انا ياصاحبي

[الذيب]

انا ياصاحبي انا ياصاحبي انا ياصاحبي انا ياصاحبي انا ياصاحبي

بسم الله الرحمن الرحيم
ولكن تدري بعذري وأدري والخوي داري


[POEM="font="Simplified Arabic,5,white,bold,normal" bkcolor="transparent" bkimage="images/backgrounds/26.gif" border="none,4,gray" type=2 line=0 align=center use=ex num="0,black""]
وربي يالخجل منّك بقلبي يترس العالم=لأني واحد مقصر معك وأتقبل اعذاري
من التقصير ماتلقى أحد ياصاحبي سالم=ولكن بالعذر تدري وأدري والخوي داري
بغيتك بس لك صاحب مايبغاني الحالم=بغاني طايع لأمره لقيني عنه متواري
وأنا لو صار مهما صار أحب الخير ومسالم=ومن يطلب لحقه ثار ماأبغى انا ثاري
وش اللي صار ياعدنان ربي وحده العالم=غدى الشاري هو البايع والبايع هو الشاري
أبيك تدلني تكفى عن المظلوم والظالم=أبيك تعرّي اللابس وتكسي عورة العاري
وأنا ياصاحبي تدري عزيز النفس و أعالم=وصوتي يرتفع عاللي يحاول يهدم اسواري
وبيت العز وأسواره تعاف مجاور الظالم=لأن العز في دمي جرى و أوصافي بجاري
[/POEM]

[موسوس ضد الشعب]

صح لسانك يالذيب والذيب مع الذيب يسيرون ذياب الله ياشاعرنا
طول عمرك ذيب والله قريتها يا اخي الكريم اكثر من مرة
يعني تقدر تقول 6 مرات بس ستر مرااات انما ايه مزمزه
جلست افصفصها لكن بيض الله وجهك قصيدة موزونة ومقفاه ومتناسقة
والحبكة جدا جميلة بحيث صورت مقدار خجلك بكثرة ملو العالم من ماء او اي شي اخر
تقبل مروري العطر وانتظر جديدك على احر من الجمر امواااا بوسة على راااسك يالذيب

[أبوخالد]

صح لسانك وعلا شانك يالذيب

[@ بن سلمان @]

صح لسانك يا لذيب

[لاتقرب الذيب]

>اسم على مسمى ياذيب وانا اشهد انك شاعرمن كل الاشعار<

[شـ الروح ــذى]

صح لساااانك يالذيب وسلمت يمناك

[النادر]

الذيب واحساس نازف وفكرة جديده

النادر

[خلف بن عبدالعزيز الثمالي]

كفو يالذيب
صح لسانك مليون ولا يكفون

دم بخير

[هيكل]

صح لسانك يالذيب
قرأتها أكثر من مره ,وكل مره ودي ارد
وماأقول غير والنعم فيك
دم بخير أخي

[سنا الهجرة]

صح لساااانك شاعرنا الذيب
شاعر جميل وما فيك حيله