إهداء خاص لمعلمي ووالدي الأستاذ سعد بن مسعود

[غضنفر]

اشكرك يا الذيب وصح لسانك

والممدوح يستحق هذا واكثر

[الذيب]

خلف بن عبدالعزيز
وغنضفر
شكراً لمروركم العطر
تحياتي / الذيب

[الفين]

صح لسانك يالذيب وابو خالد يستاهل وكل مدرس يستاهل اكثر من ذلك

اتفق معك ان المعلم يجب ان يكون له مكانه غير كل الناس واختلف معاك في هذه العباره (لبعض الأمور التافهه كالضرب مثلاً)
فلم يكن ولن يكن الضرب تافها في يوم من الايام الا اذا كان المضروب ليس له قلب فصاحب القلب اما ان يجتهد ولا يضرب وهذا غير ممكن في الزمن الماضي لان الضرب لم يكن من اجل العلم وانما من اجل فرض الهيبه
واما ان يضرب الشخص ولاينسى ذلك

[الذيب]

صح بدنك يا ألفين
ومن ناحية الضرب بعد 30 سنه ماتنسى الضرب
اللي ماينسى بعد ما يتخرج من الأبتدائي بـ30 سنه هذا قلبه اسود
وليش ضربك
مو عشان يفرض هيبه بالعكس عشان يربي ويأدب ويعلم
والدليل إن الضرب مفيد
شوف التعليم زمان وشوف التعليم ألحين
وقارن وشوف الأفضل
والواحد ياخي لازم يسامح اللي علمه ويكون قلبه أبيض
اهم شيء إذا كنت من اللي أنضربوا من أبوي سامحه والله يجزاك بالخير
أشكر مرورك يا غالي
اخوكم ومحبكم/ الذيب

[الفين]

المشاركة الأصلية كتبت بواسطة الذيب

صح بدنك يا ألفين
ومن ناحية الضرب بعد 30 سنه ماتنسى الضرب
اللي ماينسى بعد ما يتخرج من الأبتدائي بـ30 سنه هذا قلبه اسود
وليش ضربك
مو عشان يفرض هيبه بالعكس عشان يربي ويأدب ويعلم
والدليل إن الضرب مفيد
شوف التعليم زمان وشوف التعليم ألحين
وقارن وشوف الأفضل
والواحد ياخي لازم يسامح اللي علمه ويكون قلبه أبيض
اهم شيء إذا كنت من اللي أنضربوا من أبوي سامحه والله يجزاك بالخير
أشكر مرورك يا غالي
اخوكم ومحبكم/ الذيب

اول شي ليش تقول 30 سنه بالتحديد هذا الرقم لازم تفسره لانه مؤكد فيه دلالات
ولو ابو خالد ضربني قلت الله يسامحه لكن هو ماضربني ولم يعلمني اصلا انا اتكلم معاك من منطلق مبادئ وليس مواقف عمر الضرب ماكان وسيله تعليم والدليل ان الكثير من الطلاب زمان يهربون من المدرسه ويرفضون الذهاب اليها باسباب الضرب
اقلك حاجه فيه مدرس زمان كان يضرب الطلاب على شان انهم يلعبون في الكفرات بالعصر وفيه مدرس كان يضرب الطلاب على شان انهم يلعبون شرعة في المخيام وقت الزواج في الصيفيه وفيه مدرس كان يطلع منديل انفه من جيبه ويسحب به لسان طالب بالصف الاول الابتدائي لانه عنده صعوبه في نطق بعض حروف القران وش تقول في هولاء المعلمين وفيه مدرس ضرب طالب كف خبط راسه في حافة السبوره وانشقت جبهته وفيه مدرس ضرب طالب في الصف الخامس بالفرجار الخشبي حق السبوره حتى انكسر الفرجار على راسه وفيه مدرس يضرب الطلاب جميعا في الفصل بلي المويه حق الحديقه اللى طوله اكثر من 20 متر وفيه مدرس مسك طالب من رجوله في وضع منكوس ويضرب راسه في الارض وفيه مدرس يضر الطلاب في الصف الثاني 24 جلده يوميا على شان جدول الضرب وفيه مدرس يضرب الطلاب في الصف الثالث بابريق الماء المصنوع من الحديد على رؤسهم ويقول هذا صوت البرد قلي بالله عليك هذولي معلمين حاشا وكلا وتالله انهم اجهل من خلق الله وش هدفهم التاديب ليه اهل الطلاب مايعرفون يؤدبون اولادهم والا هذولي اوصياء على ابناء الناس واحنا ما ندري

اقول القلب الابيض يجب ان يكون قلب المعلم وليس قلب الطالب لان الطالب يتعلم الحقد والتسامح من استاذه

[همس الحياة]

صح لسانك يالذيب وعطيك الف عافية وابوخالد يستاهل
بس ماله داعي من نشر الغسيل وبدون فضائح انت والفين واللي صار صار وانتهى واحنا عيال اليوم

وما اعتقد فيه احد يحقد على ابو خالد الكل اشوفه يقدرة حسن التقدير ولا على غير من معلمي مدرسة ثمالة
الا اذا انت تبي توصل رسالة لاحد قابله بها وجه لو جه وصف النفوس
واعتقد المنتدى مو حق الكلام المنتدى باب ندخل منه للفايدةوالفايدة للجميع

[الذيب]

ألفين أنا ما أقصد الضرب البشع بالطريقه هذي

اصلا انا اتكلم معاك من منطلق مبادئ وليس مواقف عمر الضرب ماكان وسيله تعليم

لو بتتكلم عن مبادئ اقرأ.


إذا كنت جامعي فأنا أضن إنك درست مادة تربويه إسمها أسس ومبادئ التربيه وكان من مراجعها الفرعيه كتاب اسمه التربية وبناء الأجيال في ضوء الإسلام للدكتور أنور الجندي
تكلم فيه عن أساليب التربيه والتعليم اللي هي
1- الترهيب و العقاب
2- الترغيب والثواب
ياخي حتى الطلاب ما يحترمون المعلمين بسبب كلمة الضرب ممنوع

أنا معاك إن ضرب القوي غير نافع بالعكس له ضرر نفسي وجسمي على الطالب

بعدين ثلاثيت سنه هذي مثال مايحتاج تفسير ولا شيء

وش هدفهم التاديب ليه اهل الطلاب مايعرفون يؤدبون اولادهم والا هذولي اوصياء على ابناء الناس واحنا ما ندري

نعم أوصياء بما أن أهل الولد جابوه أعلمه وأربيه فالمعلم وصي
الطالب يقضي اغلب الوقت في المدرسه أكثر من الذي يقضيه مع والديه في البيت يعني معي كمعلم وأنا المسؤول عن سلوكياته

نعم الهدف التأديب : أسمها وزارة( التربيه) والتعليم
بس صدقني المعلم حالياً يعاني من المهزله من الطلاب من تهديد وضرب وقلة احترام بسبب القوانين الفاشله
حتى اصبح المعلم يخاف من الطالب أنه يضربه أو يضره في بيته وأهله مثل بعض القصص

مع إن المعلم حالياً افضل من السابق من ناحية العلم والثقافه والتطور وحسن التعامل

أعتقد لو تجلس مع معلم وتسمع المشاكل اللي يواجهها من الطلاب لتقف في صف المعلم




الإختلاف في الرأي لا يفسد للود قضيه

وجهة نظر
أسعدني النقاش معك

همس الحياة لك خالص تقديري واحترامي على مرورك
بالعكس ياهمس لا زم من النقشات المفيده وأنا ما أقصد أحد بعينه مجرد حوار يدور حول الضرب ولا يوجد أحد معني فيه
نتكلم عن محاسن الضرب ومساؤه .

[أبوخالد]

الذيب
والله انك ذيب وتستاهل الاسم
بيض الله وجهك
وصح لسانك
وحفظ الله والدك من كل مكروه
واطال الله عمره في طاعته
شهادتي فيك مجروحه ياذيب
الله يحفظ سعد وعياله من كل سوء
الى هنا وتقف حروفي حائره


[POEM="font="Simplified Arabic,4,black,normal,normal" bkcolor="transparent" bkimage="images/backgrounds/12.gif" border="solid,4,gray" type=2 line=0 align=center use=ex num="0,black""]ياذيب والله حروفك من الماس=ويستاهل التقدير شخص(ن)ذكرته
[/POEM]رجائي منك ان ترد على كل تعليق بـ مشكور واسعدني مرورك
بدون الدخول في مهاترات تافهه لا اصل لها الا الحقد اكرر شكري واعجابي
نصيحة اخ كبير يابوسعد

[الذيب]

صح بدنك ووجهك الأبيض
حياك الله وبياك وأحسن مثواك في آخرتك ودنياك
يا أبو خالد
اسعدني مرورك العطر اذي فاح بكلماته الجميله في زوايا الموضوع
وبياض الوجه ماجبته من بعيد
وصح لسانك أيضاً

اخوك/ الذيب