النياق السود واولها منيفه.....

[النادر]

النياق السود واولها منيفه..... النياق السود واولها منيفه..... النياق السود واولها منيفه..... النياق السود واولها منيفه..... النياق السود واولها منيفه.....

كان اخي ومعلمي ابو حسام قد طلب مني ان اكتب عن العشق الاخر بعد الطير كما يضن لكنه الاول بالنسبة لي وان تأخرت في اقتناءه ولانشغالي بكثرة اعمالي ومقانيصي وابلي ولم اجد الوقت الكافي لاكتب عنها له ولكم ولكل محبي الابل هذا الاهداء وجزى الله السفر خير فقد اتاح لي الوقت


[poem="font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

في هوى (شامه) وفي طربة (منيفه)=مادريت بهرج مكثرة الحسايف
الضعيف يشوف خلق الله ضعيفه=والحمول يشيلها راعي الكلايف
النياق السود اخير من الوظيفه=وش لقينا من ورى سجن الوظايف
غير شوفت شين وجه وشين شيفه=والحكي بهروج ماتسوى نصايف
واحدٍ يشكي على الاخر وليفه=وواحد عمره قضى بين الولايف
زين لاحنت وشالت بالسفيفه=واللقاح من الفحل ترفع سفايف
والفحل يرزم ويستن العسيفه=والبكار مفورده والجو كايف
في طرف روضٍ غشاه اول وريفه=مع بكور الوسم والحقها ردايف
لين قام العشب تسمع في حفيفه=لاطرقه من الهوى هب الخفايف
والطيور تجر بالحانٍ طريفه=لحن ماغناه متمايع وهايف
وصاح راعيها وجت تعدي خفيفه=كنها عسكر وتعرض قدم نايف
جابها الهوبال واهبلها زنيفه=كنه الموجوع غادي له ونايف
دهرمت ماكنه الا عدي خيفه=وواحدٍ مطرود ومن الموت خايف
لين صكت حول ركبيه لفيفه=كلها تدحم بعض جنب ولفايف
وطق جنبه ثم عرضها الشعيفه=واستدارت خلف ركبيه صفايف
لين جات مراحها اللي ماتعيفه=وبركت وبطونها مليا قطايف
من زهور الروض واوراقٍ صخيفه=عشب توه بادين نبته صخايف
وابهل الخلفات واختار النظيفه=من طياس الحلب ماغير النظايف
ثم حلب بكرٍ مباهلها رهيفه=ماضرت بالحبل وبروس العطايف
تسبق الحلاب فالدر وعطيفه=امها من قبل معدومة وصايف
والله انه مالها عندي وصيفه=متعة الدنيا وللمتعات عايف
لو يعذربني بها ناسٍ سخيفه=مادريت بهرج راعين السخايف
[/poem]

[ابوسيفين]

المشاركة الأصلية كتبت بواسطة النادر

كان اخي ومعلمي ابو حسام قد طلب مني ان اكتب عن العشق الاخر بعد الطير كما يضن لكنه الاول بالنسبة لي وان تأخرت في اقتناءه ولانشغالي بكثرة اعمالي ومقانيصي وابلي ولم اجد الوقت الكافي لاكتب عنها له ولكم ولكل محبي الابل هذا الاهداء وجزى الله السفر خير فقد اتاح لي الوقت


[poem="font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

في هوى (شامه) وفي طربة (منيفه)=مادريت بهرج مكثرة الحسايف
الضعيف يشوف خلق الله ضعيفه=والحمول يشيلها راعي الكلايف
النياق السود اخير من الوظيفه=وش لقينا من ورى سجن الوظايف
غير شوفت شين وجه وشين شيفه=والحكي بهروج ماتسوى نصايف
واحدٍ يشكي على الاخر وليفه=وواحد عمره قضى بين الولايف
زين لاحنت وشالت بالسفيفه=واللقاح من الفحل ترفع سفايف
والفحل يرزم ويستن العسيفه=والبكار مفورده والجو كايف
في طرف روضٍ غشاه اول وريفه=مع بكور الوسم والحقها ردايف
لين قام العشب تسمع في حفيفه=لاطرقه من الهوى هب الخفايف
والطيور تجر بالحانٍ طريفه=لحن ماغناه متمايع وهايف
وصاح راعيها وجت تعدي خفيفه=كنها عسكر وتعرض قدم نايف
جابها الهوبال واهبلها زنيفه=كنه الموجوع غادي له ونايف
دهرمت ماكنه الا عدي خيفه=وواحدٍ مطرود ومن الموت خايف
لين صكت حول ركبيه لفيفه=كلها تدحم بعض جنب ولفايف
وطق جنبه ثم عرضها الشعيفه=واستدارت خلف ركبيه صفايف
لين جات مراحها اللي ماتعيفه=وبركت وبطونها مليا قطايف
من زهور الروض واوراقٍ صخيفه=عشب توه بادين نبته صخايف
وابهل الخلفات واختار النظيفه=من طياس الحلب ماغير النظايف
ثم حلب بكرٍ مباهلها رهيفه=ماضرت بالحبل وبروس العطايف
تسبق الحلاب فالدر وعطيفه=امها من قبل معدومة وصايف
والله انه مالها عندي وصيفه=متعة الدنيا وللمتعات عايف
لو يعذربني بها ناسٍ سخيفه=مادريت بهرج راعين السخايف
[/poem]

صح لسانك يابو عماد ، إنتظرتها كثيرا لكن تجي من الفلبين هذا اللي ماتوقعته ولعل فيما سترويه لنا عن الرحله بعد عودتكم بمشيئة الله مايُفسّر ذلك 0000سفراً سعيداً وعوداً حميداً 0

[النادر]

المشاركة الأصلية كتبت بواسطة ابوسيفين

صح لسانك يابو عماد ، إنتظرتها كثيرا لكن تجي من الفلبين هذا اللي ماتوقعته ولعل فيما سترويه لنا عن الرحله بعد عودتكم بمشيئة الله مايُفسّر ذلك 0000سفراً سعيداً وعوداً حميداً 0

ابا حسام

والله انه اسعدني ان تكون انت اول القارئين لها

اما سؤالك لماذا من الفلبين فلا اريد تحميله الا مايحتمل واقول:(بلا اخوك العشب اللي لقيته هنا تتسدح فيه الخنازير تكرم ومحرومه منه عطايا الله ....لكن عسى الله يرزقنا ببكور وسم ونجتمع في ربيعه عندها )

تقبل كل احترامات اخوك

النادر

[سنا الهجرة]

ما شاء الله تبارك الرحمن
وش هذا الزين يابو عماد
مفردات بدوية عجيبة وسبك وحبك فريد

حقاً لقد أبدعت في هذي المعزوفة السيمفونية البدوية
صح لسانك وسلم بنانك
وترجع بالسلامة ونشوف التقرير عن رحلتك المباركة

[حسن حامد]

صح لسانك وعلى شانك
قصيده تستاهل اوسمه في موضوعها

[أبو عبدالرحمن]

والإبداع يتجدد لدى شاعرنا النادر

صح لسانك يا أبا عماد

لا عدمناك

[ِ~سےـمُو الروζ~ِ]

صح لسااانك

ابيات جميله وختامها اجمل

[النادر]

المشاركة الأصلية كتبت بواسطة سنا الهجرة

ما شاء الله تبارك الرحمن

وش هذا الزين يابو عماد
مفردات بدوية عجيبة وسبك وحبك فريد

حقاً لقد أبدعت في هذي المعزوفة السيمفونية البدوية
صح لسانك وسلم بنانك

وترجع بالسلامة ونشوف التقرير عن رحلتك المباركة

ياحي والله ابو عبدالله
الزين فيها انها ارتقت لذوائقكم
ابو عبدالله ولا عليك امر هناك خطاء مطبعي توني افطن له ياليت تغيره وهو
كلمة (دهرمت والصحيح درهمت .قاتل الله العجله) اكون ممنون وشاكر

النادر

[النادر]

المشاركة الأصلية كتبت بواسطة حسن حامد

صح لسانك وعلى شانك

قصيده تستاهل اوسمه في موضوعها

صح بدنك يابو حامد ولاتهون

ووسامها الحقيقي هو مرور الاحبه العذب

النادر

[النادر]

المشاركة الأصلية كتبت بواسطة أبو عبدالرحمن

والإبداع يتجدد لدى شاعرنا النادر

صح لسانك يا أبا عماد

لا عدمناك

ابو عبدالرحمن

الله لايحرمنا من هالطله ولمسات الوفاء الراقيه

النادر