ومن يتهيب صعود الجبال@يعش أبد الدهر بين الحفر

[منقاش]

رد: ومن يتهيب صعود الجبال@يعش أبد الدهر بين الحفر رد: ومن يتهيب صعود الجبال@يعش أبد الدهر بين الحفر رد: ومن يتهيب صعود الجبال@يعش أبد الدهر بين الحفر رد: ومن يتهيب صعود الجبال@يعش أبد الدهر بين الحفر رد: ومن يتهيب صعود الجبال@يعش أبد الدهر بين الحفر

مشرفنا العام العزيز , ابو عبدالرحمن : مشكور على أطلاعك على أنجازات الشيخ منقاش , وكل اللي يهمني أنكم تستفيدون من بدر الدجى اللي لولا الله ثم هو , كان أمديكم غارقين في ظلام دامس.
بخصوص طلعتك أنت ورويعي الغنم , أقول لكم سيروا على بركة الله , وشوفوا ويش تلقون قدامكم من السباع والهوام اللي ذكرها لنا صحفينا حليفي أبو رامز , الله يحفظه؟؟.

أخويه صحفينا العزيز أبو رامز : أشكرك على أطلاعك وعلى تعليقك .
بخصوص السباع , بلغني من صاحب خبره أن هذي الهضبه مسبعه , ولا يمشي بين صخورها ألا السباع الضواري من أمثالي , وخصوصا النمر العربي اللي أنقرض من كل ديار العرب ألا من هالهضبه , وكنت ناوي أقرضه واتغدى به قبل يتعشى بي , لكني ما شفت له أثر , لا هو ولا غيره من السباع , ألا السعاليه لقيتهم باشكين يلعبون بلوت تحت واحد من الردف , وصورتهم وهم يشوون في لحم واحد من رعيان غنم أهل نمره , وقبل أعرض صورهم على المنتدى رايح أسجلهم في السجل العالمي كأكتشاف من أكتشافات أبو نقشه , ثم أنشرها في صحيفتي المفضله , جريدة المدينه المنوره , وسلامتك أنت وكل ألأخوان .

[منقاش]

عميد مندى الحياه الفطريه , الشيخ سلام سلمه الله : حياك الله يا شيخنا , والشجيره ماهي فطامه لأن ورقها ناعم , لكني نسيت لا أعصف منه واختبر رايحتها والسايل اللي فيها .
والحقيقه أني كنت أمني في نفسي ألأماني واقول , عسى ولعل أنها تكون الذريره اللي بغيت تبر بها أبو عبدالرحمن في موضوع حليفي الغايب الحاضر الشيخ ابن همام .
أما السارفه اللي ظهرت لكم قدمه في الصوره , فهذي مفاجأه لي كما فاجأتكم , لأني يوم التقطت الصوره ماكان حوالي الشجره أحد , لكني يوم نزلت الصوره على الكنفيوتر ظهرت لنا الله يامنا .
وأعتقد أنها رجل لواحد من ألأرواح الخيره , سوى لنا بها هالحركه الغريبه حتى يبين لنا مقدار أرتفاع الشجيره , ومدى نعومة ورقها وسهولة ثنيه , حتى لا يتصور أحد منكم أنه فطام , هذا ما ظهر لي , والله أعلم ...

[منقاش]

تأملوا في الصوره ألأولى , تأملوا الرادف اللي يقتفي الشجره في وسط الصوره , وترونه هو نفس الرادف اللي يظهر مجوف على شكل خوذه في الصوره الثانيه, وأقدر أرتفاعه بخمسه أمتار تقريبا .
موقعه في طرف الركح اللي يشبه الصحن , واللي أخذت الهضبه منه أسمها , وغيره الكثير من الكهوف الكبيره اللي أشكالها عجيبه وتملا الهضبه , وعسى الرويعي وابو عبدالرحمن أن قدروا يصورون لكم بعضها في طلعتهم الجايه ..

[ثماليه والعز ليه]

اشكرك على الموضووع والمجهود الاكثر من رائـــــــع

استمتعت كثيرا بما وجدته في متصفحك

دمت في رضى الرحمن

[ابوسيفين]

الحمد لله على السلامه ياطويل العمر
والله شكل الرّويعي وابو عبدالرحمن ومن ورائهم الحج إيّاه خططوا لهلاكك ولكن الله خيّب ظنّهم رجعت وبغنائم زادتهم كمداً فبدأوا يلتقطون بعض مُداعباتك ليقللون من الانجاز فهنيئاً لحلفكم بكم ولكن من حقّنا عليك أن لاتُحسن الظن بهولاء القوم فقد بدأوا يُدركون حجم نجاحاتكم وما تُشكّله من خطوره عليهم بعد أن نفدت ألبوماتهم ومُذكّراتهم من أي جديد 0
اُفكّر وبجديّه أن أجعل صورة المتسلّق البارع إيّاه توقيعاً لي لأزيدهم كمداً وغيضاً 0
أرى صورة التّيس وذِكْرِه يتكرر في الآونه الأخيره بكثره فهل هي مُصادفه أم أن الأمر به شيئ

[منقاش]

بنتنا الكريمه , ثماليه والعز ليه : مشكوره على أطلاعك وتعليقك , والحمد لله أنك أستفدتي من ما كتب جدك ابو نقشه ...

ملف مرفق 1684

ملف مرفق 1685

ملف مرفق 1686

حليفي الوفي , الشيخ أبو سيفين : أنا أن شاء الله عند حسن ظنك , وتراني صورت مجموعه من الخزم الكبار وخفيت صورها , وعرضت عليهم أربع صور لخزمات جويهلات حذفوها من متن الموضوع حتى لا يتفشلون , منها الثلاث اللي تشوف صورها أعلاه ولا عرفوها .
يعني , وسع بالك , هم يمكرون , وابو نقشه أشد منهم مكرا ....

[أبو علي]

ابو نقشه : اسعد الله مساك وبيض الله وجهك على ها الفتوة وها المغامرات النادر فعلها من اسنانك , بس اعتقد علومك عاريه من الصحيح ، خاصة إنك قبل اسبوع تعاني من آلام في الركب بسبب تدحرجك من سلم الدرج الله اعلم من دفك ؟؟؟؟؟؟؟؟؟؟؟ واللي اعرفه ان ابو عبدالرحمن اخف منك في الوزن ويفتررض انه هو اللي يسبقك ويتسلق الجبال ،

[منقاش]

مشرفنا ابن عزاب : هذي فعايلي وركبتي وجعانه , أما لو كانت طيبه كان ما عودت ألا من جهة قرنيت جهة الشفا .
وبعدين , أبو عبدالرحمن يعترف بوقوعه في شراك مكر أبو نقشه , وأنت لأنك مشرف مبتدي ما أنت مصدق من الرعب اللي مدخله في قلوبكم المشرف العام , وناسين أن مشرفكم العام يشرف عليكم وعلى منتداكم تحت أشراف المشرف ألأعلا بدر الدجى وعرعرة المنتدى , الله يهديك.
الزبده : متع نظرك بصور الخزم اللي تشوف صوره فوق وقول , تبارك الله ما شاء الله , والله يجزي أبو نقشه خير .

[أبو عبدالرحمن]

كمان تتهمنا بالحذف..ما هي غريبة عليك!!

بس ...الله يهدي ..من نبهك؟؟


والخزمة ما تتشرف أن يكتب عنها إلا أمثالي!!!فاذهب إلى السقيا وتحدث عنها

[منقاش]

حليفي مشرفنا العام , ابو عبدالرحمن , يحفظه الله : خيرها في غيرها , وان شاء الله يخاويك صاحبك رويعي الغنم , وتصورون كبار الخزم مع صغارها , لكنها تظل صور بايته ما تسقيكم شربة ماء مع صور ابو نقشه , صوروها وبعض الشي ولا عدمه ....