يا مرحبا في عرس ماجد وسلطان

[عوض بن سلمان]

يا مرحبا في عرس ماجد وسلطان يا مرحبا في عرس ماجد وسلطان يا مرحبا في عرس ماجد وسلطان يا مرحبا في عرس ماجد وسلطان يا مرحبا في عرس ماجد وسلطان

السلام عليكم ورحمة الله
هذه قصيدة بمناسبة زواج ابنائي ماجد وسلطان والحمد لله أن تممه على خير , وأسأل الله لهم ولكم التوفيق .

[POEM="font="Simplified Arabic,4,black,bold,normal" bkcolor="transparent" bkimage="images/backgrounds/5.gif" border="none,4,gray" type=0 line=0 align=center use=ex num="0,black""]بسم الله الرحمن من قلـب ولسـان=الاسـم الأعظـم بيننـا يبتـدى بـه
يامرحبا في عرس ماجـد وسلطـان=عداد همـال المطـر مـن سحابـه
يامرحبا ترحيب في نـون الأعيـان=بأرحامنـا وأصحابـنـا والقـرابـه
عداد مطلاع الثماري في الأغصـان=وعـداد مـا خـط القلـم بالكتابـه
باسم ال حامد كلهـم و ال سلمـان=نبت الحيا ما ينقطـع مـن شعابـه
شجعان في كل المواقيـف شجعـان=الصلـب ماينتـج يكـون الصلابـه
وأخص عبد الله وعـواض وحمـدان=أنسابـي إلـي حافظيـن النسـابـة
وأخص أبو تركـي جملنـا كحيـلان=راعي الكرم والجـود ذيـب الذيابـه
الطير ماينهض على غيـر جنحـان=والبيـت عـزه يكتمـل بعـد بابـه
القي بيوت الشعر في كل ميدان = هرج سوات الذوب صافي شرابه
شاعر وشيخ وعارف حقوق الإنسان=وأعـرف حـدود الله وأقـرأ كتابـه
ما قولهـا خيلـه ولا قـول بهتـان=قدام عيـن وعيـن ماهـي غيابـه
ما كل شاعر يحسن الشعر باحسـان=ولا كـل نايـب يعتـرف بالنيـابـه
راعي المباني يسكـن أعـز بنيـان=وراعي الزراعة يحصد الـي ذرا بـه
يامرحبـا ترحيـب يـا لاد ضبعـان=الي حضر والـي بعـد فـي غيابـه
درع ليـا حطيتهـم فـوق الأمتـانياقـاك مـن شـر اللهب واللهابـه
خصيمهم والله لـو كـان مـا كـان=قـدام شـد ومـد يحسـب حسابـه
في مواجهتهم ينخزي كـل شيطـان=وإن شافهم مخلـوع يخلـع ثيابـه
ميزانهم يرجـح علـى كـل ميـزان=الـي درى والـي بعـد مـا درابـه
رجالهم لو كان فـي طـي الأكفـان=يهابـه الـي مافـي قلبـه مهابـه
البيت له سـاس وقواعـد وعمـدان=مبني على حكمـه وطيـب وطيابـه
وإن كان جاء في الوقت زود ونقصان=حلاله الصابـات مـن دون صابـه
أخوال وأبناء عم واعمام وأخوان = الي يقوم بواجبه مرحبابه
يستاهلون المدح شايب وشبان = والي بعد في المهد حاسب حسابه
أفخر بهم وأعتز والبال نشطان = ما خاب من هو له رفيق اعتزا به
الي تمنى معهم الشر ندمان = يمرض وقبل الموت يلقى عذابه
تشهد لهم في الديرة أشعب وريعان = وحدود مرسومة عليها رقابه
نضمت من شعري وسويت ديوان = من شان لا يقلون يذهب ذهابه
القول له عندي حقايق وبرهان = لا زاد زود ولا نقص منه جابه
إن صح لي تعبيـر مانـي بغلطـان=يقولون أبو ماجد صدق فـي جوابـه
صلوا على خير البشر نسل عدنـان=وأرجي مـن الله العفـو و المثابـه
[/POEM]