللة يستحق التميز


الحمدللة غير متواجد حالياً

افتراضي

اقول دمك زي الغرا
الله لا يبلانا ويخليك لأبوك
امييييييييييييييننننننننننن
آخر مواضيعي
  رد مع اقتباس
قديم 12-14-2005   رقم المشاركة : ( 4 )
أبوخالد
ذهبي نشيط

الصورة الرمزية أبوخالد

الملف الشخصي
رقــم العضويـــة : 161
تـاريخ التسجيـل : 06-10-2005
الـــــدولـــــــــــة : الغرفة الشعبية
المشاركـــــــات : 2,671
آخــر تواجــــــــد : ()
عدد الـــنقــــــاط : 256
قوة التـرشيــــح : أبوخالد تميز فوق العادةأبوخالد تميز فوق العادةأبوخالد تميز فوق العادة


أبوخالد غير متواجد حالياً

افتراضي

مشكور يابونايف على التعليق

الحمدلله على نعمة الادب
الحمدلله على نعمة الاخلاق
الحمدلله
مشكور على الرد الحلو
الف الف الف شكر
هذا من ذوقك
:#
آخر مواضيعي
  رد مع اقتباس
قديم 12-14-2005   رقم المشاركة : ( 5 )
أبوجنى
مثالي

الصورة الرمزية أبوجنى

الملف الشخصي
رقــم العضويـــة : 84
تـاريخ التسجيـل : 01-09-2005
الـــــدولـــــــــــة :
المشاركـــــــات : 678
آخــر تواجــــــــد : ()
عدد الـــنقــــــاط : 10
قوة التـرشيــــح : أبوجنى يستحق التميز


أبوجنى غير متواجد حالياً

افتراضي

قصه حلوه ويبدو انك ضربت على وتر حساس لبعض الاعضاء

مشكور وما قصرت




أخوك / فارس القبيلة
آخر مواضيعي
  رد مع اقتباس
قديم 12-15-2005   رقم المشاركة : ( 6 )
أبوخالد
ذهبي نشيط

الصورة الرمزية أبوخالد

الملف الشخصي
رقــم العضويـــة : 161
تـاريخ التسجيـل : 06-10-2005
الـــــدولـــــــــــة : الغرفة الشعبية
المشاركـــــــات : 2,671
آخــر تواجــــــــد : ()
عدد الـــنقــــــاط : 256
قوة التـرشيــــح : أبوخالد تميز فوق العادةأبوخالد تميز فوق العادةأبوخالد تميز فوق العادة


أبوخالد غير متواجد حالياً

افتراضي

القصه فقط للضحك
........................
مشكور فارس القبيلة
آخر مواضيعي
  رد مع اقتباس
قديم 12-16-2005   رقم المشاركة : ( 7 )
ABO TURKI
مراقب

الصورة الرمزية ABO TURKI

الملف الشخصي
رقــم العضويـــة : 19
تـاريخ التسجيـل : 09-08-2005
الـــــدولـــــــــــة :
المشاركـــــــات : 9,412
آخــر تواجــــــــد : ()
عدد الـــنقــــــاط : 1889
قوة التـرشيــــح : ABO TURKI تميز فوق العادةABO TURKI تميز فوق العادةABO TURKI تميز فوق العادةABO TURKI تميز فوق العادةABO TURKI تميز فوق العادةABO TURKI تميز فوق العادةABO TURKI تميز فوق العادةABO TURKI تميز فوق العادةABO TURKI تميز فوق العادةABO TURKI تميز فوق العادةABO TURKI تميز فوق العادة


ABO TURKI غير متواجد حالياً

افتراضي

حلووووووووووووووووووووووووه اخوي شطة
آخر مواضيعي
  رد مع اقتباس
قديم 12-17-2005   رقم المشاركة : ( 8 )
أبوخالد
ذهبي نشيط

الصورة الرمزية أبوخالد

الملف الشخصي
رقــم العضويـــة : 161
تـاريخ التسجيـل : 06-10-2005
الـــــدولـــــــــــة : الغرفة الشعبية
المشاركـــــــات : 2,671
آخــر تواجــــــــد : ()
عدد الـــنقــــــاط : 256
قوة التـرشيــــح : أبوخالد تميز فوق العادةأبوخالد تميز فوق العادةأبوخالد تميز فوق العادة


أبوخالد غير متواجد حالياً

افتراضي

وانته بالشورت احلى
آخر مواضيعي
  رد مع اقتباس
إضافة رد

مواقع النشر

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى الردود آخر مشاركة
كيف نختم القرآن بشهرأو أقل المبرِّد الــمـنـتـدى الإسـلامــــــــي 3 10-08-2005 03:18 AM


الساعة الآن 01:01 AM.


Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by