ثرمده من هنا وهناك 4

[المنديالي]

المشاركة الأصلية كتبت بواسطة ~ملاك الروح~

منديالي أنا فقط اشرح لكـ التوقيع << فيلسوفه ..

يامرحب ياملاك

اشرحي وتفلسفي على كييفك واللي مو عاجبه ينتف حواجبه حتى لو انا

............

سنا يحسب اني زعلت من رده بموضوع التعادل حق الاتحاد موضوع بنت ثماله ( ثماليه والعز لها بعد ) ياخوفي اكون خبصت بالاسم لاني اعتمد على الذاكره والذاكره بعد سهر البارح مدري وش صابها .
" فاصل هجوله "لي سنين ما سهرت لين الفجر والبارح اقصد اليوم سويتها , وعلى سيرة السهر سبحان الله الواحد وهو عند اهله ينام بدري 10 بالكثير واول مايستقل ويشوف نفسه يعني انه صار رجال يبي يسهر مايدري ان السهر ماهو زين في تقرير قريته مدري من جابه لنا يقول ان النوم اذا ما كان 6 ساعات يسبب امراض بس احنا والواحد شباب ومراهق يقول كل هذا كلام فاضي يعلمني شايب جلست معه مره يقول ياولدي سن المراهقه الواحد في نيته انه ما احد قده وعلى قولهم ( يا ارض انهدي ما عليك قدي ) وفي الثلاثين يبدى يفكر بالمسؤوليات الي عليه وبالاربعين يركد وان كان ما انتبه من بدري ضاعت عليه فرصة تأمين ما ينفعه في اخر ايامه ويقال ( ولد الشارب للحية وولد اللحية للشيب وولد الشيب للخلا ) اللي مافهمها يقلنا نشرحها " رجعنا هروله" سنا يحسب اني زعلت مايدري ان اخر مايزعلني الكوره وليس لي منها الا المناكشات الخفيفه ولا ادري ان في النهايه الجوائز بتروح لهم وحنا ضغط الدم ( سامع يا ابو خوله )

[أبو خولة]

سامع والله سامع

وتراها ماتقدم عندي ولا تأخر بس حبيت اناكفكم شوي,,,

واعلمكم تنتبهو لفريقكم اول ثم تقيمو الفرق الأخرى,,,

والله ما في يوم تعاملت مع احد عشانه يشجع فريقي ولا يشجع غيره,,,

شوفني الحين.. احب الناس لي بالمنتدى المنديالي ولا في يوم غيرت نظرتي لك بسبب انك اتحادي..

ولا في نفسي على احد ذرة من حقد سواء تكلم بفريقي ولا ما تكلم,,,

لكن شوف غيري بمجرد انك تمدح فريقك وتدافع عنه اعتبرك من الد اعداءه,,,

اما انا لا تزعلني لا كوره ولا غيره اذا ما الواحد انتقدني انتقاد منطقي لوجهات نظري ..للبناء والإصلاح ..ما هو للمهايط ...

بعدين اشوفك تقول شباب ومراهقة يعني بتعلمنا انك باقي كتكوت
وصغير بالسن ..يعني اني صغيٌر....

[واقعي جدا]

المشاركة الأصلية كتبت بواسطة المنديالي

بامرحبا ياواقعي
شرفت ولا كلفت
وبما انك واقعي جدا فوش رايك تقلنا وين الواقعيه في زمنا الاقشر هذا وهل من الواقعيه اني القى كيس السكر اليوم بــ 52 ريال الــ 10 كيلو
مره اخرى فرحنا بوجودك واسفرت وانورت واسفهلت وامطرت

حياك الله يا مرحب وفي حلال الكرام ما من كلافة
في الزمن الأقشر إن ما تأكل على ضرسك لن تنفع نفسك
يعني ممكن نغير من طريقة حياتنا
أولاً .. السكر شر وما يجيب إلا أمراض وسمنه وودي إن العشرة كيلو ب 60 ريال
لو نبطل من الحلويات أو نخفف منها على الأقل كان خففنا ووفرنا
تخيل صينية حلا عليها مقادير كاستين سكر , يا دافع البلا
جرب تشرب الشاهي من البزبوز وهو مر وإلا حلا وسط

وإذا تشكي من غلا الرز .. بدل ما تطبخون 3 كاسات رز و ترمون الباقي جرب تطبخون كاستين وتلعق الصحن وتحصل بركته
أشوفكم رياضين وتلاحقون الكورة وما ادري وش تنصحني ألحقها وراكم وإلا لا ومن ترشح لي الحق وراه

مر من هنا واقعي جدا

[المنديالي]

قابلونا بالخامسسه