هل نحن قدها ؟أعتقد ذلك

[عضيد أخوه]

المشاركة الأصلية كتبت بواسطة ابو مشاري

ياعيني على الكلام المليان كفيت وفيت يامنقاش ياراعي العلوم الغانمه

كلامه ذهب في ذهب

نصيحتي ترى بنات اهل برى ينتظرونكم على احر من الجمر 10000 ريال تجيبها السعوديه من مهر وفرح وماالى ذالك ........................ وخل بنات السعوديين البنت وابوها يدورون احد يدفع مهر وعرس وحكاوي ثانيه مامنها فايده

الله يعينكم ياشباب السعوديه تشيخون وانتم وماتزوجتو .........

خارج التغطيه : ابو عبدالرحمن الرجال يطلب الفزعه مننا مو تقول جمع الشيوخ وتعال
انتم ياعاقلينا وياكبارنا نبغاها منكم يعني بالعبري تحسون شوي فينا
الله يصلحكم بس

كلامك سليم جدا ويابو مشااري

واحلى مافي الموضوع انك حجيت ابو عبدالرحمن بكلامك

بيض الله وجهك

[عضيد أخوه]

المشاركة الأصلية كتبت بواسطة منقاش

ابن العم , عضيد أخوه , بارك الله فيك , وكثر الله من أمثالك , وبعد :
بخصوص , المهور , مثلك ما يجهل كلام الفاروق على المنبر , يوم قال , أصابت أمرأة واخطأ عمر .

بخصوص الشبكات , الرجال ابن الرجال هو اللي يرفضها ولا يقبلها , واللي مسلم أمره لأولات أمره خله لا قام , منها ولأردى منها ..

بخصوص ألأكل , عسا طلابها بالآكله , أتركهم وتزوج من عند اللي ما يطلبون أكله , ويا كثر العقال اللي يعينون ويدعون لرحيمهم بالبركه .
أما الشيوخ , أتركهم في حالهم ,###..

متى تنحل المشكله ؟؟, الجواب : أذا عادوا لدينهم وتركوا البدع القديمه والمستحدثه , من أكله وشبكه وغيرها ..
وأذا أمتلت بيوتهم بالعوانس , وشافوا شبابهم يبحثون عن الزواج عند أهل التيسير والبعد عن التعسير من أهل الفطنه والعقل , ويا كثرهم .
أتركهم يا عضيد ,,, خلهم يشبعون من أرشادهم , وعليك بخويصة نفسك , وتذكر أنه لا يضرك من ضل أذا أهتديت .....

منقاش نقشت العلووم ماشااء الله عليك وجبت الزبده يمكن شيووخنا مايقدرون على الموضوع هذاا

والله ثم والله لم اقول هذا الكلام الا محبتا وغيرتا على ابناء القبيله وودي نكون مثاليين

لغيرناا ونيسر لعيالنا مالنا الا بعض ولا الحمدلله تزوجت وميسور الحال بس النصح وفعل ا

الخير له اجره تخيل يابن العم تكاتفنا وسوينا هالموضوع الاجر اللي سوف تكسبه في كل

احد بيتزوج لن تضرنا المحاوله نحاول اذا فشلت نؤكد ماقلتموه واذا نجحت فنحن انجزناا

انجاز كبير

كم تغنينا بهذا المنتدى حق القبيله صح وتوالنا فيه لماذا لانعمل ماهو اهم من ذلك

ويمكن المنتدى بداية الطريق لهذه الاوضاع

[السنافية]

المشاركة الأصلية كتبت بواسطة عضيد أخوه

مانبي نستنتج شي لان الموضوع مخصص لرجال ودعوتي فيه لرجال وليس النسااء

وش اذا بنجتمع بنجيب معنا الحريم

شاكر لك تواجدك ولاتعيدينهااااا

لو كان الموضوع طرح بمجلس رجال كان أفضل من طرحه بين طيات المنتدى فمن يحمل هتافات غير من يسعى جاهدا لبث الفكرة وطرحها بجدية
وحتى تكن له حجة ولايرميها بين صفحات المنتدى ثم يتخيل نفسه أنه في مجلس قبلي ويأمر ويمنع فيه بالتحدث!!!!

فالمنتدى ليس حكرا لك أو لغيرك حتى امتنع فيه عن التحدث وحينما يصبح الموضوع في مجلس قبلي تعال ذلك الوقت وأمر من تأمر

[عضيد أخوه]

المشاركة الأصلية كتبت بواسطة السنافية

لو كان الموضوع طرح بمجلس رجال كان أفضل من طرحه بين طيات المنتدى فمن يحمل هتافات غير من يسعى جاهدا لبث الفكرة وطرحها بجدية
وحتى تكن له حجة ولايرميها بين صفحات المنتدى ثم يتخيل نفسه أنه في مجلس قبلي ويأمر ويمنع فيه بالتحدث!!!!

فالمنتدى ليس حكرا لك أو لغيرك حتى امتنع فيه عن التحدث وحينما يصبح الموضوع في مجلس قبلي تعال ذلك الوقت وأمر من تأمر

والله عاد مدري وش تبين بالزبط وتفسير لعدم الاحراج فقط

وانا اقولك جزاك الله خير وماقصرت

[متلثمة بشماغ اخوها]

المشاركة الأصلية كتبت بواسطة السنافية

لو كان الموضوع طرح بمجلس رجال كان أفضل من طرحه بين طيات المنتدى فمن يحمل هتافات غير من يسعى جاهدا لبث الفكرة وطرحها بجدية
وحتى تكن له حجة ولايرميها بين صفحات المنتدى ثم يتخيل نفسه أنه في مجلس قبلي ويأمر ويمنع فيه بالتحدث!!!!

فالمنتدى ليس حكرا لك أو لغيرك حتى امتنع فيه عن التحدث وحينما يصبح الموضوع في مجلس قبلي تعال ذلك الوقت وأمر من تأمر

صح لسانك سنافية