الا يحق لي بعد كل هذا ان اسميها استراحه البخلاء

[ابوسيفين]

الا يحق لي بعد كل هذا ان اسميها استراحه البخلاء الا يحق لي بعد كل هذا ان اسميها استراحه البخلاء الا يحق لي بعد كل هذا ان اسميها استراحه البخلاء الا يحق لي بعد كل هذا ان اسميها استراحه البخلاء الا يحق لي بعد كل هذا ان اسميها استراحه البخلاء

[
لفيتكم من يوم الربوع من سفر طويل وبعد دعوه ضنيتها صادقه من بلا حدود ل ولا لقيت منكم ولا مشبب لابارك الله فيكم يقول حياك الله ماغير الله لاياثمني زله طرف لسان من شيخكم بغى يبلع لسانه بعدها على طول ، قلت يدكتور يبرقعها العاقل بلا حدود واثاريه على اسمه حتى في البخل ،قلت ماتفوت على المدير ، وان غفل عنها ماتفوت على المراقب ولا على ويش معطينه كل ها الاوسمه لكن لاحس ولا رس ،قلت ياولد مبقى امل الا في المخاوي لكني واجهت لي واحد قالي اخصرك منه انا اللي اعرفه ، وترى على ماقيل البيض الفاسد يدردب على بعضه ،قلت ياولد درج رجلك شوي يمكن تلقا من يرفا خلتهم مهما كان هذولا جماعتك وان ماسترتهم من يسترهم لكن انقطع املي يوم سمعت شايبن يقال له مدهش يسولف لشايبن ثاني معه عن استقبال شيحهم ابو حمار لهم وانتم تعرفون السالفه كلها قلت ياولد ان الابيات الجايه يمكن مقيوله في هذولا الشله

قوم اذا استنبح الاضياف كلبهم 0000000قالوا لامهموا بولي على النار

فتمنع البول شحا ان تجود به0000000ولا تبول لهم الا بمقدار

والاسلم الرحيل من اول المشوار لااتنقد معهم ولايتنقدون معي ولا يعدونى برفالتهم وبخلهم واضيع المعرفه اللي تغربت لها كل هالسنين ،ولاتلوموني تروني على ماقال الشاعر

أعرف الدروس و كل الرموس ... و أدل الـمـوارد بـلـيـّـا عــلايــم
أقـول النصايح و أعـد الفضايح ... عن اللي فعلها و لا أخاف لايم[/

[منقاش]

يالله اليوم مسا خير , أمسينا وامسى الملك لله , نعوذ بالله من عيال الحرام ومن بنات الحرام .
قبل أرد على التختور مشعان أبي أتعلمكم يا وجيه الرفاقه والعواني عن هالرشان والرعود والمحسه اللي كل عشيه , ويش جاكم منها يالأجواد من أمطار ؟,, وابغي اللي ما جاهم أمطار وديارهم مدهوره وممحله من سنين يتفقدون أنفسهم ويعرفون أنه ما نزل بلاء الا بذنب واكبر ذنب يمنع القطر من السما هو منع الزكاه .
أقول يا قلال الشيمه والخاتمه يا حنشل ياللي ما أنا قايل تفقدوا أنفسكم وزكوا أموالكم واستغفروا ربكم وردوا المظالم على أهلها وتوبوا توبه صادقه وناصحه من قلوبكم واستقيموا على الطريق الصحيح ثم بعدها خذوا لكم كم جلمده واستغيثوا بها عسى الله يقبلها ويتجاوز عني وعنكم .
وبعد هالعلوم أعود على دكتورنا مشعان واقول : المعذره يا دكتور أنا في اليومين اللي راحت مش ولا بد ودخل رزي بصل والرياجيل شالت توقيعي وبالشفاعات والرفاعات ردوه لي بعد تدخل أهل الخير شروايه أنا واياك , وبعد أخذوا تعهد شديدعليه ما عاد أحوم على الشرافه والا أقترب من المشرفين .
واليوم يا يدي فكي حلقي ومن قرصه الداب خاف من الحبل ومستعد أواجه حتى أسرائيل وامريكا الا المشرفين فهم عيوني وتاج راسي واللي يرشهم برشة مويه أرشه برشة دم حتى لو كان أبو زيد الهلالي .
وان كنت رجال حكيم فخلي أخبث ما منك آخر ما منك وادخل الأستراحه بهدوء واعطي آيات الولاء والطاعه أول لشيخها الشيخ منقاش ثم كون لك أحلاف وشله ثم أذا نويت الشر أول ما تبتدي بالضعيفين دجاج الأستراحه مثل المخاوي واضرابه ثم حول بعدهم على النطيحه وما أكل السبع وانت طالع ولا تفكر في المواجهه مع المشرفين الا بعد تعتثي في عباد الله يمنه ويسره وتثخن في القتل واذا أنتهيت منهم كلهم مشرفين واعضاء تعال سلم على الشيخ منقاش حتى يسلمك مفاتيح منتديات ثماله اللي لها عندي خمس سنوات ما لقيت كفو أسلمها له .
وقبل أنهي جوابي أبغي أعرف أنت دكتور بيطري حتى أعالج حماري عندك والا دكتور بشري واخليك تخصى لنا كم واحد من اللي على بالي والا من الدكاتره الهراجين اللي على قول أهل الشام لا هيك ولا هيك , وسلامتي أنا واياك ...

[@ بن سلمان @]

حياك الله يا دكتور مشعان تحية المطر اللي على ديار منقاش إنهمر بعد أن أخرج زكاة ماله وكسابها عياله , وخلنا من بلا حدود ومناسيب الجدود , خلنا في منقاش اللي فشلنا معك و لا ضيفك وباشرك بالسمينة و القصيد جعل فاله في ثفاله , وبعدين لا يغرك بمفاتيح الاستراحة تراها وهم مثل مفاتيح الجنة أو صكوك الغفران .

[مخاوي منقاش]

الاخ السميع سعادة الدكتور مشعان(الظاهر انها بالشعر البدوي)لان لا يليق بمشعان الا الشعر النبطي او كما قال الخبيث منقاش بيطري بس بالابل وتكرم عن الحمير000
اولا منهو الي سبني عندك ان كان من الرجال اللي لهم وزن اجتماعي فحنا عرفنا نتصرف وان كان من طبقة ابو 10 الاف وتحت اتركهم , ماينفش ريشه الا هالطبقة ذوي الدخل المحدود وهالي يرز نفسه على الطاوله ويكلمك من وراء خشمه وطول النهارقال الاهلي قال الزعيم وشاهي وراجعنا بكرى واذاطلع للبيت لمار نفسه على راس خشمه (يعني اني انجزت) بسرعه جيبو الغداء وينام لين تغاب الشمس فهذولا لايهمونك حتى لو انك منهم00
واما الاستراحة فيدخلها خلق كثير والمفروض تصير ذيب تشق الرجال نصين وتسوي صخب مثل بلا حدود ماله كم يوم وشهرته فاقت شهرة راعية شاطر شاطر000

[@ بن سلمان @]

المشاركة الأصلية كتبت بواسطة مخاوي منقاش

شاطر شاطر000

أوب أوب

[مدهش]

سمعت شايبن يقال له مدهش

العاير الباير دكتور مشعان لا حييت ولا بييت من يومك كبرت سني يا الشايب العايب
أنا يوم أنت تردد في البهم أمي تقول أنها دوبها ضوت على أبويه
يعني وين انا ووين أنت
وبعدين لا تدخلني بين البصلة منقاش و قشرتها المخاوي أنا يالله يالله السلامة

[ابوسيفين]

المعذره يا دكتور أنا في اليومين اللي راحت مش ولا بد ودخل رزي بصل والرياجيل شالت توقيعي وبالشفاعات والرفاعات ردوه لي بعد تدخل أهل الخير شروايه أنا واياك , وبعد أخذوا تعهد شديدعليه ما عاد أحوم على الشرافه والا أقترب من المشرفين .
واليوم يا يدي فكي حلقي ومن قرصه الداب خاف من الحبل ومستعد أواجه حتى أسرائيل وامريكا الا المشرفين فهم عيوني وتاج راسي واللي يرشهم برشة مويه أرشه برشة دم حتى لو كان أبو زيد الهلالي .

لاتعلمني انك مانت على بعضك ،أنا من يوم طبيت هذي الاستراحه وانا شايفك ملطشه للي يسوى مثلي واللي مايسوىوامثالهم كثير وانت ابخص بهم ،وانا يعلم الله ان أول ماحطيت في خاطري الفزعه لك لكن شي يترقع وشي مايترقع ،اما الربع اللي انت ترقف من الذرقه منهم مالهم عندي حساب ولايحزاهم الا اللي مشييخينه مثلك ولا متصدقين عليه بكم نجمه مثل مخاويك الله لايذلنا0



وان كنت رجال حكيم فخلي أخبث ما منك آخر ما منك وادخل الأستراحه بهدوء واعطي آيات الولاء والطاعه أول لشيخها الشيخ منقاش ثم كون لك أحلاف وشله ثم أذا نويت الشر أول ما تبتدي بالضعيفين دجاج الأستراحه مثل المخاوي واضرابه ثم حول بعدهم على النطيحه وما أكل السبع وانت طالع ولا تفكر في المواجهه مع المشرفين الا بعد تعتثي في عباد الله يمنه ويسره وتثخن في القتل واذا أنتهيت منهم كلهم مشرفين واعضاء تعال سلم على الشيخ منقاش حتى يسلمك مفاتيح منتديات ثماله اللي لها عندي خمس سنوات ما لقيت كفو أسلمها له .

اما الحكمه فانا باسألك ليا منك بغيت تذبح لك (((000))) انت تقطع راسه اول ولا كراعينه؟

وقبل أنهي جوابي أبغي أعرف أنت دكتور بيطري حتى أعالج حماري عندك والا دكتور بشري واخليك تخصى لنا كم واحد من اللي على بالي والا من الدكاتره الهراجين اللي على قول أهل الشام لا هيك ولا هيك , وسلامتي أنا واياك ...[/QUOTE]


والله يبن الحلال الطب تقدم والعرب ماعاد تركز على التخصصات مره وان كان احد موذيك انت والا ربعك ابسنعه حتى لو كان حمارك ، وسالفه حنا يا حنشان لاعاد اسمعها على لسانك ،وسلامتي

[ابوسيفين]

حياك الله يا دكتور مشعان تحية المطر اللي على ديار منقاش إنهمر بعد أن أخرج زكاة ماله وكسابها عياله , وخلنا من بلا حدود ومناسيب الجدود , خلنا في منقاش اللي فشلنا معك و لا ضيفك وباشرك بالسمينة و القصيد جعل فاله في ثفاله , وبعدين لا يغرك بمفاتيح الاستراحة تراها وهم مثل مفاتيح الجنة أو صكوك الغفران .[/u]



كل باب وله مفتاح يابن سلمان ،لكن وش تسوي فالرخوم اللي مايعرفون العلوم ، عموما مابعد الشحاده كرم ،وانا أعرف انك مانت فاضي قاعد تعد فنجوم الفلس وريشه الديك اللي تحتها (( على ذمه منقاش )) ويومنك ماقدرت تقارع الشيخ الحجه بالحجه --بفتح الحاء--رحت تقوى على توقيعه تحسب ان العرب مانقدوك 0

[ابوسيفين]

المشاركة الأصلية كتبت بواسطة مخاوي منقاش

الاخ السميع سعادة الدكتور مشعان(الظاهر انها بالشعر البدوي)لان لا يليق بمشعان الا الشعر النبطي او كما قال الخبيث منقاش بيطري بس بالابل وتكرم عن الحمير000
اولا منهو الي سبني عندك ان كان من الرجال اللي لهم وزن اجتماعي فحنا عرفنا نتصرف وان كان من طبقة ابو 10 الاف وتحت اتركهم , ماينفش ريشه الا هالطبقة ذوي الدخل المحدود وهالي يرز نفسه على الطاوله ويكلمك من وراء خشمه وطول النهارقال الاهلي قال الزعيم وشاهي وراجعنا بكرى واذاطلع للبيت لمار نفسه على راس خشمه (يعني اني انجزت) بسرعه جيبو الغداء وينام لين تغاب الشمس فهذولا لايهمونك حتى لو انك منهم00
واما الاستراحة فيدخلها خلق كثير والمفروض تصير ذيب تشق الرجال نصين وتسوي صخب مثل بلا حدود ماله كم يوم وشهرته فاقت شهرة راعية شاطر شاطر000

ان كان باقي لي أمل في احد فترى ماهو فيك ،لانهم يقولون من جاور الجربا على الحول يجرب،ويكفيني انك خوي اللي بالي بالك ،ونت اللي ماخليت مكان الا وسبيته فيه ،وبعدين انا لو ابناظر للخشاش ماكان بديت بالقيادي ،واحنا على ماقال كلنا عيال قريّّّيه وكل يعرف أوخيه0

[ابوسيفين]

المشاركة الأصلية كتبت بواسطة مدهش

العاير الباير دكتور مشعان لا حييت ولا بييت من يومك كبرت سني يا الشايب العايب
أنا يوم أنت تردد في البهم أمي تقول أنها دوبها ضوت على أبويه
يعني وين انا ووين أنت
وبعدين لا تدخلني بين البصلة منقاش و قشرتها المخاوي أنا يالله يالله السلامة

اما انت يامدهش ماتضن اني قائل لك







[glow="cc0000"]بعد ان قرأت الابيات التي دونتها بتوقيعك أقول الله يخلي لك ماترجيه [/glow]