وين خفيت يا مخاوي منقاش ؟

[منقاش]

وين خفيت يا مخاوي منقاش ؟ وين خفيت يا مخاوي منقاش ؟ وين خفيت يا مخاوي منقاش ؟ وين خفيت يا مخاوي منقاش ؟ وين خفيت يا مخاوي منقاش ؟

يا جماعه مخاويني بالنسبه لي مثل التتن اللي راعيه ما يقدر يسلاه ويفارقه مع أنه عارف أنه مضر وحرام ومروح .
يالأجواد الرجال ذاب هاليومين كما يذوب فص الملح في الماء , ولا عاد له حس ولا خبر والظاهر أنه غدا مغدا رويعي الكلاب.
وأعتقد أن سبب أختفاء الهابي قرب دخول شهر رمضان المبارك اللي تصفد فيه المرده والشياطين , وهذا الكلام ترونه يبرهن لكم على صحة كلامي أول ما دخل مخاوي المنتدى وابتدا يزبد ويربد ويهدر كما البعير ويتهدد في منقاش ما دري أنه صيدي على تيدي .
واقول له يا وليدي يا مخاوي لو حسبنا حساب العصافير ما ذرينا الدخن ,, وخلك تستاهل اللي جاك والمقبلات عليك أكثر من الرايحات, وما أحد ضرب على يدك وقال لك تنزل في الميدان تبارز ألأسد الشيخ منقاش الله يحفظه وانت ما أنت كفو لا أنت ولا ابن عزاب راعي مقال رفقا بالقوارير لا تخربشونهن وهو أكبر مخربش , ولا الكذوب ابو أمجد اللي يرقد عن عشاه , ولا باقي الشله التعبانه اللي تعرف أني أعنيها بكلامي واحد واحد .

[ما عندكم أحد]

على هودكم مدفع رمضان باقي عليه وقت لا تعجلون وانا سامع اشاعة تقول يمكن السنه هذه يمكن يجي عفو وخاصة بعد غلاء الاسعار , وسمعت ان اهل التمر السنه هذه عندهم عروض زينة يبون يكسدون على اهل الرز يقولون السكري الزين اللي مره زبيله ب 150 ريال وبدون فصم ومع الفصم ب 100 ( وهذا اللي مغيب مخاوي منقاش ) يقولون متقاول مع مصنع يفصم لهم النوى الكيلو بريال

[@ بن سلمان @]

إن ما خاب ظني إن مخاويك أقصد مخاوي ( ما قصدت الشيطان ) في أحد الدول اللي عندهم براد ( هوا بارد ) لا يروح بالك على براد شاهي بالحليب , وكني أشوفه على بلاجاتهم يتسدح وهو أملط ما عليه إلا سروال عن قولة عيب وعلى باله يتشعبن مع اللي متعودين على الشعبنة وخاصة إن الفيمتو عندهم بطعم البرتقال

[ابو عادل]

يامنقاش أحسن الظن بخويك
الغايب حجته معه ، لاتلحق الرجال بشينه لين يرجع وتاخذ علومه.

[منقاش]

يا رفيقي ياللي ما عندكم أحد : الفصي لمخاوي والتمر للشيخ منقاش .
ابن سلمان : لا تفضح مخاويني , ترى اللي قلته صحيح , واحيان الرجال ما يشعبن الا في أيلات .
ابو عادل : وينك يبو عادل ؟, لا غاب المطر غيبتك , يارجل فقدناك في ألأستراحه .
أما بخصوص مخاويني فعلمه جاكم به ابن سلمان .

[مشاكس]

منقاش
خويك غير الإتجاه
وسمع بالثروة اللي كان طمعان فيك ومخاويك على شانها انها رايحه
لموكلي فؤاد وجاني خبر من شيري قبل قليل تقول ((فيه واحد بدوي
بس نضيف جالس مع الواد فؤاد في صالون الإستقبال وسمعت فؤاد
يقول له بعضمة لسانه حد الله مابيني وبين الحرام والبدوي يقول له
هذي جودة كريم ماتنرد واداله تلاته كراتين فيها تمر مره حلو وشكله يهبل
والكلام لشيري بالحرف )
والظاهر ان خويك باعك بيعة الملح (((( ذق شر أعمالك)))

[مخاوي منقاش]

امابعد/
اول ماابدا بالرد على اللي يستاهلون ان تعطيهم وجه واولهم ابو عادل اطال لله بقائه وانت دائما تحسن الضن بي بارك الله فيك وسوف اوصي منقاش بك خيرا0
ابو عبد الرحمن الكلام اللي قلته بي بانني رجل شهم كريم اترفع عن صغائر الذنوب والامور وان منقاش والمشاكس لا يعادلون اظفر من ظفوري كلام صحيح من رجل عاقل0
ماعندك احد/يوم تنشب بحلقي انا ناقصك وبعدين انت حاسدنا على كم نخلة عندنا وانا عمري ماجبت طاري الرمان واصلا بحياتنا ماذقناه 0

اما ابن سلمان ومنقاش فيمهلوني سويعات للرد عليهم هم والمشاكس

[منقاش]

يا مخاوي خذ هذا الرابط واقطع واخس :
https://il.packet.me.uk/dmirror/http/alsaha.com/

[مخاوي منقاش]

انت جيد خذ الرابط عمرك ما قلت خذ هالكرتون واترك الحش في خلق الله انت وجابر في الوادي (عصر الاحد) الجواسيس تتبعكم والله يخلي ابن عزاب الي يوافيني با خباركم0

[منقاش]

يا مخاويني ترى عدنان وعدني أنا والمروح جابر أنه يبي يجينا ألأسبوع الجاي .
نسق مع الرجال وتعالونا سوا , وعندي لكم طلعه تذكرونها بقية أعماركم , أجب؟.