منقاش الطماع الارفل / الحلقه ألثالثه .

[منقاش]

منقاش الطماع الارفل / الحلقه ألثالثه . منقاش الطماع الارفل / الحلقه ألثالثه . منقاش الطماع الارفل / الحلقه ألثالثه . منقاش الطماع الارفل / الحلقه ألثالثه . منقاش الطماع الارفل / الحلقه ألثالثه .

يا نديبي تحزب توصل لبكاش ,,,,,,,,,, رساله تقل له: عليه يجيني غباش
وقله نحالك تقدع في الاخشاش ,,,,,,,,,, فوق الزهور المزاين ما هي خشاش
والطير روح يبني في الاعشاش ,,,,,,, والصقر يهوي عليها وتغدي طشاش
يا حليفي علومك غدت ماش ,,,,,,,,,, روح نحيلك مع اللي يليم خياش
ألحق القدر ربت تحصل كراش ,,,,,, ولن فاتك اللحم منته بخاطي ألمشاش

هذي ألأبيات مطلع حدايه (قصيده) عدوها ألعراف من عيون الشعر, مكونه من ميتين وثلاثين بيت على عدد خلايا النحل , أرسلتها على بكاش وقلت له فيها أن ألنحل سرى عليه حراميه وسرقوه , واني أشك في حرامي مصبح ما يوفر حتى الخياش مسمينه الجماعه مليم خياش ,, وحددت له موعد في يوم جاني فيه لقدره وحتفه ..
جاء المسكين ومسكوه جيراني من يد نشيط ليد أنشط , وكان يا دافع البلا وهم يدهكون فيه له غويث وفغير , ومصيبته أنه ما كان يدري ويش السالفه وويش ذنبه ,, واول من أفترى فيه ألعدو أبو هاشم ومعه رويعي الغنم وفشوا فيه غلهم وبردوا كبودهم من اللي سارللثور والعنز (يحسبونه هو أللي جهرها) ,, وعن ما بلغني أنهم ما أمهلوه حتى يعلم لهم عن سبب مجيه والا حتى يرد السلام عليهم , (يعني شغل حامي ووجبه سريعه) ,,, وبعد أشبعوه ضرب كتفوه ثم نتفوا شنبه شعره شعره , ثم كواه رفيقنا (ما عندكم أحد) بالميسم في مكان حساس (يعني خصايه) ,,, والغلس الثاني أللي قريب لي بكاش # أدخل في أذانيه خنافس (عيال أبو جعرانه) حتى ما عاد يرقد ويجيه الخبال والهبال ونكادة البال.
الزبده : غاب الرجال ولا عاد شفناه , أظنه أنخبل أو حصل له عاهه نفسيه ,,, أما النحل نزلت فيه البركه وحصلت منه خير واجد وتصدقت منه على ناس كثيرين أغلبهم أعضاء في منتداكم ما أحب أذكر أساميهم حتى لا أبطل حسناتي بالمن , وأهديت منه كم خليه لواحد من أهل جلان الفير (شاعر) تكاثرت عنده وبسببها اليوم مسوي نفسه نحال ونسي أنه لو ما منقاش ما عرف النحل ولا طعم العسل...
بعد مضى عشر سنين أهديت على واحد من الدكاتره (صاحب لي) قدر عسل, وقال لي : يا منقاش سير عليه في المستشفى اللي على الخط الدايري عساني أسوي لك كشفيه وتحاليل أرد لك بعض جمايلك ,, قلت : سعدك بي ,,, بس تراني ما عمري رحت للمشتشفيات أخاف يطلعون لي حاجات مدفونه وانا أحب العلوم تبقى مدمدمه ولا أحب الفتشه والنخبسه ,,, بعد أيام رحت له ونومني ليله وفحصني واخذ عينات للتحاليل ثم مرني اليوم الثاني وبغى يخرجني ,,, كنت أتشربطه وامسكه بكرفتته واربطها بهاك العقده اللي ما تنفك , وقلت : تكفى يا دكتور , هذا عاني الله ثم عانيك أنك تخليني أسبوع منوم أبتحيل في هالممرضات والدكتورات أربني أصايد واحده والا ثنتين منهم يقبلون يتزوجوني وأخلي نهار خروجي قرى وفرح (حفلة زواج) ,,, ما قصر وافق ,,, وبعد يومين قد طلعت النتايج ولخبطوا ملفي مع ملف مريض ثاني عنده فنزويلا الطيور ,, ولا دريت هاك الصبحيه ألا وأكثر من عشره دكاتره داخلين عليه حاطين اللثايم (كمامات) على أفمامهم وخنافرهم , وكانت وجيههم ما هي زينه ودكتوري ما هو معهم , (قد سافر يكشف على ملكة الانجليز) وقالوا : يا منقاش , أنت وش عندك من طيور في البيت؟ , وويش عندك من حيوانات ؟؟. قلت : من الطيوركان عندي عشر دجاجات مات منهم ثنتين وبقي ثمان وديك أعرج , وعندي حمام ما عديته , وعقاب وبومه ورجالها ,,, ومن الحيونات خمسه كلاب وثلاثه جريه وحمار وثورين وبقره دافع وخمس حسايل وثلاثه جمال وميتين راس من الغنم والماعز, ومقرى نحل فيه أكثر من خمس مية خليه ...
قالوا : هذا بلاك ,, وأنت هالحين نبي نوديك الحجز حتى لا تعدي خلق الله , وحيواناتك نبي نرسل لها لجنه تقتلها كلها وتحرق فيها وبعدين أنت تدفع أيجار قتلها وتحريقها , وان مت لا تخاف ياخذونها من تركتك ,, الا النحل يبقى لك ما لنا فيه غرض ... كنت أصيح : واااامعورتك يا منقاش معورتاه ,, ويش هالبليه , وويش ذنبي يا قلال الخاتمه ؟؟ وويش ذنب حماري المسكين وباقي البهايم المساكين ؟؟. ردوا عليه وقالوا : يا منقاش ليت مشكلتك حدها البهايم وبس ,, المشكله أنك مايت مايت وابكي على نفسك وانسى غيرك ,,, أنت رجال مريض بفنزويلا الطيور , ويمكن ما بقي لك في هذي الدنيا ألا أقل من أسبوع ,,, بس أكتب وصيتك وتجهز تراك ماشي ماشي ... كنت أنفك بالبكاء ,, قال دكتور مصري منهم : بس يا عم منئاش بلاشي تعيط ,, شد حيلك وخليك راجل , كلنا حنموت ,,, رديت عليه : يا دكتور , الموت هم لكن ذنوبي هموم أكبر,,,, تكفون دلوني كيف ألسواه ؟ , هذا دعاء بكاش عليه ,,, وتكفون يا دكاتره قبل أموت خلوني أروح الديره أشوف لي دبره واوصي واستاصي؟؟ , قالوا : لالالا , ممنوع خروجك حتى لا تنتقل منك العدوى لغيرك ,,,, لكن حاول تكتب وصيتك , وترى الوقت معك ضيق وحاول تعجل ...
أخذوني لمكان الحجز وحطوا العسكران على باب الغرفه ,, وقالوا : نبي نعيد لك التحاليل ,, لكن ألأمل قليل وانت مايت مايت .. واعود أرسل على أبو هاشم وابو أمجد ولا جوني ألا بعد يومين , ومن يوم شافوني وهم منفكين عليه بالطلايب , يقولون : يا وجه الشوم أنت ويش سويت في نفسك وجيرانك ؟؟ , قلت : يا ناس بطلوا ألشماته وعلموا لي وخذوا مني وصيتي .. قالوا : أنت ما دريت أن الحكومه جاتنا بسببك واول ما قتلت حلالك وطيورك ثم بخوها بالقاز واحرقوها , وبعدها عودوا على حلالنا وطيورنا والحقوها بحقتك؟؟ ,, أنت يالماخوذ ويش سويت في نفسك وويش سويت فينا حتى فقرتنا؟؟.
قلت أول أكتبوا وصيتي وبعد تكتبونها أحطها عند الدكتور حتى تاخذونها أن مت , وان بقيت حي الحي يتقلب ,, كتبوا الوصيه وكان منها : أن مت أعطوا نحلي لبكاش وزيدوه من واديه اللي يرضيه حتى يسامحني , وصدقوا عني بثلث بلادي على المساكين بدال الزكاه اللي ما عمري أخرجتها كامله , وبعد كتبوا الوصيه علمتهم بقصة العين اللي قتلت العنز والثور وانها مني وطلبتهم يسامحوني ويستسمحون لي ,, كانوا يثورون ويعدون عليه ويبتركوني يخنقون فيه , يبون يقتلوني الأنذال من القهر اللي بهم , ولا فكني منهم الا الحراس العسكر اللي هدوهم وقالوا لهم خلوا السعه في صدوركم , رفيقكم يبي يموت من حاله بدون تقتلونه وخلوكم بعيد عنه لا يعديكم ..
تفرقت عني كل الشياطين وراحت السكره وجات الفكره , وتذكرت ماضيه وندمت عليه كله وعودت أحيي الليل واصلي الفرايض اللي ثلاث ست واللي أربع ثمان , ونويت أعمل خير لو ألقى طريق واشرد من الحجز ...
بعد يومين جات نتيجه التحليل الثاني ,,, وتجمع المستشفى كله عليه واعتذر مني الدكاتره وبشروني أني سليم , وقالوا : سامحنا يا منقاش , الخطا من المختبر ما هو منا ولا منك , والتحليل ألأول لغيرك ,, قلت أسامحكم الله لا يسامحكم بشرط أنكم تعتقوني أخرج من هالسجن (الحجز) ... خرجت وانا ما أنا مصدق أنهم فكوني ولا أنا مصدق اني باقي على الحياه , وحلفت أني ما عاد أروح لدكتور ما بقي لي من عمر,, لكن يا حسره بعد أيش ؟؟ , بعد خراب روما , وبعد قتلوا وحرقوا حماري وكل حلاني ,, وبعد فضحوني مع جيراني وخلاني ..
بعدها شفت أني ما لي وجه أواجه جيراني , وهم ما عاد يطيقوني ويبون يذبحوني أن شافوني , عودت أرسلت راعي السواني باع بلادي ونحلي وجاب قيمتها لي ثم شردت عن ثماله عند قبيله ثانيه من ثقيف وذبحت معهم شاة الغرم وحالفتهم وشققت ورقة الوصيه , واشتريت بدال الحلال حلالا ثاني وبدال الحمار حمارا ثاني , وعودت في مكتلي المخروق وبطلت ألتوبه والوصيه بعد عرفت أني طيب وباقي لي في العمر أيام , وسلامتكم ..

ملاحظه : بعد هالقصه يبي يغيب عنكم رفيقكم منقاش كم شهر حتى يوم يرجع عليكم وخواطركم قد هدت ونسيتوا فضايحه ومناقيده معكم, وتشوقتم لسوالفه ,,,,, خلفي عليكم طيب , وسامحوني وانتم مسامحين...

[أبو عبدالرحمن]

عم منقاش...
أولا ً : الحمد لله على السلامة ...والله كتب لك عمر ثانٍ..

ثانيا : أوصيك بكثرة العبادة والعودة للصلاة مع الجماعة ـ تراهم مازالوا يسألون عنك ـ

ثالثا : الزكاة ...الزكاة ...لا تتأخر في إخراجها...ووصيتك لبناتك لا تحجب الوصية عنهم..

وأما العودة نريدها بسرعة ...تغيب عنا شهر ...كثير ..

[@ بن سلمان @]

اول علومك اللي بوقف عندها هو ما هو حرام عليك وش تبي بثورين لبقرة وحده ثم تقول دافع , طيب تعرف اللي هي دافعتبه الحين لايات ثور
وثانيها تراك ما تبعد وندري انك حول الحدان والرعيان يبون يرقبونك وما عندكم احد بياسمك ويكفر عن وسمة بكاش اللي بسببك والوصيه اللي كتبوها لك ابو امجد وابو هاشم معهم واللي تشيل فيها وقطعتها الوصفة حقت التحاميل اللي كتبها لك رفيقك الدكتورقبل ما يسافر
علومك علوم ودوبها استوت للدحس

[المشتاق]

منقاش
ياداخل مصر منك كثير

[منقاش]

أبو عبدالرحمن : الله يسلمك , ومشكور , ونصيحة من جرب لا تقف على باب دكتور والا ترد عليه السلام ..
وترى بلغني أن نص الموتى من قتلاهم , هذا غير اللي نسيوا في بطونهم أقلام وجوالات وبطاقات صراف , وغير اللي غلطوا فيهم وقطعوا رجليهم وهي طيبه بالغلط وتركوا المريضه والا تركوا المريض واخذوا غيره , واقواها يوم يغلطون وياخذون رجال يبون يولدونه ويتركون المره الحامل وراهم ..
أبن سلمان : مشكور , وبخصوص سعالك أجاوبك أن البقره تزوج بثورين والا أكثر لكن ثيراني واحد منها مخصي ,, واما باقي هروجك ما ناسبتني ولا أبغي أرد عليها , وترى الشماته ماهي زينه , شوف نتايجها في أبو أمجد اللي نطحه ثور ونشب قرنه فيه عودوا يخرجون راس الثور ويتركون القرن...
المشتاق : يا صديق أنا ما يفهم قرقر مالك , ومشكور على دخولك , وخذ بالك من الجوازات في قصور ألأفراح ..

[ما عندكم أحد]

اقول درب يودي ودري يجيب
والله لان شاء اني لشلوط لك اللي على بالك
وبعدين ما قلت لنا عن نحل المدير العام
لا تقول اكله القاري

[بن عواض]

الله يسلمك يا منقاش تري مانقدر علي غيبتك والحمد لله علي سلامتك لا توخر وابشر بالعوض وعساها قي المطاي واهل المطاي سالمين احنا كم عندنا منقاش ( امر وحنا نجيك نطامر )

[المبرِّد]

استاذ منقاش
الحمد لله على سلامك . والحمد لله انك طمانتني على أن نتيجة التحاليل الاخيرة كانت سليمة
لأنك الله يهديك اصبت البعض بداء الحميرة نتيجة اطعامك لهم لحم الحمير والجحوش
وطالما ان نتيجة التحليل عندك سليمة فالحمد لله
حيث اني راسلت بعض المختبرات الجينية وأخبرتهم ان هناك من اكل لحم الحمير! هل يؤثر ذلك على الورثة من الابناء .يعني هل الحميرة سيتوارثها الاجيال
فأخبروني بنعم.وقالوا الحل عدم الزواج من بعضهم بل لا بد من تغير السلالة كالزواج من الصين أو كوريا !
لكن بعد نتيجة التحاليل لديك . اتوقع ما في مشكلة

[الشيهان]

ياعم منقاش لا والله الا صاخ بليس

ليت والله هالفنزويلا تصيب بوش عساه يعود لرشده ويرد لنا القدس وبعدين يتعافى

اقول ياعمنا منقاش عود ترنا جيرانك وربعك ومسامحينك على حلالنا اللي دهكته اللجنه وهذي الاخطاء ماهي اول مره واحمد الله انهم مابنجوك كان قطعوا منك عضوا وبعدين قالوا اسفين ماكنا نبغاك المقصود غيرك

ويجيك مدير المستشفى ويقول امسحها في وجهى وهو يستاهل تلبي طلبه وكل واحد زيه هههههه

عموما انا عني مسامحك في ما راح واعز ماعندي حمار مثل حمارك بس عود ياشيخ والله فداك وطلتك علينا بمية حمار

تكفى لاتخلي ضميري يأنبني ترى عندي جلد الذات مقدم على كل ماسواه

[@ بن سلمان @]

اه من صحوة الضمير يا بو امجد
وجلد الذات حلوة
ذكرتني بالحساب المفتوح للموظفين والذي تفضلت بفتحه وزارة المالية لابراء ذمم موظفي الدولة
بس ترى جد ما نقوى مفارق منقاش وحماره ومعزة الحمار تراها من معزة صاحبه