حبّ النشامى

[مخبر سري]

حبّ النشامى حبّ النشامى حبّ النشامى حبّ النشامى حبّ النشامى

أنآ يِعْجبني الرَجلِ الأصيلِ الشَهمْ عآلـي الشَـآن
عَزيزِ النَفْـسِ كَسْـبِ الطِّيـبِ عـآدَه مـآ يِخَلِّيهـــا

وأحبِّ الِّي بِوَقْتِ اللازمَهْ يِصهَلْ صِهيلْ حْصآن
وتِعجِبنـــي رِجـآجـيــلٍ بِعـيــداتٍ هَقـآويـهـــــآ

وأَحبِّ الِّي لِيآ مِنَّـه عَــلآ فـي جَـوَّهِ الدِّخـآن
يِوَرِّدْهآ حِيـآض المـوت روحَـه مـآ يِدآريهـا

إِلآ مِنَّه قَعَدْ سِلطآنْ وإلآ مِنَّه رِكَبْ شيطـآن
قويِّ البآسْ عَربِ السـآسْ خيلَه مآ يعفَيها

وأَحِبِّ الِّي سِتَرْ وَجْهَهْ شَرَآهِ بْغآليِ الأَثمَآنْ
إلا مِنْ بآعوا الشِيمَهْ بِغآلي الروحِ يَشْريهـآ

وأَحَبِّ الِّي يِخآفَ الله يِجيكِ مْنِ العَقَلْ رَويآنْ
يشيـرِ بْخيــرِ وأَهْــلِ الخَيـرِ للخِيـرَه يِدَلِّيهــا

وأَحِبِّ الشَهْمِ مَمْدوحِ السِّجايآ صافِيَ الوِجْدآن
إلا مِـنْ جَــوهِ ضِيفآنَــه عَلـى نَفْسَــهْ يِبَدِّيهـــآ

وأَعِزِّ الِّي يِهَلِّي بِالضيوفِ ويِشْعِلِ النِّيرآن
وأَبيْ قُولَةْ هَلآ مِنْ قَلبْ والعشيآت مآ آبيها

أَبيْ الدَلَّه وأَبيْ الفِنْجآل أَبيْ التَرحيبِ بِالْضَيفآن
أَبـيْ جَلْسَـةْ نِشآمَـى رآعِـيَ المَجْلِــسْ يِقَهْويهـآ

أَبيْ لِيْ سآلِفَهْ عَدْلَهْ مَعَآها مْنِ الْشِعِـرْ قِيفـآن
تِشِدِّكْ حِكْمَةْ الأَجْـدآد يِشِـدِّك صُـوتِ رآويهـا

أَبيْ النَخْوَهْ وأَبيْ الفَزْعَهْ وأَحِبِّ مْجآلَسِ الْشِجْعآن
هَـلِ العــآدآتْ والفَزْعــآتْ ونِعِــمْ لآ حَــلِّ طآريهــا

هَلِ الشيمَهْ هَلِ القيمَهْ هَلِ المَعروفِ والإِحسـآن
هَـلِ التَقْديــرْ والتَأثيــرْ والِّـي بيييــضْ أيآديهــا

وأَحِبِّ الِّي لِيآ جُوهِ النِشآمَـى يِفْتَـحِ البيبـآن
كِريمٍ مِنْ قِديـمِ الوَقـْت لَيَـآ صَكَّــتْ لِيآليهــا

أَحِبِّ المَرْجَلَـهْ وَأصْحآبَهـآ وآآقَدِّرِ الفِرْسآن
بِخِيصٍ فِي مَعآنيهـآ قَبِـلْ لأَبْحَـثْ خوآفيهـا

وأَعَرفِ الِّي يِخوضِ المَعْرَكَهْ لآ صآرِ بِالميدآن
يِمَشِّيهــــآ عَلـى رَآيَـــهْ ويآخِذْهــآ ويَعْطيـهــــا

وأَحِبِّ إلِّي سِوآلِفْهُم ذَهَبْ موزونِ بِالميزآن
مُهُـو خِبْـلٍ يِخُـمِّ السآلِفَـه بَعديـنِ يِخَطّيهـآ

وأَحِبِّ إلِّي رُفَعْ نَفْسَه وِجَنَّبْه مَجْلِسِ الحِقرآن
حَشيــمٍ مآ لِقـى حِشْمَــهْ تَرَكْهـآ مـآ يِدآنيهــا

عَرَفْ نَفْسَهْ لِـزَمْ حَـدَّه ولآ هآيِـنْ ولآ يِنْهآن
إلا مِـنْ زآدَتِ اللَّجَّـهْ يِجَنِّـبْ عَـنْ بَلآويهـا

وأَحِبِّ مْنِ الرِّجآلِ الِّي يِسَمَّى شَمْعَةِ الدِّيوآن
إلآ مِنَّـه تِـحَــدَّثْ كِــلِّ كَلْمـآتَـــهْ يِنَقِّيـهــــــــآ

ولآ أَحِـبْ اللَئيــمِ الِّي تِصَيَّــدْ زَلِّـةٍ بِلسـآن
إِلا مِنَّـه سِمَــعْ زَلَّــةْ رِفيقَــهْ مـآ يِغَطّيهــآ

وأَحِبِّ الِّي لَيآ سَوَّى غَلَطْ قَآلِ العَفوْ غَلْطَآن
حَلآةِ الّرَجْــلِ لآ مِنَّـه جَــرَحْ روحٍ يِدآويهـا

مما راق لي فنقلته