محمد العجمي وحسن عابد

[حسن عابد]

محمد العجمي وحسن عابد محمد العجمي وحسن عابد محمد العجمي وحسن عابد محمد العجمي وحسن عابد محمد العجمي وحسن عابد

محمد العجمي

مرحـبـا ترحيـبـة عــد مـاهـل الـهــلال

وعـد الايـام وشـهـور السـنـه وليالـهـا

ياحسـن وانتـوا كمانـا تخيلـون الخيـال

مـــار بالله بـالـزيـادة بـوبــل خـيـالـهـا

حسـن عـابـد

البقا ياللـي ترحـب علـى سبـل الرجـال

عـد مـالاحـت بــروق السـمـا بخيالـهـا

ياعضـيـم الـمـلـك يـاربـنـا يـاذالـجـلال

ابسط ارزاقـك علـى الواسعـة وجبالهـا

محمد العجمي

نسمع علـوم العـرب لاحـرام ولا حـلال

والعرب ماهي سوى الوانها واشكالهـا

الرجال اهل الغنم والرجال اهل الجمـال

يـرحــم الله حـالــك ويــرحــم حـالـهــا

حسـن عـابـد

العـرب مابيـن شـك وريــب واحتـمـال

وانــت يامفـتـي الـديـر ويـنـه حلالـهـا

حالنا مـن حالكـم هـذا حـال وهـذا حـال

بـاديــه والـبـاديـه مـالـهـا الا رجـالـهـا

محمد العجمي

ياحسن عابد مادام الك عـم والـك خـال

اعتمـدهـا كــان بــه واحــد قــد قالـهـا

والهلالـي مبتلـش بلشـه مـع ام العيـال

كـم يبـي يعطـي لاجلهـا ولاجـل عيالهـا

حسـن عـابـد

اعتمدهـا لـيـه ياصاحـبـي هــذا مـحـال

كـم وكــم يمـنـاه مــدت لـنـا وشمالـهـا

ابتسم في وجهها مع شويه مـن الـدلال

والعـلـوم الباقـيـه جعلـهـا فـــي فـالـهـا

محمد العجمي

ياحسن احسن من اول ومابه من جدال

يـوم فـي جيـب العـرب مايطـب ريالهـا

العـرب قـد قالـت الفـال يقـفـاه العـقـال

الله يـقــرب لــهــا فـالـهــا وعـقـالـهـا

حسـن عـابـد

الالف واللام والجييـم بعـده حـرف دال

جـارت الحملـه وهــو مـاقـدر يشتالـهـا

من يدبل طاح خشمه وهـذا اكبـر مثـال

الـسـمـا ياكـبـرهـا مـابـهـا الا هـلالـهـا