دار الوفا والصداقه

[عوض بن سلمان]

دار الوفا والصداقه دار الوفا والصداقه دار الوفا والصداقه دار الوفا والصداقه دار الوفا والصداقه

سـلام يـا دار الوفـا والصـداقـه

من هاجـسٍ يرزم وله رعد وبـروق

يـا منتـدانـا يا وثيـق الوثـاقـه

ما فيه لا ســارق ولا فيه مسـروق

من يوم أبو طـارق حضر بانطلاقـه

يا مرحبـا بك عنـدنـا يا بن معتـوق

المنتـدى ما عـاد يطَّـاق طـاقـه

لكـن يبغـالـه علـى جانبـه طـوق

يا كم ويا كم حولـه من الرفـاقـه

عشرين من حدرا وعشرين من فـوق

بعض العـرب جايين له باصطفاقـه

وليا لفى مثلـي يقـولـون مصفـوق

وأنا مع أصحابـي بـدون انشقاقـه

لا وجـه متغبـر ولا ثـوب مشقـوق

يقلـون ثنـوا روسكـم للحـلاقـه

واصبر على الصفقه يبو راس محلوق

من كـان له بينـي وبينـه علاقـه

يحسب حسابـه قبل يطـراه طـاروق

ما عـاد فـي دق الحديـد اندراقـه

ما دام هو حامـي نزيـن به السـوق

اعط اليتيّـم طعـم من مـخ ساقـه

وقلـه اصبـر كـل مطـرود ملحـوق

لي صاحـبٍ معـروف مبغي فراقـه

ضيع لي المفتـاح والبـاب مغلـوق

ماشي معه مبغي العلـوم الدقـاقـه

مالـي برزق الله ولا لـي بمـرزوق

موضوعنـا فيـه الحـلا والحذاقـه

محطوط له فلفل وكمـون مسحـوق

[أبو عبدالرحمن]

سالم وغانم يا عم عوض

امتعتنا بهذه الأبيات..

ما شاء الله ...معين لا ينضب

[مجنونها]

دام للمنتديات عطاءك وصح لسانك يا بو شرف
أبيات جميلة لا تخلو من مغزى وطرافة

[@ بن سلمان @]

العم والوالد عوض بن سلمان
صح لسانك وأبو طارق عرفته صديقاً لك

[سنا الهجرة]

ماشاء الله تبارك الله

صح لسانك .. صح لسانك .. صح لسانك

يابو شرف ..
علوم غانمه ومعين لا ينضب مثل ما قال أبو عبدالرحمن

حقيقه أمتعتنا بهذه الشامخه ..


لا عدمناك يا معلمنا

[ورد الهدى]

الله يعطيك العافية
كلام مثمن وحلا وفلفل وحياد

[حسن عابد]

لي صاحـبٍ معـروف مبغي فراقـه

ضيع لي المفتـاح والبـاب مغلـوق

ماشي معه مبغي العلـوم الدقـاقـه

مالـي برزق الله ولا لـي بمـرزوق

موضوعنـا فيـه الحـلا والحذاقـه

محطوط له فلفل وكمـون مسحـوق

أبيات جميلة لا تخلو من مغزى وطرافة

[ابو عادل]

مالـي برزق الله ولا لـي بمـرزوق

صح لسانك ودام عطاؤك
وعلومك وافية يابوشرف