قصة البنت..... والشايب ......

[طبيب ج ـرآح]

قصة البنت..... والشايب ...... قصة البنت..... والشايب ...... قصة البنت..... والشايب ...... قصة البنت..... والشايب ...... قصة البنت..... والشايب ......

بدايه القصه عن شايب اسمه حمدان وهواوي ( قلبه خضر ) ما شاف بنت الا ينفتن بها

ويقال أن هناك فيه بنت ملكعه وصاحبة مقالب

قالت في نفسها أنا ليه ما أروح للشايب امزح معه واضحكه شوي واشوف ردة فعله كيف تكون

راحت له وردت عليه السلام كيف حالك يا شايب ؟؟

رد السلام والله بخير الله يعافيك...

وفجأه عطته ظهرها ومشت ولاإاستئذان ولا شي !!!!

ولع الشايب من حركتها

قال فيها كم بيت يستعطفها فيها ويقولإانها ذكرته الماضي

و إذا ما عطيتيني وجه لحقت باخوي حمود اللي في قبره

ويذكر التاريخ واليوم اللي قابلها فيه

يقول الشايب :

يا بنت خذي خاطري وارحميني

لا تجرحين العود بعيونك السـود

غضي نظرك وغطي الوجنتينـي

لعل يومٍ جدد الجرح مـا يعـود

يوم أنتهى مع مرمسات السنينـي

جتني صواديفه على غير مقصود

بأول شهر عشره نهـار الثنينـي

حمدان مروا به على جنازة حمود

البنت كانت تقصد من إستفزازه إنها تجاريه في الشعر وترد عليه !!

والمسكين ما كان يدري إنها شاعره وعلى باله ما خذ راحته في التغزل ...

ردت عليه وهزأته تقول ::

يا شايب الرحمن وينـك ووينـي

عزي لحالك قدامك الباب مسـدود

قلبك عطوف وجاه قلـبٍ متينـي

والبنت ما تشفق على مغازل العود

حبل الرجا مقطوع بينـك وبينـي

مثل الغليث اللي رعا قلبه الـدود

أقفى شبابـك والعـرب مقبلينـي

يا عود ما يرجع من العمر مفقود

حطمته يوم قالت له إنك عود وإن الشباب ما يرجع وإن ما فيه أمل تعطيه وجه حس العود إنه تورط وقال كم بيت

يقول لها صدي عني إنه ما يبي الغزل بعد ما وصل عمره ثمانين سنه

يقول حمدان :

يا بنت صـدي بالعيـون الظليلـه

لا صد عنـك الله نهـار القيامـه

مالي ومالك يالفـروع الطويلـه

لو فيك من رسم البـداوه علامـه

يابنت مـا لـي بالثمانيـن حيلـه

اهدف كما تهدف على البير قامـه


اقفى شبابي والدهر شفـت ميلـه

يالله حسـن الخاتمـه والسلامـه

أعطيك موجز والبضاعـه قليلـه

وأخذت لك من صافي الماء سنامه

راحت الايام والشايب مسكين !!


بعد فتره مرته مره ثانيه

وردت عليه السلام وإستفزته وراحت وخلته

ولع الشايب وقال ليه ما أبين لها في كم بيت إنها بتشيب مثلي إاني رجال طيب إان الناس تنصاني ومعروف

بالكرم وإني ما أبي منها غير التحيه والترحيب

يقول حمدان

يا بنت ما جاك الكبر والخشونه

وعادت شباب اليوم يجفل من الشيب

ياسرع ما وبلك تمزع مزونه

يالفاتنه يا ام الثمان الرعابيب

يا بنت ما بيني وبينك مهونه

كلمة شرف نبي تحيه وترحيب

الله من عودٍ ثقيله طنونه

ينصاه راع المشكله والمواجيب

على الكرم والدين نفسه حنونه

تلقاه بالأجواد شرق وتغاريب

جهز الأبيات وأرسلها مع عجوز ووعد العجوز بهديه إذا وصلت الرساله لها

راحت العجوز وعطت البنت الأبيات

شافتها البنت وقفلت على العجوز في غرفه وقالت مثل ما جيتي بأبياته ترجعني بأبياتي

العجوز مسكينه قالت طلعيني ولا ابي منكم شي الله لا يعودكم إنتم وأوراقكم

ردت البنت ابيات أقوى من الأولى وأكثر تحطيم مسكين الشايب ما أحد رحمه حتى لو حاول يستعطف

تقول البنت ::

العود عود وطايحـاتٍ سنونـه

من كثر ما يرقد على جرة الذيب

عودٍ مهرقل والعرب ما يبونـه

ياعود ما لك في طويل المراقيب

أقفى شباب العود راحت حتونه

مثل اليتيم اللي بكا ما له مجيب

جداه ينثر دمعـة ٍ مـن عيونـه

غريق موجٍ ما لقا له مقاضيـب

أتمنى أن تنال رضاكم وإستحساااانكم

تقبلوا مني أطيب المنى

[مايميزني لقب]

ياكثر الشياب اللي يبوووون يتشبوووووو
بس مافيه امل
.لايسمعنا منقاش نتكلم في الشياب ...........ههعههع

[طبيب ج ـرآح]

لا انشا ءالله مايقول شيء ... حيث انه متفتح ... ويفهم مبادينا

وحيث ان الموضوع في الاسترااحه .... مطروح على خشمه هههههههههههه تدارجو الضحك على هالشايب الحبيب خخخخخخخخخخخ

اسعدني تواجدك مايميزني لقب

[بنت شيوخ وكلي شموخ]

هههههههههههههآآآآآآآآآآي حلووووهــد
هالشايب مسيكيييين وضحكــ
يسلموو جرااااح