استعدادنا للمدرسه لازم يكون مميز ..

[بنت شيوخ]

استعدادنا للمدرسه لازم يكون مميز .. استعدادنا للمدرسه لازم يكون مميز .. استعدادنا للمدرسه لازم يكون مميز .. استعدادنا للمدرسه لازم يكون مميز .. استعدادنا للمدرسه لازم يكون مميز ..

الان الكل يستعد للمدرسه ، وموضوعي مو عن المشتريات المدرسية ..

عن امور ثانية لازم ننبه الاطفال ونخليها شي اساسي عندهم ..















الصلاة :

قال صلى الله عليه وسلم :

( مروا أبناءكم بالصلاة لسبع سنين واضربوهم عليها لعشر سنين)

يعني من اولى ابتدائي نأمرهم فقط ، نحببهم بصلاة ولكن مانشدد ولا نسأل صليت والا لا عشان مانخليه يكذب ..

صدقيني اذا الام اهتمت تذكر ابنها خمس مرات يوميا للصلاة مع الايام يبدأ الطفل يشعر بأهمية الصلاة ولا تجي عشر

سنوات او قبل الا يكون محافظ عليها .














اذكار الصباح والمساء :

احرصي انه يقولها ويهتم فيها خليه يبدأ يومه بصلاة الفجر ولا يقوم من مكانه لين يقول اذكار الصباح ..

بالبدايه خليه يحفظ (اعوذ بكلمات الله التامات من شر ماخلق ) وكل فتره اضيفي شي جديد ..










اذا عند طفلك آي بود حملي الحصن المسلم وخليه بعد صلاة الفجر والعصر يقرأ منه ، بتلاحظين انه يحفظ الاذكار مع الوقت ..

وبرضوا للفايده فيه برنامج للقرآن ( حفظ القران الكريم للاطفال والكبار ) رائع جدا حمليه و عن طريقه يقدر الطفل يحفظ القران لانه يكرر ..

او حمليها بجهازك وخلي ولدك والا بنتك يستخدمونه .. بيني لهم اهمية الاذكار وانها تحفظه من كل شر ..









فيه اجهزه ثانيه مثل اللاب توب المعلم وبابا سلام وغيرها لو وفرناها لاطفالنا بيحفظون الاذكار بسهوله ..

وبيعتمدون على انفسهم بحفظ القرآن ..
















الفسحة :

في نقطتين بوضحها ..



الاولى :

لازم يحرص الطفل انه مايرمي الاكل ابدا ويحاول يكمل الفسحه اللي معاه ، ولو اشترى شي من المقصف ولا عجبه لا يرميه

يجيبه للبيت و يحطه مع الخبز اللي تجمعينه ..

بالذات اللي سنه اولى لازم نفهمهم زين ، لانهم بيلاحظون بالمدرسه الاطفال يرمون ولا فيه اهتمام ابدا ..

وبرضوا لازم يهتم لو شاف اكل مرمي على الارض يشيله ويحطه عى جنب .. ذكريه بالصومال وقولي له قصص

وانه ممكن ربي يسلب مننا هذي النعمه ..

ضروري كل ام تهتم بالنقطه هذي والله شي يحزن اللي يصير بالمدارس ، ترى اي طفل يرمي بدون خوف من الله الغالب تكون الام ماتنصحه ..

فيه للاسف اطفال يرمون الاكل بكل استهتار على الارض ، وفيه اللي يمشي و يدوس الاكل ..؟!!

وحتى المدرسه تتحمل المسؤليه ، و اذا الاداره ماتهتم اللي علينا ننصحهم ونذكرهم ، ونتمنى المدرسات والمدرسين يكون لهم دور بـ التوعية في هذا الجانب ..











النقطه الثانية :

_ لابد الطفل بنفسه يعرف يفرق بين المفيد والمضر يعرف ايش اللي ممكن يشتريه يوميا ، والشي اللي له مضار ويحاول يخفف منه ويشتريه مره بالاسبوع ..


الحلاوه اللي كلها الوان وصبغات نحذرهم منها ونقول لهم على مضارها ونجيب لهم خيارات بدالها مثل الشوكلاتات بأنواعها والبسكوت ..



العصيرات اللي مامنها فايده يشترون بدالها حليب وفي بعدة نكهات ..


وعشان مايكون فيه نوع من الحرمان نقول حدد يوم او يومين بالاسبوع واشتري شبس وعصير ، اهم شي مايكون يومي ..


لا تقولون مستحيل الطفل يشوف قدامه اللي يحب ويتركه ، صدقيني اذا نصحناهم واهتمينا وشجعناهم بنشوف اطفال حريصين ويهتمون ..


اهم شي وضحي انه المضار ماتجي على طول ، لا بعد مده يضعف الجسم وتضعف المناعه ..

ولا تركزين على الموضوع وبين فتره وفتره ذكريه بالمضار، ولا تسألينه اذا جاء من المدرسه اشتريت شبس ؟؟ لانه ممكن يكذب عشان يرضيك ..

اللي علينا ننصح وبس بدون تشديد .. ولا ننسى انه كل ممنوع مرغوب .

يتبع

[بنت شيوخ]

النظافة :


نوفر لهم ..







بكيت مناديل ويكون دائما بشنطهم ..

اشتري كرتون يطول واوفر من انك تشتري بالحبه ..













معقم او مناديل معطره ( انا افضل شركة ديتول )

يستخدمونها وقت الحاجه و قبل الاكل وبعده ..










صابون ورقي هذا بمحفظتي لوقت الحاجه ،

وبالنسبه للمدارس غالبا فيها صابون ، يعني مو ضروري يكون معاهم بالشنطه .








بصراحه مااستغني عنها ابدا دائما بالشنطه اذا رحت اماكن عامه ..

ومهمه نخليها بشنطهم لو احتاج الحمام يلبسها قبل يدخل عشان نضمن انه مايمسك اي شي بيده ..











ضروري نوفرها انا عندي مجموعه برضوا دائما بشنطتي في الاماكن العامه ..

وللمدرسه عشان نضمن انهم مايجلسون مباشره ..










يمكن تستغربون الريالات وش دخلها بأمور النظافه ؟؟

بصراحه الفلوس اقرف منها اذا كانت قديمه ، وامي كانت تقول هي مصدر للجراثيم سوتلي رعب منها

وكانت الله يحفظها تصرف ريالات وخمسات وعشرات وتكون جديده هذي للمدرسه ، وكانت تقولي لو ماتوفر عندها جديد تغسلها ،

طبعا فئات الفلوس حسب المرحله الدراسيه خخخخ اللي ابتدائي تآخذ ريالات واللي با لمتوسط خمسه و اللي بالثانوي عشره ،

كنت اشوف خواتي الكبار واقول متى اصير زيهم اخذ خمسه وعشره هههه ..

عشان كذا اشوف ضروري تكون الفلوس جديده بالذات انه الطفل يمسك الفلوس بعدين ياكل ..











نأكد عليهم مايرمون شي بالارض وزي مايهتم بالبيت يهتم بالمدرسه ..




يتبع

[بنت شيوخ]

الاحترام :

نركز على احترام الكبير سواء مدرس او مدير او بواب او اللي ينظفون مافي فرق

الاحترام للكل ..









العطف والرحمة :

هذي نقطه مهمه جدا جدا ..

قال صلى الله عليه وسلم :

( إن الرفق لا يكون في شيء إلا زانه ولا ينزع من شيء إلا شانه )






اضرب لكم امثله من اللي يصير بالمدرسه /



اذا تكلم طالب وغلط ايش اللي يصير بالفصل ؟؟؟

غالبا يضحكون عليه ، الا الاطفال اللي تربوا على الرحمه ومراعاة مشاعر الغير ..







في اطفال عندهم تعتعه بسيطه ، اذا ماواجه الطفل سخريه وضحك عليه ممكن تروح ..

فـ لازم نحرص ونفهمهم ان اللي يضحك على الغير ممكن ربي يبتليه ..






بعض الاطفال عنده اعاقه معينه ، نقول لهم المفروض ما طالع فيه و تحرجه ،

ونقول تخيل نفسك مكانه ؟؟؟ بكذا نزرع الرحمه والاحساس عندهم .






فيه طفل عنده تعتعه شديده تقريبا له 6 سنوات وهو كذا من بعد وفاة ابوه ، و المشكله كل مالها تزيد بالذات في المدرسه ،

المهم واحد من اقاربي يدرس معه بنفس الفصل لاحظ هذا الشي وحزن عليه وكلم اصدقاءه هم بأولى متوسط وقال ليش انتم دائما تضحكون عليه ؟؟

قالوا هذا الولد كسلان ومايعرف يتكلم وصار كذا عشان ابوه مات !!!!!!

بالله اولاد بأولى متوسط منزوعه الرحمه منهم بهذي الطريقه ؟؟!!

المهم راح قريبي وكلم الاساتذه وشرح لهم الوضع ، وش تتوقعون صار ؟؟

الاساتذه صاروا يهتمون فيه ويشجعونه ويساعدونه بالدرجات .. وكلموا المرشد الطلابي واهتم فيه ..

و تحسن وضعه و صار يشارك ونفسيته تحسنت ولله الحمد ..






تحسن وضع طالب نفسيا ودراسيا من الله ثم صديقه اللي بالفصل ،

المفروض ياغاليات نهتم ونربي ابناءنا على الرحمه ولا نستهتر بهذي النقطه ..










ياخذ معاه اول يوم حلاوه و يوزعها على استاذه واصدقائه بالفصل ..

هذي الحركه لها تأثير على نفسية الطفل بالذات اللي مايحبون المدرسه ،،

مجرد تقولين ايش رايك نشتري حلاوه وتوزعها اول يوم بتلاحظين انه يفرح وينتظر متى السبت









ممكن تشترين جواهر ..






او حلاوه بقر ..







مو شرط يكون نوع غالي ، اهم شي يقدم شي و يفرح الاطفال ..








البعض يجيب هدايا كيس لكل طفل فيه دفتر تلوين والوان وبلونه وريال وحلاوه ،

طبعا تكون عدد طلاب الفصل ويوزعها ..

وشكرا

[صقر قريش]

موضوع مميز
تمنيت ان يكون في قسم التعليم

[بنت شيوخ]

المشاركة الأصلية كتبت بواسطة صقر قريش

موضوع مميز
تمنيت ان يكون في قسم التعليم

بارك الله فيك
ارجوا النقل للمكان المناسب

[دفء الحنين]

موسوعة شاملة ومفيدة
وتذكير في محله
يعطيك العافية غاليتي

[شموع الأمل]

الله يعطيك العافية

[بنت شيوخ]

المشاركة الأصلية كتبت بواسطة دفء الحنين

موسوعة شاملة ومفيدة
وتذكير في محله
يعطيك العافية غاليتي

[بنت شيوخ]

المشاركة الأصلية كتبت بواسطة الداعية الراقية

الله يعطيك العافية

[سنا الهجرة]

فعلا الموضوع مميز .. ومميز جدا

الله يعطيك العافيه يا بنت الشيوخ