الوزير المأسس

[@ بن سلمان @]

الوزير المأسس الوزير المأسس الوزير المأسس الوزير المأسس الوزير المأسس

الحديث عن العروس وليالي الزواج حديث متجدد والزواج وان كان باباً للسرور للمتزوج ومدعاة للفرح والبهجة عند أهله وذويه , الا أنه عند المعازيم وخصوصاً أصحاب العائلات يعتبر ضائقة وخبر غير سار في ظل تعدد حفلات الزواج وخاصة في فصل الصيف , والتكلف الذي يصاحبها .

ذكر لي مرة صديق انه في زواج احد اقاربه صرف على تجهيز زوجته وبناته ما يقرب من ال18000 ريال !!!بينما عانيته لقريبه مازادت عن 1500 , اللهم لا اعتراض , صدق العروسة للعريس والتعب للمتاعيس اللي هم المعازيم , ثم تعال لليلة العرس وانت تركض بذا الحريم وما تدخلهم مع باب القصر وانت طافي ويلزم عليك تجي وتسلم على العريس وتباركله وتهنيه وانت فاق خشتك يعني فارج اساريرك وغصب بغيت والا ديور مع الباب واسري , ثم تدخل وتبي من يوسع صدرك ولياك ما تلقى الا هذا متوجه على ذاك , وذاك يعلق عليك عاني وان بنداخل زاهق عليه , وذا يشدك من يدك ويحلفك بالله انك تعرف زهور الريف ويقسم لك باغلض الايمان انه ماراح يقول لاحد بس علمه من هو ؟ , وانت تشيل في ورقة البلوت ودك احد يلاعبك ويوعدونك بعد العشا , وبعد العشا ودك في صفين وخلوها .

الحاصل ان بعد العشا كل يبي يسر ي الا اصحاب العوايل مكتوب عليهم ...باقي من الشقاء حتى الفجر .
اسمعوا لشاعرنا القصيدة التالية / ووسعوا صدوركم علي ..

[poem=font="Tahoma,2,#660000,normal,normal" bkcolor="#FFEDAA" bkImage="" sdImage="sides/10.gif" border="solid,1,#cccc00,#999999" type=2 line=0 align=center use=0 shcolor="" shgcolor="" gwcolor="" stretch="300" pwidth="500" num="1,#000000" break="breaklines/13.gif"]
البارح انا كنت سهران في قصر اندلندس = واللي يبي يندس يندس في داره وواديه
طالعت ولين المعازيم راحو مالهم حس = واهل القرى يقلون هذا القصر ماينلعب فيه
ياربي اني سد وجهك وش الحظ المعوكس = ما نسمع الا الدف والكوكوه كيكو تغنيه
واحد يبي يسهر والاخر يبي يسري بالاملس = لا خير في اللي جاب الاملس ولا في اللي يوديه
يالله عساها ماتجي الا بعد ماتطلع الشمس = يقعد يدور وين للاملس عسى الله لا يحييه
عساه عند الخمس ترميه في ذيك المخمس = يرمي بها اللي لارمى مايبي يخطي مراميه
امسيت طول الليل سهران عهدي بالمنام امس = واللي يبي ينعس شوية غلب ما عاد يمديه
الساعة اربع دوب جاني الوزير اللي مأسس = عساه يذلف مامعي الا يكون الفرض اصليه
صليت وليا ان المأسس نعس ماعاد ينعس = اضرب براسك يا ... في المكان اللي سجد فيه
قلي علامك ماتحط الوسادة قلتله بس = ان ماتوسد في اول الليل ما اتوسد في تاليه[/poem]

[حسن عابد]

بن سلمان
قرأت العنوان وجدته موجه لزهور الريف
لكن احببت اسجل حضوري
تحياتي

[@ بن سلمان @]

حسن عابد /
سرني تواجدك
العنوان لجذب الانتباه فقط
والموضوع قضية عامة

[المشتاق]

[grade="00008B FF6347 008000 4B0082"]موفق يا بن سلمان
شكلك ولعت الفتيلة مع زهور الريف الله يعينك على الرد يا خوفي عليك تسريك [/grade]

[عوض بن سلمان]

اقول وانا عمك
ريعك الظاهر انهم يقرون من يسار ليمين
عدل يدك اذا كتبت عشان يقرونها زين

[واقعي جدا]

الشكر لك اخي
قضية شائكه واعتقد انه من الصعب القضاء عليها
ولكن قد يكون من الممكن التخفيف منها

دمت سالما

[النادر]

ابا هبه

اخشى ان تقراء كما قراءتها انا....

لانهم قالوا ولد بطني يفهم رطني (( مثل وتعلمته منك))

عموما ً مالك ومال المأسس ...خله في شقاااااه

النادر

[الصاروخ]

بن سلمان :
القصيدة رائعة جدا ، وتصف بعض معاناة المتاعيس(المعازيم)
ليتك أكملت الفراغ في البيت التاسع بكلمة بدلا من النقط. ومشكور.

[@ بن سلمان @]

[grade="00008B FF6347 008000 4B0082"]موفق يا بن سلمان
شكلك ولعت الفتيلة مع زهور الريف الله يعينك على الرد يا خوفي عليك تسريك [/grade]

>>>>>>>>>>>>>>>
المشتاق /
الموضوع عام وماهو معني باحد
واقحمت اسم زهور لارضاء المتطفلين اللي يطامرون على شوفة( اسمه )لاحظ ( قلت اسمه )
والقصيدة ليست من قولي وهذه حقيقة

[@ بن سلمان @]

اقول وانا عمك
ريعك الظاهر انهم يقرون من يسار ليمين
عدل يدك اذا كتبت عشان يقرونها زين

...................................
يا عم /
ربعي يقرونها زين
بس يحبون يتميلحون
وان المرمى بعيد
وحذفنا حولة