الفيلم المثير

[ابو عادل]

الفيلم المثير الفيلم المثير الفيلم المثير الفيلم المثير الفيلم المثير

[poem="font="Simplified Arabic,5,black,bold,normal" bkcolor="transparent" bkimage="images/backgrounds/7.gif" border="double,10,burlywood" type=2 line=0 align=center use=ex num="0,black""]

جـيـت دار السينـمـا لمشـاهـد الفيـلـم المـثـيـر=وابتدا عرضه وانا بين الحضور أصغـر خبيـر
يومهـا قالـوا وش اللـي جايبـك وانتـه صغـيـر=قلت انـا بستجمـع افكـاري بعـد راحـت شتـات
ابتدا المشهـد بلقطـة شخـص فـي حلـو المنـام=غـارقٍ فـي حـلـم واحـلامـه غــرامٍ فــي غــرام
والعـيـون تسـابـره مــن كــل صــوب بـلاكــلام=واشرقت شمس الصباح وقام من حلو السبات
استفـاق النايـم الحالـم عـلـى صــوت الغـريـب=واحتدم في الصدر ضيقة من بعيد ومن قريـب
فسروا حلمه غلط واعطـوه ضحكـة سـن ذيـب=قـالــوا احـلامــك بـريـئـة ماتـسـمـى مـوبـقـات
قـال انـا برجـع واكمّـل فـي سريـري ساعتـيـن=أتـركـونـي ودي اسـتـمـتـع بـحـلـمـي مـرتـيــن
قـالـوا اصـحـى كـلـنـا جـيـنـاك طـلابـيـن ديـــن=فـوق مـن حلمـك وعينـك للصـقـور الحايـمـات
ابـتـدا هـمّـه مــن الـــزوار واخـلاقــه تـضـيـق=قـال نـادوا لـي شقيقـي وينـك؟ افـزع ياشقـيـق
ماعلـيّ خـلاف انـا يطـري علـى بالـي صـديـق=والـكــلام الـلــي تقـولـونـه مــجــرد شـايـعــات
كابـد همـومـه والاصـحـاب الحميمـيـن خـذلـوه=كـلـمـا حــــرر يـديـنــه مــــن قــيــوده كـبّـلــوه
والشقـيـق اقـشـر مبـهـذل والعصـابـة حـيّــدوه=لاتــمــتــع بـالـحــيــاة ولاتــهــنّـــا بـالــمــبــات
جـاه هاتـف ليـل قلّـه صـار موضوعـك خطـيـر=خابرينـك يــوم جــدّك تلـبـس الـثـوب الحـريـر
ويـن ثوبـك؟ وش بلاجـدّك غنـي وانتـه فقـيـر؟=والله ان الموت لك ياالهيس خير مـن الحيـات
بـاح مكنـون الضمايـر وانـت مثـقـل بالـجـراح=والمذلّـة والهـوان تسـيـر فــي عـرفـك سـمـاح
ارض بالـلـي صــار ياثـرثـار والـلـي راح راح=عيـش عمـرك حــول قـبـرك مـالـك وللطـايـلات
انتهـى المشهـد وحنّـا بيـن خـوف وبيـن امـان=وفـيـه لقـطـة بـآخـر المشـهـد ولابــان المـكـان
ومن شروط المخـرج ان اللـي تشوفـه مايبـان=والكـلام اللـي مـع الـصـورة مـجـرد همهـمـات
المـهـمّ انـــي مـركــز فـــي شـريــط التـرجـمـة=قـالـوا الـلـي حاضـريـن انـتـه غـبـي ماتفهـمـه
صـحّ معهـم حـقّ أنـا ماأقـرا الرمـوز المبهمـة=قلـت هـذا اللـي حـصـل والباقـيـات الصالـحـات

[/poem]

[ابوعهد]

صح لسانك وسلمت اناملك

[الشيهان]

ماشاء الله تبارك عليك يابو عادل والفن لاهل الفن والابداع امثالك

صح لسانك وسلم بنانك ولاعدمناك

[الفين]

احسنت يالشاعر

والفلم اعتقد انه اربع ساعات راح منها ساعه وباقي ثلاث خلك متابع

ولن مافهمت الترجمه يكفيك النظر وتفهم القصه في نهاية الفلم بعد كل ارض تشرب ماها والبطله ماكماها

واحنا يالمتفرجين هاهاهاهاهاهاهاهاها

[مدهش]

خذها من مدهش يا بو عادل
كنت أظن إني أحسن واحد في الساحة يقرأ لك
لكن لقيت قصيدة غارقة في الرمزية حتى عظمة اللحي
لاتمـتـع بالـحـيـاة ولاتـهـنّـا بالـمـبـات
اذا كانت الحياة اليقظة و المبات النوم فهي ماشية معي ومعك
لكن اذا كانت الحياة و عكسها الممات فهي مدقرة معي , بس لا هو هني في حياته و لا هو هني في مماته حسبي الله على شيطانك
تقبل مروري و طابت ليلتك

[اليزيدي]

كابـد همومـه والاصحـاب الحميميـن خذلـوه
كلمـا حـرر يديـنـه مــن قـيـوده كبّـلـوه
والشقيـق اقشـر مبهـذل والعصابـة حـيّـدوه
لاتمـتـع بالـحـيـاة ولاتـهـنّـا بالـمـبـات


بدون مجاملة روعة

وبيض اللة وجهك
وصح لسانك

[@ بن سلمان @]

صح لسانك يا بو عادل
ان كان تامرني على الفين و مدهش فابشر بما يسرك

[أبو عبدالرحمن]

جزالة الألفاظ ... علامة فارقة لشاعرنا الكبير ـ أبو عادل ـ

قوة المبنى ...تلهي عن تتبع المعنى

صح لسانك ... ولا عدمناك..

[مشعل الثمالي]

صح لسانك ابو عادل
بيض الله وجه من زاد عزه بعز قومه
تحياتي ,,,

[بن داخل]

فسروا حلمه غلط واعطـوه ضحكـة سـن ذيـب

قالـوا احلامـك بريئـة ماتسـمـى موبـقـات

آه من الأغلاط اللي تودي في داهية

بس صح لسانك

وسلم بنانك