ثقافة العبث فسوق

[بلاحدود]

يامرحبا يامنقاش والله اني ما كنت ناوي لك على شر وقلت خل منقاش وابناء عمومته من البدو يروحون في حالهم ومشغولين في غنمهم وحلالهم ولا يجب ان نحملهم ما لاطاقة لهم به

ولكن أما وانك جيت برجليك وادخلت حمارك في الركب تحمل ما يجيك ياعم منقاش

انت وابناء عمومتك من البدو اكثر المستفيدين من الفساد وبعض جماعتك صار مليونير وراعي ذود واباعر ويشارك في المزاين من ام رقيبه في حفر الباطن الى مزاين سبيع الغلبا الذي سيقام بعد العيد ما خليتوا قصر ولا وزاره الا ودخلتوها تجمعون في الشرهات والهبات والعطايا ولو استقام الأمر انتم اول المتضررين ، فأنتم اداة من ادوات الفساد على قدر حالكم نشرتوا ثقافة المعاريض التي تحتوي على عبارات الذل والاستذلال وقصايد المديح العصماء
المليئة بالتملق والتسلق .

اذا واحد منكم نصبوه مدير مثل ما قلت جاب ربعه كلهم عنده الصالح والطالح وولاهم المناصب
وهضم حقوق البقيه وراحت الوظايف عنده شرهات وعطايا .

يا عم منقاش الي ما يفزع لربعه ما فيه خير ولوحطوك مدير وما فزعت لربعك وجاك رويعي الغنم والا خويه وما فزعت لهم وسويت نظامي تدري وش يسون فيك ربعك ما يسلمون عليك ويسبونك في كل مجلس ويللعنون خامسك وما يوقعون لك عشان تأخذ ختم الشيخه انتبه
والي له عقل ورأس يسوي سوات الناس .

المهم بما انني تورطت معك ادري ان ربعك بيزعلون علي بسبب كلامي لكن عويذالله منك ومنهم وانا ابي اعلن فراري من المنتدى لفترة غير معلومة لين يركد الرمي ومن ذل سلم

ومع السلامة ياعم منقاش وهذي حبت خشم .