كـم واحـدٍ بالكـذب والــزور يمحـنـك

[@ بن سلمان @]

كـم واحـدٍ بالكـذب والــزور يمحـنـك كـم واحـدٍ بالكـذب والــزور يمحـنـك كـم واحـدٍ بالكـذب والــزور يمحـنـك كـم واحـدٍ بالكـذب والــزور يمحـنـك كـم واحـدٍ بالكـذب والــزور يمحـنـك

من روائع فيصل الرياحي

[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]يا قلب مـا غيـري مـن النـاس يوحيـك =ليا قمت تصفـق بالحشـا صفقـت الزنـك
أليـا طلعـت مـن الحشـا ويـن أوديـك =هل تعلـم أنـك بيـن الأضـلاع مسكنـك
أنـا أدري أنـك مـا تخـبـر بطـاريـك =لـكـن دقـاتــك تـبـيـن مكـامـنـك
والكـذب والتزويـر مـا هـو ب يرضيـك =كـم واحـدٍ بالكـذب والــزور يمحـنـك
يقـول كيـف الحـال سـاعـة يلاقـيـك =ما اطولك ما اطيب منك ما اعرضك ما ازينك
أن شـاف وجهـك قـام عجـلٍ يحيـيـك =وأن شاف ظهـرك بيـن الأكتـاف يطعنـك
نـاسٍ علـى مـا فـي جيوبـك تخاويـك =بصرف النظر عن كيـف طبعـك ومعدنـك
وأن باح جيبـك شفـت مـا احـدٍ يدانيـك =تعيـش بيـن الـربـع معيـشـةٍ ظـنـك
شفت الغرايـب شـوف مـا فيـه تشكيـك =يسهنـك مـن وقـت المـلا فيـه يزبنـك
ويضحك بك اللـي عاجـزٍ عـن هقاويـك =لا فاعـلٍ فعـلـك ولا مـعـرضٍ عـنـك
يحـز فـي نفسـه ليـا طـاب طـاريـك =يفـرح لـيـا مــن الـبـلاوي تبلـنـك
كـم واحــدٍ ظـلـك مغطـيـه يـوذيـك =لـو هـو ضعيـفٍ لـو ينوشنـه أشبنـك
أن واجهـك فـي فرجـةٍ مــا يلاقـيـك =فالمجلـس اللـي تستحـي فيـه يفتـنـك
وكـم واحـدٍ جـده وخـالـه صعالـيـك =أصبـح مـن اصحـاب الملاييـن والبنـك
ياللـي جمعـت المـال لـيـاه يطغـيـك =أجمـع حلالـه والوصـخ بـعـده عـنـك
لا بـاس هــذا رزق ربــك ومعطـيـك =لكـن راس كبـر مـن كـبـر مبطـنـك
غـرك زمانـك تحسـب أنــه يخلـيـك =دايـم غـنـي وكــل عـيـنٍ تعايـنـك
يـا اخـي تـرا الأيـام مهمـا تراعـيـك =وعـزت بساتيـنـك وقــرت مكايـنـك
دنيـاك لـو ذعـذع هـواهـا تفاجـيـك =تسفـي عليـك مـن السوافـي وتدفـنـك
تـرا الدهـر يومـيـن والعـلـم ينبـيـك =يـومٍ عليـك ويـوم لـك ويـش فاتـنـك
وأن كـان مـا تـدرى زمانـك يـداريـك =لا تزعـل أن شفتـه بالأضـراس يطحنـك
هـذا الزمـان اللـي عيـوبـه تماتـيـك =يصفـي معـك مـره ومــرات يحـزنـك
فكـر بـدربـك ثــم مـيـز مواطـيـك =وحـذرك مـن دابٍ يحنـك القـدم حـنـك
الـيـوم قـانـون العـدالـه يـنـاديـك =مزبـن معكـفـة الـشـوارب ومزبـنـك
واحـذر أبليـس عـن القوانيـن يصغيـك =عـزاه عـن حالـك ومـن عـاد عيـنـك
وأن كنـت فـي منصـب تذكـر لوالـيـك =فـوق الجمـيـع الله ويعـلـم بواطـنـك
اخلـص وراع اللـي تشـوفـه يراعـيـك =حسـب النظـام وثمـن الـلـي يثمـنـك
ورفيقـك الـلـي فالمواجـيـب يشفـيـك =خلـك مـن بيـن لـوازم وهــو مـنـك
ترا صديقـك فـي غـلا السـوم يشريـك =خله كما صـاف الذهـب وأنـت مخزنـك
ألا أن كـانـه بـايـرٍ قـاطـعٍ فـيــك =عرض عنـه لا سـر عينـك ولا أشحنـك
ويمكـن يجيـك مؤشـر ألسـان يغويـك =يقـول قـال فــلان وفــلان ذا عـنـك
لا تستـمـع لــه طــول الله معالـيـك =هـذا مـا غيـر بكلمـة الـزور يـازنـك
هـمـاز لـمـازٍ كـــذوبٍ يـوريــك =بيـض الثنايـا والفـؤاد أســودٍ حـنـك
وده يشـيـلـك ثـــم وده يـوطـيـك =لـو أنـت كحـلٍ تنسحـن كـان يسحنـك
أن طعـت قولـه لعـب حتـى يدهـويـك =غسـلـك بالكـذبـه وبـالـزور كفـنـك
أنتـه رجـل وادلــك بيمـنـاك يدلـيـك =منتـه مقمـع فـي يـد النـذل يشحـنـك
تـم الكـلام اللـي بنيتـه عـلـى أيــك =شطـرٍ علـى أيـكٍ وشطـرٍ علـى أنــك [/POEM]

[سنا الهجرة]

الله يعطيك العافية بابو هبه
على هذا النقل الجميل

[زيد الخير]

يعطيك العافية

[ابن محمود]

المشاركة الأصلية كتبت بواسطة @ بن سلمان @

من روائع فيصل الرياحي

[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]يا قلب مـا غيـري
دنيـاك لـو ذعـذع هـواهـا تفاجـيـك =تسفـي عليـك مـن السوافـي وتدفـنـك
تـرا الدهـر يومـيـن والعـلـم ينبـيـك =يـومٍ عليـك ويـوم لـك ويـش فاتـنـك
[/POEM]

حكمة


اختيار في غاية الروعه

و دليل على ذوقك العالي



وما نقول الا الله يبعد الانذال اللي وصفهم الرياحي عنا وما اكثرهم

[@ بن سلمان @]

المشاركة الأصلية كتبت بواسطة سنا الهجرة

الله يعطيك العافية بابو هبه
على هذا النقل الجميل

ويعافيك يا بو عبدالله
نحاول ننوع فرضاؤكم غايتنا

[@ بن سلمان @]

المشاركة الأصلية كتبت بواسطة زيد الخير

يعطيك العافية

شكرا لمرورك يا زيد الخير

[@ بن سلمان @]

المشاركة الأصلية كتبت بواسطة ابن محمود

حكمة
اختيار في غاية الروعه
و دليل على ذوقك العالي
وما نقول الا الله يبعد الانذال اللي وصفهم الرياحي عنا وما اكثرهم

الجميل والرائع يفرض نفسه
مرور عطر محل تقدير وإحترام

[ابو الثعالب]

صح لسان فيصل وتذكرت قول الشاعرإذا سبنـي نـذل تزايـدت رفعـة
وما العيب إلا أن أكـون مساببـه
ولو لم تكن نفسـي علـى عزيـزة
مكنتهـا مـن كـل نـذل تحاربـه

[@ بن سلمان @]

المشاركة الأصلية كتبت بواسطة ابو الثعالب

صح لسان فيصل وتذكرت قول الشاعرإذا سبنـي نـذل تزايـدت رفعـة
وما العيب إلا أن أكـون مساببـه
ولو لم تكن نفسـي علـى عزيـزة
مكنتهـا مـن كـل نـذل تحاربـه

لله درك ودر ما إحتوت ذاكرتك
حضورك مبعث سروري