لمحات عن رحلة الوفد ألأخيره .

[السهلاوي]

المشاركة الأصلية كتبت بواسطة منقاش

أخواني وجمع الرفاقه والعواني , شاعرنا سنا الهجره , السهلاوي , العمده المقداد بن ألأسود :
أشكركم على مداخلاتكم وثناكم , والحمد لله أنكم وجدتم فيما كتب الوفد بعض مبتغاكم وحاز على شي من رضاكم .
وهذي الديره ومعلوماتها نضعها بين أديكم , واللي منكم يبي السياحه هذا باب السياحه مفتوح أمامكم الى درجة أنه حتى وقت كتابة هالأسطر السايح ما يحتاج لتأشيره , ويحصل عليها من المطار (كولمبو).
والتذكره المخفضه على الدرجه السياحيه للي ما يقدرون ألأولى بألف ومية ريال تقريبا من الطايف الى الرياض , الرياض كولمبو , كولمبو الرياض , الرياض الطايف .
والمهم , لا يراك الله في المكان والموضع اللي ما يرضى عنك فيه , وتذكر أنه هو المتفضل عليك باللي أنت فيه من مال وصحه وحال , فلا تقابل كرم المكرم ونعمه اللي أسبغها عليك ظاهره وباطنه بالنكران والجحود والمعصيه , وكل من الطيبات ولا تسرف وتمتع بالحلال , وترى دنياك هي الساعه اللي أنت عايشها بحلوها ومرها , وآخرتك كل عمل أخلصته لوجه الله , وقدمته قدامك يوم لا ينفع مال ولا بنون .
واللي يبون ألأستثمار نعطيهم المعلومه ونحطها بين أديهم , وأنتم من أهل مكه وأدرى بشعابها , لكني من أنصار كسر الحواجز النفسيه , ومن دعاة ألم تكن أرض الله واسعه فتهاجروا فيها لطلب الرزق أو على ألأقل لتنويع مصادر الدخل ؟, فلا تضيقوا واسعا على أنفسكم وبنيكم وبناتكم , وعودوهم على السير في ألأرض وألأكل من مناكبها وابتغاء فضل الله , ويعجبني أخواننا اللبنانين اللي ديارهم من أجمل الديار , ومع هذا تلقاهم في كل بقعه من بقاع ألأرض ..

كلام من ذهب