القروش ولعبة الفقاعه / الحلقه الثانيه.

[منقاش]

القروش ولعبة الفقاعه / الحلقه الثانيه. القروش ولعبة الفقاعه / الحلقه الثانيه. القروش ولعبة الفقاعه / الحلقه الثانيه. القروش ولعبة الفقاعه / الحلقه الثانيه. القروش ولعبة الفقاعه / الحلقه الثانيه.

بسم الله الرحمن الرحيم
تخبرون في الحلقه اللي راحت أن الله كفى الطايف وبنوكها يوم أسود وشر مستطير بعد أنكفيت دربي ببندقي القداحي مع ساري الليل من الصخيره لبلاد ثماله , وبعد نجا الطايف ومن فيه بأعجوبه من بليه مدلهمه , لأني كنت ناوي أدخل التاريخ من كل أبوابه الضيقه والوسيعه , واسويها سواه تناقلها الركبان على كل الشفاه , وتظلي كل القبايل تردد قصصها في مجالسها, ويعلم بها كبير القوم لصغيرها من بعده , وفعله تذاكرها الناس وتسير مضرب الأمثال , وتقول: أتقوا هبطة الحليم أذا هبط , وكل هبطه ولا هبطة منقاش للطايف .
مالكم في طوالها , رجعت وضوينا ضيوف مع ساري الليل في حلته , ورحب بنا الرجال وكثر من الترحيب , وكان معنا شلومو ولد مائير , ومخاوي منقاش اللي ما أدري من وين لفقوه لنا , ويبدو لي أن فيه قرابه وصلة رحم بينه وبين ولد مائير , وكان معنا ابو مفك , والشيهان , وزملوق , ورويعي الكلاب , وولد أم محمد (ابن ابي محمد) , واقزوز منسم , وغيرهم .
وقبل تغرب الشمس أقبل علينا معزبنا (ساري) ومعه ثمانيه من العمال الأفغان يجرون في تيسين كل تيس يكر فيه أربعه من كبرها اللي لو تركب على الواحد منها وداك لقرن الشيطان جهة مشرق الشمس في حايل , و لا أبالغ أذا قلت أنها من طول قرونها تعادت في المدخل وعجزوا لا يدخلونها علينا .
عود وقف بها ساري على سدة الباب وقال : الله يحيكم يا ضيوف الرحمن , صهاينتكم , والمخاوي ابن عم حاتم الطائي اللي من حايل لفانا , واللي في الطريق خاوانا وفي مقدمتهم الدكتور العمده الشيخ الشريف منقاش .
حياكم الله تحيه تريع وتبدي كل ريع , قوموا سنعوا عشاكم .
عودت الضيوف تلافت على بعضها , وكل واحد منهم يتنحنح يبغي يفرك منها ويخلي غيره يقوم يسنع العشا , المخاوي تعذر بزعم أنه ما يعرف يسنع الا البعارين , وشلومو زعم أنه ما يعرف يسنع الا العجول , وانا أعتذرت أني ما أعرف أسنع الا الجحوش .
خاتمتها, التفت على رويعي الغنم والشيهان وزملوق ومخاوي منقاش والأقزوز وقلت : أنتم قاعدين تبون الشيوخ تخدمكم ؟ , قوموا قامت قيامتكم لا توجبوني هالحين أتناول عليكم الشون واسنعكم بها بعد اوسط بها روسكم , قوموا سنعوا عشانا .
عودوا قاموا يتخذللون خوف مني وطمع في العشا لأنهم ناس أكلنجيه (كلمه أنجليزيه تعني الهور) .
بعدها وقف معزبنا (ساري الليل) على روسنا وقال :
هيه يا شيخ منقاش , الله يحيكم , تقهووا وتهرجوا حتى يرشق عشاكم , وهذا ابن عمكم الصهيوني شلومو ولد مائير هو أدرى بمكه وشعابها , وهو اللي يبي يفهمك أنت وربعك ويش قصة ألأزمه الماليه العالميه الحاليه ؟.
ردينا يالحاضرين بفم رجال واحد وقلنا , أي بالله , ويش العلوم يا شلومو , عسانا وما نملك فداك ؟ , علم لنا ويش سدك يا جبل؟.
قال شلومو : أبشروا وفالكم السعد , لكن الجبال أثنين ولا هي جبل واحد كما تظنون , جبل من سده جبلا ثاني , ألأول أذا شفتم ما سده , تبي تعرفون كيف تخلقت وتكونت الفقاعه؟ , والثاني أذا أطليتم على ما سده رايحين تعرفون من سوى الفقاعه وليش سواها ؟, هذا مع العلم أن كل جبل من الجبلين رايح تعرفون من سده ضحايا كثيرين .
قاطعت شلوموا وقلت : المريكان الخباث هم اللي سووا الفقاعه , وهم المستفيدين منها . وزاد عقب الحاضرين وقالوا , صدق منقاش , ما فيه غير أمريكا أم البلاوي اللي مصايبها دخلت علينا في كل بيت من بيوت المسلمين عامه وثماله خاصه .
رد شلومو وقال : ما يمكن تركدون يالعرب وتكبون عنكم العجله والكلام اللي مبني على التخمين والظنون , أنتم وراكم تنسون أن دينكم يامركم أنكم تجتنبون كثير من الظن , وأن بعض الظن أثم , وأن الظن أكذب الحديث ؟ .
كلامكم هذا يا ساده بعيد عن الصحه , ولعلمكم , الشعب الأمريكي المغفل المسكين أول الضحايا في هذي اللعبه وغيرها من الألاعيب , والحكومه الأمريكيه ضحيه خانعه خاينه مستسلمه مع الضحايا , والجريمه ترتكب بأسمعها واسم شعبها المسكين , والمصلحه لسواها في هاللعبه وغيرها من الألاعيب , والدليل أنها من أكثر الحكومات مديونيه في العالم , ومن ضخامة دينها العام وكبر الفوايد الربويه اللي تدفعها سنويا خدمه على الدين العام ما فيه حزب والا ريس يتجرا يلمس الجرح ويثير هالموضوع من سنين بعيده الى يومكم هذا حتى لا ينبش عن مشكله مستعصيه على الحل , مشكله كل الحكومات الأمريكيه المتعاقبه مدانه فيها أمام الشعب الأمريكي لو عرف أبعادها تمام المعرفه , المشكله اللي بسببها بلد صناعي وزراعي ومن أغنى بلدان العالم بالثروات الطبيعيه والموارد الماليه يغرق يوم بعد الثاني في حفره ما لها قاع من الديون وفوايد الديون في جريمة خيانه وبيع للبلد من الزعماء والساسه المريكان .
والشعب الأمريكي الغلبان المغرر به يا غافل لك الله , ملهينهم في ملاهي الفساد , وفي مرجيحة الأنتخابات بين حزبين ساستهم كلهم سلموا الخيط والمخيط لعصابات من مصاصي الدماء , وباعوا بلدهم عقود ورا عقود بأبخس ألأثمان , وممثلين للشعب (الكونقرس) دورهم دور الممثلين في المسرحيات وشهود الزور في المحاكم .
ردينا عليه بفم واحد وقلنا : الكلام اللي تقوله يا ولد مائيرخطير ولا هو معقول , وبعدين وين السلطه الرابعه اللي هي وسائل الأعلام الأمريكيه الحره اللي يقولون ما مثلها في العالم ؟, وينها ما كشفت للمواطنين المغفلين هذي الجريمه الشنعاء اللي يقف وراها كما قلت حثالة من المجرمين .
ضحك ضحكة أستغراب واستنكار , وقال : كلامكم هذا يدل على أنكم يا عرب مغفلين مثل المريكان ,, يا ناس , كل شي مباح في هاك البلاد لوسائل الأعلام تقول وتطول فيه من هتك للفضيله وتشجيع للرذيله, الى السخريه بالأديان , الى تزوير الحقايق , الى أنتقاد الحكام والحكومه والمحكومين والتشنيع فيهم , الا الكلام اللي يمس اللاعبين واللعبه الكبيره , هذا ممنوع منعا باتا بقوانين بعضها مكتوب وبعضها مفهوم ولا هو مكتوب , وأن جهله السواد من العامه فهو معروف عند الساسه وصناع القرار والأعلامين , واذا تناقش فيه قله على أستحياء يكون النقاش همس بدون لمس وفي الخفاء , ولا منهم من يتجرا على العلانية بما في صدره .
ومعروف أن كشف اللعبه واللاعبين الكبار شي من ألأشياء اللي ممنوع الأقتراب منها, وأن كان فيه عاثر حظ حوم عليها ورصدته وسائل الرصد فلا تقولون الا عليه السلام والله يعوض على أهله فيه , واعتبروه ضيع على نفسه مستقبله السياسي والمهني والمادي , ورايح يشهر به وتساء سمعته ويلبس عليه الحق بالباطل , ويضيق عليه أشد أنواع التضيق ويركن في زاوية من زوايا الأهمال والنسيان حتى يسير عبره لغيره , هذا أن ما تم أسكاته للأبد وصفي تصفيه جسديه .
وهذا القانون ينطبق فيه المثل اللي يقول , الظلم بالسويه عدل في الرعيه , قانون ما يستثنى منه حتى رؤساء أمريكا أنفسهم , واللي منهم يغتر ويتجاوز الخطوط الحمراء يروح فيها كما روحة الرئيس كندي وروحة رؤساء من قبله وزعماء غيره .
قاطعه ساري الليل وقال : يا ولد مائير , الوقت ضيق , ولا توسع في الموضوع وتشعبه علينا واجد خصوصا أن بعض السامعين ذكاهم معطل في هالأمور ومستثمر في كثرة الدسايس وزرع الفتن ما ظهر منها وما بطن بين ربعهم وبني جلدتهم وأولهم أبو عوينتين مخاوي منقاش هذا اللي جالس قدامك بجلالة قدره .
أدخل في موضوع المشكله مباشره , مشكلة الأزمه الماليه العالميه الحاليه , وفهمنا في البدايه , ويش سد الجبل الأول حتى نعرف كيف تكونت الفقاعه ؟ , ثم بعد تخلص منها علم لنا ويش سد الجبل الثاني , حتى نعرف من سوى الفقاعه ؟, وليش سواها ؟.
وحتى لا أطيل عليكم واتسبب في مللكم أتوقف عند هالسعالين اللي سعلها ساري الليل , خلوكم متابعين معي في الحلقه الجايه حتى تسمعون كلام شلومو ولد مائير عن خفايا الأزمه , وتعرفون ويش سدك يا جبل؟,, وسلامتكم أنتم وشلومو ولد مائير ...

[أبو عبدالرحمن]

لا تنس تعلمنا واش اللي حصل لعشاءكم..عساكم دسمت شواربكم..

فيه سؤال بسيط ...إذا الاعلام في أمريكا يخاف من!!!

طيب وين الخبراء اللي فيه روسيا وفرنسا وبريطانيا ..ولا تنس البريطانين كرهم للساسة الأمريكان!!

[سنا الهجرة]

سالم وغانم يا منقاش

عز الله إنك تجيب العلوم

المره الجايه أكيد تبي تحفر بالجبل وتورينا وش وراه

ولو إني ما أثق في شلومر هذا لكن أظنه معه علم

خلينا نشوف ولا نستعجل

[الشيهان]

على الله يامنقاش من جرف لدحديره المهم عود للطايف قبل اليل وشيل فلوسك وروح اشتر لك بها قطعة غنم ترى اليوم قروشك قروش وبكره يمكن تسوي عليها براد الشاهي هذا ان لقيتها

[ابوسيفين]

البارح كنت على الماسنجر مع زميلنا (((وارين بافيت )))وأكيد انكم كلكم تعرفونه مثل عرفكم بي وهو لمن لايعرفه مستثمر امريكي كبير وشريكي في نظريه كن جبانا عندما

يتفاءل الناس وكن جشعا عندما يجبنوا وقال انا سمعت ان عندكم ناس مجمعهم ابو حمار في علو الديره وجالسين يضحكون على الناس هم وخويهم ترى ماجابهم الا

لحم التيوس الرجال أكلهم اياه ذيك السنه يوم هو عندهم وجايين يبونه وجات في ظهر ساري 0

قلت ياولد اقصر علمك الرجال اللي ان تقول هذا الشيخ منقاش وله أنصار من حايل الى التهم 0وبعدين هب عليكم اللي ماخليتوا ولامكان ماتجسستوا عليه حتى الديره اللي

ماجاها المطر من سنين 0والرجال علومه اللي بدت لنا لين ذلحين كلها حول الحروه 0هات وش عندك وننقله لهم اقلها نلحق لنا لو كسره تيس بعد راحت فلوسنا 0قلي

ذالحين السوق فاتح عندنا اشرح لك بعد الاغلاق قلتله انا والله ابا أرقد عندي ورعان ابسرحهم للمدرسه السواق تأخر راتبه وشرد واحنا فلوسنا معلقه فالاسهم 0قال اجل

بعدين اعلمك 0والله مدري هو عنده خاتمه ولا مثل اللي يتضيفون فالديره0

[منقاش]

أمسينا وامسى الملك لله , يالله تكفينا شر كل من فيه شر , وتعطينا خير كل من فيه خير .
ابو عبدالرحمن : مشكور على الرد , أما العشا والدسم قلا تفتش , أثر التيوس معضله لأنها كبار في أسنانها(سدس), وقد كانت فحول على المعزى , والله لا يبليك , طبخوا فيها ليل طويل وابت لا تنضج , ويوم قدمنا عليها أخذت لحمه بعظمها أبغي أجرها بسنوني ألا وهي ما تنجر ولا تنعض , تقول لستك .
وخلها مدمدمه , راحت ثنايايه ونيباني في اللحمه , ورديتها في جهة الشيهان بشكلها مع سنوني فيها , ثم تعشيت رز ورجعت في ظهري .
سعالك , من من يخاف الأعلام في أمريكا ؟, وليه أعلام أوربا ما يكشف اللعبه ؟.
الجواب : اللاعب جهه واحده رايحين تعرفونها في الحلقات الجايه بعد نبدي على ما سد الجبل الثاني , والجهه اللاعبه مسيطره في كل أنحاء العالم , في أمريكا واوربا وغيرها , وفرض الصمت مفروض على الجميع .

[المبرِّد]

الله يرحمك يا جدي . يقول بعدوا عن منقاش وعزائمه.
لكن قال : عنك .انك عندك علوم طيبة.ويكفى وصاتك لهم أن يعلمونا ويدخلونا المدارس

[منقاش]

الشاعر الكبير سنا الهجره : ما عليك زود , ومشكور على الرد , وكثر الله من أمثالك .
وعن جيبة منقاش للعلم , أذكر القراء بالمثل العربي الشهير اللي يدرسونه ورعاننا في المدارس واللي يقول : عند منقاش تلتقي الخبر اليقين .
أما علوم شلومو عن ألأزمه وما سد الجبل فهي جاده من بين كل العلوم , يعني هي اللب وصلب الفكره اللي نبي نوصلها لكم بأمانه , أما باقي السوالف اللي ما ننسبها في القصه لولد مائير أعتبرها قشور والا مقبلات .
وحتى يكون الكلام كلام يجمد عليه الشارب رايح أشير لبعض المراجع في ما تبقى من حلقات .

[سنا الهجرة]

إجابه شافيه ووافيه يامنقاش وبيض الله وجهك
يوم أنك ترد على كل عضو وبالتفصيل الممل ( وهو في الحقيقه ماهو ممل ) بل مقنع

الله يخليك لنا ننهل من معرفتك وعلمك الواسع . وفوق هذا روحك المرحه وحبك للدعابه
وتمكنك من أدواتك في فن الاسلوب الساخر والقدرة على إيصال المعلومه بطرق لا يجيدها الا أنت ( وليش قالوا شيخ )

[مخاوي منقاش]

سنا جالس تلمع خويك منقاش الي ازعجني الليلة باتصلاته 20 مكالمة قلت انهار النظام المالي ويبي يعلمني اسحب كم مليون من البنوك واثاريه يبي يسالني وش رايي بالتيوس فقلت له ببساطة حنا ماناكل التيوس ياراع التيوس وقلت له ترى سناء عارف ان اليهود ومن مؤتمر بازل قررو السيطرة على الاعلام في العالم فاي قناة ناجحة ترى اصابع اليهود فيها لذا نرى ان قنوات تكون نظيفة من تغلغل الصهيونية لا هذه القنوات لا تاثير لها الا كما تؤثر حمير منقاش على اسطبلات الشيوخ