هذا ما دار اليوم في مدرستنا

[ABO TURKI]

هذا ما دار اليوم في مدرستنا هذا ما دار اليوم في مدرستنا هذا ما دار اليوم في مدرستنا هذا ما دار اليوم في مدرستنا هذا ما دار اليوم في مدرستنا

حوار حصل هذا اليوم ( في مدرستي العزيزة ) - اجتماع روتيني في بداية كل فصل دراسي -


المدير : السلام عليكم ورحمة الله وبركاته .. ياخوان باختصار - نعرف ان هالاجتماع روتيني لكل فصل - للتذكير فقط - ( ومضى المدير مشكورا بالحديث عن التحضير والحضور المبكر خاصة اول يوم وكذلك البداية الجادة .. ) يااخوان احد عنده اقتراح او استفسار او اعتراض على الكلام اللي قلناه .. يتفضل ..

الاستاذ سعيدان: يا استاذ وش العمل مع الانفلونزا ..؟

المدير : انت ما حضرت الدورة ( يوم الاربعاء ) ؟ ايييييييه عندك اجازة المراكز الصيفية ..

يا شباب من اللي ما حضر الدورة .. ( ثلاث رفعوا ايديهم )

المدير : استاذ عليان ( المرشد الطلابي ) .. ياليت تشرح لهم عن الموضوع باختصار ..

الاستاذ عليان: يا شباب باختصار اي طالب تشوفه مصخن او مزكم او اي من اعراض الانفلونزا - اكيد قريتوا عنها - على طووول حوله على غرفة العزل ..وبس

الزملاء الثلاث ( مستغربين بس كل هالموضوع ) ويتوقعون فاتتهم دورة مهمه ..

الاستاذ عليان : لو فيه طالب معاه رشح خفيف لبسه الكمامه غصبا عنه ..

المدير : من المفترض انه يكون عندنا مطهرات ومناديل مطهره وغيرها ونكون جاهزين .. لكن ما وصلنا شي - الله يعين - وعلى فكرة مدير التعليم يشدد على اول يوم والحضور والجدية

الزملاء : ( طبعا بالصامت ) لا ياشيخ الجدية .. أي جدية .. طيب انتم خلوكم جادين يالاستعداد والتجهيز لهالبلاء ..

أنا : يا عليان .. وين غرفة العزل ..

عليان: مع الأسف الغرف الموجودة يا دوب تكفي فصول بالقوة مافيه غرفة تدرون العزل في الحوش حتى يجي أبوه

المدير : يا شباب هذي الجداول كل واحد ياخذ جدوله الله لا يهينه ..
....................

طبعا المدرسة مستأجره وفصول ضيقه ( والله الذي لا اله الا هو ) ان بعض الفصول مطابخ ( لو قلت لكم بانها ( 4 × 4 ) انني ربما اكون مبالغ ..الله يجزاهم خير الحمامات بقيت مثل ماهي لنفس الاستخدام ..

الفصول ضيقة وتكتض بالطلاب .. والفراغ الوحيد هو ( شريط حدودي يمر ما بين السبورة والصف الاول .. وفي حاله رغب المعلم في الوصول الى احد الصفوف فعلى طلاب ذلك الصف الخروج بجانب السبوره لدخول المعلم .. واذا اراد ان يوقض احد الطلاب النائمين .. لا يقاف الشخير .. فعليه باستخدام احد الوسائل التالية ( رمي القلم في جبهة الطالب ) وهذه الوسيلة تحتاج الى خبرة في هذا المجال .. ودقة في التصويب حتى لا تصيب العين او الاسنان .. أو رمي الكتاب المدرسي ( ويفضل ان يكون كتاب طالب مهمل - كتاب جديد - لدقة التصويب ) ( او رش الماء ..) او الاشارة الى احد الطلاب بجانب الاخ لتسديد ضربة على قفا ذلك الحاااالم ..

قال ايه قال الجدية والانتظام .. اقول الله يخلف بس ..

يعني مثل هالفصول المعلم والطالب وجيههم في وجيه بعض .. والفصول ضيقة ما تقدر تتحرك ولا تتنفس..

معالي الوزير يزور المدارس ( وفلاشات شغاله ) وطبعا المدارس النظيفة فقط .. وكأن كل المدارس بهذا الشكل ( طبعا هم عارفين الوضع ) لكن المهم ما يضهر في الصحف .. والباقي طززززز ..
ملاحظة / سعيدان وعليان رموز

سؤالي بعد هذا كله هل سترسل ابنك للدراسة في هذا العام وزي ما شفتوا هذي مدرسة واحدة من آلاف المدارس التي بهذا الشكل وعلى فكرة كل ما يظهر في الإعلام خرطي يعني ما منه ولا حبه ما غير ترزز من نسيب ابو متعب وكل همه ان المعلمين يداومون ومن فاصل السياميين (ليته قعد يفصل أبرك )
عني أنا والله لو عندي ولد وصل حد الدراسة والله ما يطب المدرسة السنة هذي يتأخر سنة ولا يتأخر العمر كله هذي شي الشي الثاني لقاحهم المميت يبلونه ويشربون مويته ما طراني أتطعم ولا أطعم أحد لين حتى يجربونه المسئولين وننتظر نشوف واش طلع معهم وبعدين أفكر مو يجيبلي الصيني ويستخدم لعائلته اللقاحات المضمونة