مجاهيم الليالي

[البروفيسور]

مجاهيم الليالي مجاهيم الليالي مجاهيم الليالي مجاهيم الليالي مجاهيم الليالي

مجاهيم الليالى وصلها فرحه وسجـت ليـل=تجى غدره على شكل الفرح فـأول مساريهـا

تمدك فى لقا صدفه بواقـع يرفـض التحليـل=على شكل الرموز الصادقـه ترسـم مباديهـا

نوايه مابهـا كذبـه ولا خدعـه ولا تظليـل=علا قات النزاهه والصفـاوه مـن مواريهـا

ترا اول خطوة العشاق فرحه ورتياح وميـل=مشاعر صادقه عذبه سحاب الشوق ساقيهـا

بغفلة ود تسرقك اليالى غـدر بقصـى حيـل=ولا تعلم بأن الـروح تاهـت عنـد غاليهـا

لونك فى هدب عين الغلا تشرب قراح النيـل=يوردك الضمى والنفس كثـر الهـم طاويهـا

يذكرك الزمن وضعك قبل تسرج ظهور الخيل=على درب الغرام اتجاهـد الرحلـه وصاليهـا

تراودك السعاده مايجيك امن الهمـوم معيـل=مريح القلب نفسـك مالقـت همـن يعاديهـا

على رجم العنا ناديت قلبى والخفـوق بخيـل=تعاوينى ذيابـة خافقـى وجسـر وعاويهـا

بعد ما طال صبرى ونثنى والحمل هد شعيـل=وقفت ابنكس اركابى وشامت عنـد راعيهـا

اذا قلت المفارق خير شفتك يالمواصل سيـل=ولا ادرى وين تارد نفسى العفـره هقاويهـا

هبوب الحزن ساقت فى سما دربى سحابة ويل=وصار القلب مرباع الهـوم وسـال واديهـا

هقيتك يا سحاب الحزن فرحه يوم كنت اخيل=حضنتك والضنون العوج شربت من مضاميها

على جال الصبر عزمى هيال ونظرتى لسهيل=برجوى منطلق لحظـه تحررنـى مراسيهـا




للشاعر /حوشان الحوشان