شرابة التنباك فيهم سعة بال .

[منقاش]

شرابة التنباك فيهم سعة بال . شرابة التنباك فيهم سعة بال . شرابة التنباك فيهم سعة بال . شرابة التنباك فيهم سعة بال . شرابة التنباك فيهم سعة بال .

قبل نفتتح موضوعنا اليوم خلوني أفشفش وأطلع شويه من ما في صدري واقول عساك يا مخاوي منقاش ما يقتلك الا اليهود وتكون لك شهاده بعد تقتل منهم عشرات على أرض الجهاد والرباط في فلسطين , وانشاء الله يستشهد منقاش بعدك بسنين طويله (بعد الثمانين من العمر) صابر محتسب ومقبلا غير مدبر بعد نحرر القدس ونفترش ونلتحف ونثخن في قتل بني صهيون المعتدين وبعد يقتل منقاش من مقاتلينهم الميات (لأننا ما نقتل الأطفال والنساء والشيوخ والعباد في دور عبادتهم والمسالمين في بيوتهم واعمالهم) ,,,, وبعد :
قبل ليالي كنت سامر عند ساري الليل ومعنا في السمره المروح مخاوي منقاش , واقول مروح لأنه يتبن أو قولوا يتتن على ما قالوا ربعه أهل حايل ,, يعني بلغتكم يدخن مع بوزه ومع محلات ثانيه ,, يدخن السقار الكوبي تقليد لصدام الله يرحمه والغليون تقليد لرجال جيهان السادات ويدخن الشيشه تقليد لعمدة الشبيكه وسوق الليل ويدخن مارلبورو تقليد للبور منكم .
الزبده : أن ساري تضايق من ريحة الدخان والمعصيه على فراشه ومعاشه ونصح المخاوي عن التدخين يوم شافه ينبغ في غليونه وقال : يا مخاوي الله يهديك , يا رجل ترى الدخان نقص في الرجال القدوه لعياله وجهال ربعه وخساره في الدين والبدن والمال , وسبب لسرطان الريه والبلعوم والفم وسبب لامراض ثانيه كثيره , وأقلها فيه أذيه للناس الجالسين قريب من المدخن وسبب في الروايح الكريهه والمنفره اللي تطلع من فم وثياب المدخنين .
رد المخاوي بصلافه ومكابره وهو ينفث في الدخان وله عجاجه من على راسه وروس الحاضرين وقال : أسمع يا ساري ويش يقول الشاعر راعي الأباعر؟ , يقول :
شرابة الدخان فيهم سعة بال @@@ واللي طويلن شاربه يقصرونه
التتن يا ساري لخلان منقاش @@@ اللي ليا شربوه غطتكم عجوجه
كنت ألتفت على ساري الليل واقول : يا ساري لا تنصح جاهل يتعدوى لك , واللي ما الله هداه وابليس أغواه ما تقدر تهديه ,, والنار تبغي والجنه تبغي وكل شاه تبي تعلق برجلها .. قاطعني ساري وقال : صدقت يا شيخ منقاش صدقت ..
وبالمناسبه تذكر سالفة البرشومي والقوطه اللي سعلتني مره عنها وقلت في سعالك : من وين جاتنا ومتى عرفناها ؟, وفهمتك أنها جات من الأمريكتين بعد أكتشافها من اللي كماالبس (من كرستوفر كولمبس) , وبلغني من رويعي الكلاب أنك كتبت عنها في كنفيوتر ثماله تحت عنوان تبرشموا بالعافيه .
رديت عليه وقلت : أي بالله أذكر , لكن ويش جاب البرشومي والقوطه اللي نعمه جنب التنباك اللي نقمه وكفر بالنعمه ؟ . جاوبني وقال : جابها جنبه لأن التنباك ما عرفه الناس في العالم القديم (آسيا , أوربا , أفريقيا) الا بعد أكتشاف ألأمريكتين وبعد جلبه المكتشفين والمستعمرين معهم كما يوم جلبوا القوطه والبرشومي ,,, وترى مكتشفه واحد من بقايا يهود ألأندلس اللي غيروا اساميهم وتنصروا في الظاهر وبقيوا على ديانتهم في الخافي بعد طرد الفرنجه المسلمين واليهود واجبروا من بقي منهم على التنصر وتغير أساميهم , هذا اليهودي كان اسمه الجديد لويس دو توريز ورافق كولمبس هو ومجموعه من اليهود في رحلة أكتشاف أمريكا .
وهذا اليهودي هو أول رجل في حملة كولمبس ترجل ونزل من على واحده من سفن الحمله وحط رجله على اليابسه , وهواللي أكتشف شجرة التنباك فيما بعد وسماها الطباق وسماها من بعده الخماجات توباكو لأن فيه واحده من نباتات التنباك اللي تعرف عليها في البدايه تشبه في حجمها واوراقها شجيرة الطباق اللي عندكم في بلاد ثماله (وفيه غيرها تشبه اوراقها اوراق الخس وغيرها وغيرها كثير) .
وهذا اليهودي أستقر فيما بعد في كوبا وسار الأب الروحي لسيطرة اليهود على صناعة وتجارة الدخان والسقاير بكل أنواعها في جميع أنحاء العالم . قاطعته وقلت : يعني أن الدخان وانتشاره والدعايه له وراها اليهود ؟, جاوبني بنعم , وزدت سعلته عن قصة رحلتهم لأمريكا وجاوبني بجواب أخليه لكم في الحلقه الجايه .
تابعوا معي الحلقه الثانيه حتى تعرفون أن الدخان والمدخنين صناعه يهوديه وطاعه شيطانيه للهوى والغوى ومعصيه للرب وتخريب للجيوب والبيوت والصحه ,,, وكل خساره ولا خسارة الدين اللي يسهل جنبها كل الخسارات خصوصا من المدخن اللي يشرب الدخان ويقول أنه من الصغاير وهو يعرف في قرارة نفسه أن ما فيه كبيره مع الأستغفار ولا صغيره مع ألأصرار ... وسلامتكم كلكم , وسلامتي قبلكم ...