حملة مليون رد

[حسن عابد]

الا ياقلب ياللي عايـش ابهمـك ثمـان اشهـور
تعيـش الهـم فالغربـة بليـلٍ مابـه اسراجـي
حداك الوقت ياقلبي علـى درب السهـر مجبـور
نجمك الليل يوم الليـل بالوحـدة كمـا الصاجـي
ليا ميّلبك الوقـت ورأيـت امـن الليالـي جـور
تصبّر واصطبر ياقلـب بعـد الصبـر مفراجـي
ترا قو اليقين اليـا ملكتـه صـار لـك دكتـور
يداوي جرح غـاور ماتلاقـي غيـره اعلاجـي
أنا الصابر وانا الراضي وانا اللي لابكـا معـذور
حزين ٍ ماصفـا جـوه تخالـط جـوه اعجاجـي
وجودي وجد شيخٍ عاش فاخـر دنيتـه مقهـور
بعد مـا ماتـوا اعيالـه ذرف دمـعٍ بهملاجـي
رأى من دنيته ذلٍ بعد ماعـاش عـز اعصـور
وعاش الخوف من عقب الشجاعة بين الافواجـي
انا اللي اكتم العبـرة واداري جرحـي المستـور
وامازح من يمازحني وجرحـي وسـط دولاجـي
انا اللي يضحك امع اللي ضحك والحزن به جاحور
غدا ضحكي مجَامَل لا حشـا ماهـوب مبهاجـي
ياكيف ابهج ومن خلف الضلوع اشكي ألم وحرور
ياكنّ الجمر هارب عـن رمـاده فالحشـا لاجـي
ترا ماكل من يضحك سعا فـي دنيتـه مسـرور
يقوله من حدر درب الشقا مـن بعـد معراجـي
يقوله من جناحه من صواديف الزمـن مكسـور
اسير الحزن كـن الحـزن طوّقنـي بالاسياجـي
يقوله من حنـت حالـه همـومٍ حنيـت الباكـور
يقوله مـن يساهـر ليلـه الدامـس بسوهاجـي
يقوله من بخص دنيا العنا جرّب وغاص ابحـور
مجرب ذاق حر الصيـف مـن دنيـاه منعاجـي
انا المجنون والعاقل انا المطلـق وانـا المأسـور
على امجاهد زمان الهول صبري صار منهاجـي
انا اللي بالعزيمة صابـرٍ بالكسـر انـا البابـور
ابصبر لين احصّل في بحـور الصبـر مخراجـي
وابجنح في حياتي ما أبـي شاهـر ولا مشهـور
ابجنح عن لجيج الخلق ماسمع منْهـم ازعاجـي
وابنهج حكمة الصمت الرزيـن ولانـي ابهـاذور
حشا مانيب واشـي فـي بيـوت النـم هراجـي
وابرحل في طريقي وارجي من الرب الاقي نـور
وادوج اليوم من حزنـي ولـو ماكنـت دواجـي
نعم بادوج دام الوقت مشهـر قدمـي الساطـور
نعم بادوج وايدوج الـذي بـه حـزن لجلاجـي
واببعد في دروبي ليـن الاقـي حتمـي المقـدور
فالارض او فالسما وّلا في بحرٍ بيـن الامواجـي
لـو خسرتـك ماخسـرت العـمـر .. والدنـيـا مـتـاع
وادري انـي لـو خسرتـك ماخـسـرت .. الا قلـيـل
بس فكّـر زيـن .. تعـرف مـن خسـر فينـا وضـاع
وتعـرف انـك لـو تلـف الارض .. وتــدوّر بـديـل
والله ان تبطـي .. ولــو لفّـيـت فــي كــل البـقـاع
ولـو تسـوّي وش تسـوّي ماانـت لاقـي لـي مثيـل
وين تلقى مثل شخصي شخص .. واطباعي طباع
وويـن تلقـى مثـل قلبـي قلـب .. او مثـلـي خلـيـل
البـشـر واجــد .. نـعـم .. لـكّـن فــرق الانـطـبـاع
يجعـلـك يـمـي تمـيـل .. ويـــم غـيــري ماتـمـيـل
يارفيـقـي .. انتـبـه .. واحـسـن الــيّ الاسـتـمـاع
للمواقـف دور فـي كشـف المـزيّـف .. والاصـيـل
وانـت ماقصـرت فيـنـي موقـفـك .. جــدا شـجـاع
طعنتـك فــي الظـهـر فـعـلا كـانـت اثـبـات ودلـيـل
بـيـضّ الله وجـهـك الـلـي سـاتـره تـحـت القـنـاع
ورايتـك بيضـا معـاي وياعـسـى عـمـرك طـويـل
يعني اعطيك الثقـة وتردهـا ب ((لـوي)) الـذراع
ياخـي ماشـاالله علـيـك ابـدعـت فــي رد الجمـيـل
مدري كيف اشكرك مدري كيف ارد الصاع صاع
كنت احسب انك عزيز النفـس .. تطلـع لـي ذليـل
كـم وانـا عيـيّـت اصــدق فـيـك قــدر المستـطـاع
من غبائي كنت اسكت واعذرك .. واثر الحصيـل
جــرح قـلـبٍ .. ميـزتـه فــي كــل يــوم الاتـسـاع
ودمـع عيـنٍ ينهمـر مـن ضيقتـي .. فـي كـل ليـل
والله انـي كـنـت احـبـك حــب .. واتبـعـك اتـبـاع
كنت لاجل ارضي غرورك بس اسوي المستحيـل
كنـت اعمـى فيـك .. لا لا .. كنـت مـيـت للنـخـاع
كنت مـدري كيـف؟ لكـن كنـت صـادق معـك حيـل
كنت امـارس فـي غرامـي لـك سياسـة الانصيـاع
وكـنـت لاغــي مـعـك فـكـرة اعـتـزل او استقـيـل
انـدفـعـت بـكــل مافـيـنـي .. وســــوء الانــدفــاع
يـجـبـر الانـســان احـيـانـا .. يـفـكــر بـالـرحـيـل
صدمـتـي فـيـك انــت .. خلتـنـي افـكــر باقـتـنـاع
ان قـتـل النـفـس راحــة لــو انــا كـنــت القـتـيـل
انفجـر راســي مــن التفكـيـر .. وازداد الـصـداع
كيـف انـا بفتـك مـن جرحـك ودوشــة قــال قـيـل
صرت سيرة في حلوق الناس .. وتالي هالضيـاع
انـتـحــر؟ مـعـقــول! يالله وش هــــذا الـغـلـيــل؟
رحمتـك يــارب لامــن ضـاقـت امنحـنـي وســاع
انـت حسبـي فـي الزمـان الجـايـر ونـعـم الوكـيـل
لاغـدى مستقبلـي والماضـي .. اطــراف الـنـزاع
وصفحـة الماضـي سـواد وشـي مـن هـذا القبـيـل
فـلازم انسـى لجـل انهـي بداخلـي هــذا الـصـراع
ولازم اتقـوى .. عشـان احـقـق النـصـر الجلـيـل
وطـالـمـا ان الـهـجـوم افـضــل وسـيـلـة لـلـدفـاع
مستحيـل ارضـخ لــو ان الحـمـل ياربـعـي ثقـيـل
والبخيـل اللـي نسانـي واشتـرى فيـنـي .. وبــاع
يـذلــف .. الله لايـــرده .. والله بـجـرحـي كـفـيـل
وان ســأل عـنـي وجـاكـم بـعــد فـتــرة انـقـطـاع
علـمـوه انــي نسيـتـه بــس انــي مـانــي بـخـيـل
طالمـا كـان السـبـب فــي قـوتـي .. قـبـل الــوداع
بلـغـوه اقـــل شـــي بـخـالـص الـشـكـر الـجـزيـل

[عااااااشقة المستحيل]

هلا بك يابعد عمري ياقلبي انت ياالغالي
........................ تهلي بي عيون الحب من اخر لياليها

*
تقول ارجوك لاتهتم انا في احسن احوالي
........................... تبسم لي وهي تمسح دموع العين بيديها

*

تقول الدنيا وش تسوى اذا ماشفتك اقبالي
........................ ابيع الكون لعيونك لجل لحظه معي فيها

*

تموت من الالم لكن تبي ماينشغل بالي
....................... الا ياناس ياعالم وربي من يساويها

*

وهلت دمعة عيوني بعد ماضاق بي حالي
...................سجدت ادعي بدون شعور الا يارب تشفيها

*


وقالت لو يشيلوني وعنك شدو ارحالي
......................... امانه يابعد روحي ابي روحك اوصيها

*



ابيك اجمل من الاول ابي كل ماتهيالي
......................... بعد موتي اشوفك مهتني روحي تهنيها


*


الاياطيبة الدنيا الاشمسي وظلالي
....................... نهاية روحي من قبلك عسى ربي يبديها


*

وشالوها بسرير ابيض وزاد الهم غربالي

........................... وضاقت فيني الدنيا وانا نفسي امنيها

*
وراحت تنتظر رجعه ودمع العين همالي

........................ الا لو العمر يعطى قسم بالله لاعطيها

*

وطاحت وردة من كفي وانا ماشي على فالي
...................... لقيت الشال في يدي يضمه قلب مغليها

*

جلست اراقب الساعه واانا ادعي ربي الوالي
.................... عسى ياربي يارحمن ياقادر تنجيها

*

انا من لي بالهدنيا واعيش اشلون بحالي
............... . .بعدها ماابي نفسي وحتى الناس مابيها

*
قسم بالله لو موتي يجيني قبلها اشوالي

............... ولاابي تبعد و ترحل وانا مااقدر اوفيها

*

وجو لي اربع اطباء وقلبي مشتعل صالي

............ امانه هاه قولو لي امانه وش حصل فيها

*

وقالو

وقالو

وقالو

وقالو

وقالو

وقالو

وقالو

وقالو البقاء براسك وصاب الارض زلزالي
............ تزلزل كل مافيني بكت نفسي وامانيها

*

ولاكني بهالدنيا صرخت بصوتي العالي

......... الا يامصعب الفرقي وروحي من يواسيها

*


عسى الرحمن يرحمها ويغفر اول وتالي
.........وعسى ياربي بالجنه بعد موتي الاقيها

\\\\\\\\\\\\\\\\\\\





وسلامتكم




قصيده للشاعربرجس المطيري

[صقر قريش]

اسعد الله صباحك

[حسن عابد]

اغرب من الصدفه تصادفت ويـاه
بنفس المكان اللي جمعنـا حبايـب
الصاحب اللي غير الوقـت مبـداه
وثقة فيـه وردنـي منـه خايـب
كتمت جرحي عنه في يـوم فرقـاه
سويت نفسي عن هوى البيض تايب
رغم الوداع اللي رفع فيـه يمنـاه
ضحكة له والقلب وسطـه لهايـب
لامادرى انه تل قلبي مـن أقصـاه
وأنه سبب هاك الجروح العطايـب
كتمت جرحي قلت يمكنـي أنسـاه
يمكن يطيب الجرح لاصار غايـب
واخذت أحاول شهر شهرين ويـلاه
توي شباب وعقبه الـراس شايـب
أثره نسى عنـدي ملفـات ذكـراه
ليا بغيت أنسـى تهـب الهبايـب
ضحكه ودمعه والسهر مع محيـاه
لاخالطك يالليـل شقـر الذوايـب
أمسى معي واليـوم ليلـي بليـاه
مصيبةٍ ماهيـب مثـل المصايـب
حتى بعد لقيـاه فـي يـوم لقيـاه
ماقلت هجرك حط فوقـي نصايـب
مشيت من عنـده ولكنـي أبغـاه
عزيز نفسٍ شاف منـك العجايـب

[حسن عابد]

العمر محدود و لا الوقت له دوره +++ و انا الى الحين و احزاني هي احزاني
و الوقت لو جار ماهمتميت من جوره +++ بدري على الوقت يامرني و ينهاني
شفني هنا و النجوم هناك منثوره +++ ان كان ماطلتها مانيب عرجاني
شاعر واحب الشعر واغوص فبحوره +++ كن القصايد تعزوابي و تنخاني
و الشاعر اللي لا غنى يفقد شعوره +++ يستاهل انك تجي لمشاهده عاني
و الجادل اللي معي بالصوت و الصوره +++ تاقف على باب فكري ماتعداني
كنها تردد بعون الله منصوره +++ و كنها تغذا على دمي وشرياني
احيان فيها عقل و احيان مطيوره +++ و احيان تخطي علي و تقول بلعاني
تضحك على لهجتي لاقلت ماجوره +++ و الحين صارت بلهجتنا تحداني
ماهي على الوصل ملزومه و مجبوره +++ تقرب و تبعد و تذكرني وتنساني
تقول كان الغلا في جوف سبوره +++ قم اكتب اسمي غلا ولا قم امحاني
لبى الغلا يابرنسيسه ياسنيوره +++ امن الغلا ماذكرت اسمك على الاساني
اخاف من واحد لادق لي زوره +++ قدام عيني والي من رحت يقفاني
يامطلعة شاعر الابداع عن طوره +++ الى متى و الخطا منك يتمثناني
تخطين واسامحك و اقول معذوره +++ اروح فيها لمن قلتي على شاني
القلب بستان و انتي اجمل زهوره +++ مايقطفك من خفوقي واحد ثاني
تربعي دام لك فالقلب مقصوره +++ و الله مانسى غلاك ان الله احياني

[صقر قريش]

سوف نواصل رحلة المليووووووون

[عااااااشقة المستحيل]

تمسوووووووووووووووووون على خير فالكم المليووووووووووووووووووووون

[صقر قريش]

م ل ي و ن

[حسن عابد]

يا(بـدر) لوهـي علـى كثـر القصايـد واللـحـون
كـان عينـي تهتـنـي بالـنـوم وأحــلام السـبـات
مير أنا والحظ الأقشر مـن تعاسـه فـي غبـون=
كـل ماقلـت (الجميلـه) وأنتبـه!! مـافـات فــات
قــال يـكـفـي لاتـلّـمـح!! ماتـضـيـق الأ تـهــون=
قلـت شفنـي حايـر!! وقلبـي عـروقـه يابـسـات
وحايـر ٍ بـيـن اليقـيـن الـلـي تبعـثـره الظـنـون=
وبين حلم ٍ كنت أحسبه صعب من كل الجهات
فاقـد ٍ لـي شـي مثـل الـلـي فـقـد مــال وبـنـون=
أو غريـب ٍ ضـاع دربــه والخـطـاوي تايـهـات
وقتي اللـي مـن عرفتـه ماعطـا غيـر الطعـون=
كـفــرّت زلاتـــه الـغـبــراء عــيــون ٍ فـاتـنــات
مادريـت إن العيـون تمـوت مـن حـور العيـون=
ليـن شفـت اللـي خذتنـي بالعـيـون الناعـسـات
لأقبلـت مثـل البـروق اللـي تكاشـف بالـمـزون=
ولأدبـرت كـن الليالـي فــي شعـرهـا عـاريـات
وآعذاب الطرف الأكحل من كسل ذيك الجفون=
وآعـذاب الـورد بيـن خدودهـا لأمـسـى وبــات
وآهنـي الليـل الأسـود لأنسحـب بـيـن المـتـون=
وآهـنـي الجـمـر الأحـمـر بالثـمـان المرهـفـات
رمشهـا لاسلهمـت بـه يتعـب الطـرف الحنـون=
وخشمهـا سلّـت حسـام ٍ فـوق شقـح العاديـات
والقـوام الـلـي تمـايـل مـثـل مـيـلات الغـصـون=
جملّه عنـق المهـا بأحـلا المحاسـن والصفـات
من رغدها يكتسـي ثـوب الستـر مـن كـل لـون=
وإن مشت بأقدامها بالهون!!! وين المترفات؟
ومـن حياهـا يكتسـب وجـه الحيـا كـل الفـنـون=
طاهره وأعذب من الماء لأنحدر وسط الفرات
لاطرت لي قمت أجر الآه مـن (ريـب المنـون)=
وقمـت أسامـر لأجلهـا كـل النجـوم السـاريـات
حالف ٍ ماغيرهـا إنسـان ٍ علـى روحـي يمـون=
هـي هنـاي ومقصـدي بـيـن البـنـات الآنـسـات
ومارضيـت بغيرهـا مـن جنسهـا مهمـا تـكـون=
مثل طفل ٍ ماتت أمه!!! عـاف كـل المرضعـات
شّيـدت بالقلـب حـب ٍ دونـه ضلوعـي سـجـون=
ماحـد ٍ يـوصـل لـقـدره لــو يـسـوي معـجـزات
والحبيـب اللـي تـرك بالقلـب تقـديـر وشـجـون=
الحـيـاه بــدون شـوفـه مثلـهـا مـثــل الـمـمـات
إن نسيتـه مانسـيـت إن الـغـلا يبـنـي حـصـون=
وإن ذكرت أول لقاء!!! ياحلـو ذيـك الذكريـات
لاهمسـلـي بالسـوالـف قـلـت ياحـلـو السـكـون=
وإن تبسمـلـي حجـاجـه!!! قـلـت يالله الـثـبـات
ياعظيـم الشـان ياللـي بـأمـرك الكـايـن يـكـون=
أجـمـع الشـمـل المـشـتـت بالـلـيـال المـقـبـلات
دام صـار الأمـر بيـدك بيـن كـاف وبيـن نــون=
حـقــق الـحـلـم ولـعــل البـاقـيـات الصـالـحـات
وياهـل المـعـروف يالـلـي للقصـايـد تطـربـون=
القصايـد فـي هــوى بـالـي تصـيـر (معلـقـات)
لي ثلاث سنيـن عايـش عيشـة اللـي تكرهـون=
غيـر تطويـع القصـايـد فــوق روس النايـفـات
والهـوى والحـب بلـوى مثـل مأنـتـم تعـرفـون=
وأدري إني من غلاها صارت لشعـري سمـات
وإن ذبحنـي حبهـا قولـوا لمـن بـعـدي يـجـون=
مخلـص ٍ حتـى النخـاع بحـب خلـه ليـن مــات
ماكتبـت الشـعـر والله لأجــل أدور لــه زبــون=
ولاكتـبـتـه لأجـــل أدور معجـبـيـن ومعـجـبـات
يكفـي!! إنـي لا كتبـت الشـعـر تـقـراه الفـتـون
لاعجـبـهـا كـنــي مـحـصـل كـبــار الـجـايــزات =
أحتسيـت العـلـم والصمـلـه ولــو فيـهـا ديــون
صملـة اللـي يــوم صـمّـل منتـحـر بالطـايـرات =
دام مالـلـوقـت مـنّــه ودام بـعـثــرت الـظـنــون
ودام حـظـي فــي طريـقـه للصـعـود وللـثـبـات

[ابوعزام]