ثرمده من هنا وهناك 4

[أستــــــــــاذه ملاك]

ماشـــآء الله تبارك الرحمن ثرمدة غير شكل وتوكيـــل مميز من شخص مميز إلى شخص مميز << كرروهــا ..عشر مرات هع.

الحمد لله على سلامة المنديالي لابأس طهور إن شاء الله
كتبت في الثرمدة الجزء الثالث وعلقت على بعض الصور ولم أجد رد وهو سبب إنسحابي من الثرامد ..
قلت يمكن اغلقوا الموضوع عن العنصــر النسائي..

[المنديالي]

المشاركة الأصلية كتبت بواسطة ~ملاك الروح~

ماشـــآء الله تبارك الرحمن ثرمدة غير شكل وتوكيـــل مميز من شخص مميز إلى شخص مميز << كرروهــا ..عشر مرات هع.

الحمد لله على سلامة المنديالي لابأس طهور إن شاء الله
كتبت في الثرمدة الجزء الثالث وعلقت على بعض الصور ولم أجد رد وهو سبب إنسحابي من الثرامد ..
قلت يمكن اغلقوا الموضوع عن العنصــر النسائي..

عدم تعليقي للمره السابقه من الاتصالاات الله يقلعها يوم تعطينا الاتصال ومره تقطعه وثالثه مدري وش يخنبسون بالكبينه واسير لا متصل ولا مقطوع الخط ورطوني لكن شمرت وخرجت ناوي مدير الشركه لو ما مسكوني الجيران والناس بالشارع كان وصل الدم الركب وقالولي خلك رجال عاقل وقلهم يصلحونه وما قصرو اراهم كنهم صلحوه والليله طلقه قولو ماشاء الله تبارك الله وجابولي سلك يقولون هذا مافيه منه ماحطيناه الا لك يوصل للحاره كلها وما احد يقدر يخرب عليه بنشوف شكلهم ضاحكين عليه لانهم ماينعرفلهم ولاينضمنون الله يخارجنا منهم .

اعتذر منك طال عمرك ومن الجميع وابشرو بالثرمده السنعه وبعدين مجنونها ماقصر مشاء الله عليه ماينقدر ثرمدته غير .

[مجنونها]

الله يعينك على السبت الجاي
والله يوم إني أتخيلك و أنت غابش في ذاك البرد تثرمد إن لساني يعلق في جماي

[المنديالي]

المشاركة الأصلية كتبت بواسطة مجنونها

الله يعينك على السبت الجاي
والله يوم إني أتخيلك و أنت غابش في ذاك البرد تثرمد إن لساني يعلق في جماي

الله لايسرح علينا الا بخير
وشب اصدقاي واصحابي عليك

تراهم يسونها فيه لكن مثلي ومثلك من يعذرهم لانهم يلاقون متاعب وقلق وخاصه حقين اللون الاحمر والازرق الهلالي تراهم بعد يقطعون الحيل بالحيل .

لكن نقول استرو ماواجهتم ان لقيتم منا خير فالخير واهله وان خبصنا العلوم داروها قدر استطاعتكم ولا تضغطون كثير ترونا نحبكم والغلط مردود وترو ما احد معصوم .

واتمنى اشوفك بالثرمده الجايه


يابنت العم ياملاك



الضعيف ذا وش تبين منه اشوفه من اليوم عصر وهو ماغير يروح شويه ثم يرجع لمكانه مدري متى يصل مشواره تذكرت قصت واحد بليبيا نزلت عليهم الثلوج امس ويقول نسيت جوالي وانشغلو عليه اهلي فطلع ابوه وامه يدورون عليه يقول جيت متأخر لان الثلوج سكرت الخطوط ولا رجعت الا متأخر يمكن 4 ساعات المهم وصل البيت لقى ابوه وامه خرجو يدورونه اتصل عليهم ما انتبهو للجوال قام خرج يدور عليهم وخواته بالبيت ترك لهم الجوال عشان يبلغون اهله توه طلع انتبهت امه للجوال اتصلت علموها انه طلع يدور عليهم رجعو اهله البيت وهو ما رجع الى اليوم الفجر وعلى قوله يقول جيت احسبها جامعه وتوهان بالشوارع يتخللها يمكن اقل من ربع ساعه بالبيت حوالي 16 ساعه بالشوارع يدور .

الله يخارجنا

[سنا الهجرة]

والله ان من أكبر المنغصات على اصحاب الالوان اللي ذكرتهم يا مونديالي
يوم نفقد واحد من احبابنا اللي لنا معاهم وقفات وصولات وجولات .. على تلكموا الصفحات
لكن الجيزاني ما قالها من فراغ يوم قال النظام نظام >>
مشكلتنا اننا نتكاثر تطبيق النظام من الاحباب ويكون برداً وسلام من الاغراب
مع اننا نتألم أكثر منهم يوم يغادرونا ...

[أستــــــــــاذه ملاك]

المنديالي شكل الصورة عاجبتكـ ثاني تعليق تعلقه على ذا اللي يتمشى
المشكلة ماقرأت العبارة اللي تحتها فيه ناس كذا يحطمونكـ ويخلونكـ تتشائم وماتستمر في عملكـ وينهار كل شئ
لو رميت كلامهمـ عرض الحائط سلمت من كل شئ

عجبني تعليقكـ على الصورة والقصة الفكاهية ههههههههههه ماأدري نهاية القصة لقوا بعض .؟

[المنديالي]

المشاركة الأصلية كتبت بواسطة سنا الهجرة

والله ان من أكبر المنغصات على اصحاب الالوان اللي ذكرتهم يا مونديالي
يوم نفقد واحد من احبابنا اللي لنا معاهم وقفات وصولات وجولات .. على تلكموا الصفحات
لكن الجيزاني ما قالها من فراغ يوم قال النظام نظام >>
مشكلتنا اننا نتكاثر تطبيق النظام من الاحباب ويكون برداً وسلام من الاغراب
مع اننا نتألم أكثر منهم يوم يغادرونا ...

ابو عبدالله

الله لايبيح من يشكك بنزاهتكم وحبكم لنا كلنا كبير وصغير وندري انكم ان سلمتم منا ماسلمتم من غيرنا وما نقول الا الله يعينكم .
مدري وش جاب سيرة الجيزاني لكن يقلك ان اشد الناس على الناس اهل الجنوب بمافيهم جيزان مدري ليه الفكره .
لكن اسألني ان كان فيه امور ماليه معينه تتعلق بي ماشيه بشكل طبيعي جا واحد مدقق مالي من اهل الجنوب وطلعلنا في الرز بصل وسرت اميل بقوه للمقوله الي قلتها فوق <<<<< كلسلان يكتبها مره ثانيه .

الله يسعدكم ويعينكم وترى ماقول كلامي مواربه ولا تدليس لاوالله الا معرفه ومحبه لكم

المشاركة الأصلية كتبت بواسطة ~ملاك الروح~

المنديالي شكل الصورة عاجبتكـ ثاني تعليق تعلقه على ذا اللي يتمشى
المشكلة ماقرأت العبارة اللي تحتها فيه ناس كذا يحطمونكـ ويخلونكـ تتشائم وماتستمر في عملكـ وينهار كل شئ
لو رميت كلامهمـ عرض الحائط سلمت من كل شئ

عجبني تعليقكـ على الصورة والقصة الفكاهية ههههههههههه ماأدري نهاية القصة لقوا بعض .؟

يابنت العم
ترى الليله احس ان هروجي كثيره فلا تدققين مدري وش السالفه الضاهر اني متأثر بنومة الظهريه وشربتلي براد شاهي لوحدي اخرها مدري وش صابني سرت اشرب من بزبوز البراد وتركت الفنجال ومقاعي الكمبيوتر هذا
انا ما نتقد الصوره بالعكس فكرتها جميله وتصميمها ابداع واللي فكر فيها اصلا شكله شارب البراد من البزبوز زي الليله.

على سيرة البراد وبزبوزه فيه واحد اعرفه مايحب يشرب الشاهي اذا كان لوحده والبراد جمبه وبارد شوي الا من البزبوز " تصدقين عاد الضاهر بسوي زيه طريقه كايفه " الحاصل يقول مره نسي وكان البراد حار ويادوب حط البزبوز بفمه قام يطامر ويصيح جاته امه تقول وشبك ويشرلها على البزبوز حق البراد وتشوف الشاهي مكتوت على الفاراش تقول وش فيه انكسر البزبوز ..... تحسب الضعيفه ان بزبوز البراد انكسر ...

ادري ثرامد ما لامها داعي لكن الشرهه على البراد
م

[واقعي جدا]

طابت ثرامدكم بكل خير
ربما تطيب لي الاقامة هنا إن وجدت ترحيباً ساخناً

مر من هنا واقعي جدا

[أستــــــــــاذه ملاك]

منديالي أنا فقط اشرح لكـ التوقيع << فيلسوفه ..

[المنديالي]

المشاركة الأصلية كتبت بواسطة واقعي جدا

طابت ثرامدكم بكل خير
ربما تطيب لي الاقامة هنا إن وجدت ترحيباً ساخناً

مر من هنا واقعي جدا

بامرحبا ياواقعي

شرفت ولا كلفت

يشرفنا بل يسعدنا ان تثرمد معنا وترى علومنا من روسنا يعني لاتحظير ولا شيئ سولف لنا كنك تسولف مع اهلك وخاصتك


وبما انك واقعي جدا فوش رايك تقلنا وين الواقعيه في زمنا الاقشر هذا وهل من الواقعيه اني القى كيس السكر اليوم بــ 52 ريال الــ 10 كيلو

مره اخرى فرحنا بوجودك واسفرت وانورت واسفهلت وامطرت