يلي يلي يا حيوما حيم لوحي .

[عضيد أخوه]

الله يصلحك مالقيت الا حيوما
والله زمان يافن
حيوما هذي تعتبر من أخطر الفيروسات
للتكنلوجيااا
حمدلله والشكر

[شبلي أبو الونات]

اصبحنا واصبح الملك لله
يارازق الطير في السما انك ترزقنا
وش ممسيهم هذولا المهبل واحد يتحمد والثاني يتشكر
يا ابو امجد هذا لون حيومي توه طاب السوق

[قائد الطابور]

اصبحنا واصبح الملك لله ، لا اله الا الله وش العلم يا شبيلي ، اصبح العرب يتنقدون بنا ، يا لطيف الحال جوك ما يعرفون الا محمد عبده ، وطقته ،
هذي حيوما الحقيقه لون من الوان الشعر وهي عرضه ثابته , بمعني عند العسكر ( محلك راوح ) .

وبعدين انا بصراحه شكلي البارح كنت ( محشش ) عساك يا شبيلي ما انت مثلي لأني اريتك تداقش معي ومداقشتك حقت اللي ضاربها بعد العشاء , يمكن كما يقولون ( وافق شنن طبقه )
يلي يلي يلي يا حيوما
الليله بنحمي الطيران ياشبيلي ، الشاطر لا يكب ماقفه ، يلي يلي يلي

[@ بن سلمان @]

ثابت يا عسكري
ساء صباح العابثين
هلا بالقايد
ما بغيت انتبه لك
لو هي منية اشوفك ما شفتك وتراني من الناس اللي تتفائل بمثلك و بشرواك ما هو كما شبلي عساني اعدم هذيك السحنة

[السيل]

الضاهر انك خف عقلك يا قائد الطابور مدري تجننت انا خابرك اولت امس يوم انك قاعد تبكي وتشكي من مدير المنتدى وقلت لك سببك ما المدير سببك هو المراقب وحالت ما توحي انك تبي تطب المنتدى بهذي الرجه ( بسم الله الرحمن الرحيم ) بس ابنصحك تثقل تراني ما امن لا يكون ان ابو الونات هذا لا يكون صاحبك اللي قاعد لك انتبه .

[قائد الطابور]

مرحبا يا الصاحب اللي عيني تحب شوفته ، يا السيل فالك الخير وانا وانت على باب الله اليا طردونا ما فيه الا هذا الاسم والا هذا المنتدى ، ارض الله واسعه والشبكه وسيعه تسع اهل الارض حسب الاحصائية التي قدمها علماء الفلك انها كبيرة يحدها من فوق السماء ومن تحت الارض ومن اليمين البحر ومن اليسار اليابس . ومشي حالك .

بس جاء وقت الملعبه بتلعب والا انقلع انا اعرفك ترقد من عصير .

[عضيد أخوه]

لحتك مله على رويسك يابويه

اقولك وصلنا القمر وانت بااقي ليح يومه

لاكن والله التراث اخر كلام

[شبلي أبو الونات]

مرحبا يا لسيل وعسى ما جا عليك ميل
مرات اشوفك تحذف وودك بوزنية
ومرات اقول فيك رجة ويبي لك ترصيص
ولا ترجم تراي ما رجمت

[مخاوي منقاش]

انا احسب المرجج قزوز منسم ورويعي وهالحين طلع قايد الطابور 00
وانت يشبلي خلك ثقيل واترك الرجه وخذ هالكلام00
يلي يلي ياحيوما حيم لوحي0000
ياشيخ شبلي ابعد عن المرجوج00
يلي يلي ياحيما حيم لوحي00
ياقايد الطابور وش فيك لوحي

[قائد الطابور]

حياك الله يا مخاوي منقاش
اولاً : ترى منقاش صاحبي وحبيبي بس ما يدري اني في المنتدى ولا شاف ( حيوما ) والا تراه من عشاقها كان جنبي يوم هو صغير في سنه ساته ( الصف السادس ) وكنت العبه معي وتراه رجال من يوم هو صغير يا صقره صقراه .
يا خاوي وشبك تقول عليه اني خبل وتنصح شبيلي تقول فارق الخبل والله ما ني خبل اني اصحى منك ومن منقاش .
يلي يلي يا حيوما حيم لوحي ،
قسم بالله انها افضل لعبه ممتعه رياضيه حركاتها تشبه البساتم في الماطور المبوش ،

والليا جيت الطائف وجيت عند صاحبي منقاش ابجيك عنده والعبك حيوما .
بس ترى يبيلها سجاره تروق المخ وانا ما ادري انت تضرب سجاير والا لا .