مبروك يا شيخ منقاش

[منقاش]

مبروك يا شيخ منقاش مبروك يا شيخ منقاش مبروك يا شيخ منقاش مبروك يا شيخ منقاش مبروك يا شيخ منقاش

تبارك الله ما شاء الله , والف مبروك عليك يا شيخ منقاش ..
هذي الكلمات الجميله لا زال يرددها على مسامعي كل يوم مصبح وممسي مجموعه من أعضاء المنتدى بمناسبة فوزي بالمشاركتين العشريه والمئويه (10000 + 100000) .
والحكيكه أن الفوز ما يسكر منقاش ولا يحرك شعره في راسه , لكن اللي ريح بالي ووسع صدري هو اللي سار لبعض ألأعضاء من القهر والسهر بعد فوزي عليهم مرتين لدرجة أن واحد فيهم عيان ضرب الكنفيوتر بعين طيرت مشاركات كثيره وكاد يدمر الشبكه لو ما تنازلت عن وسام الفوز لأن اللي يهمني هو النتيجه اللي عرفها القاصي والداني .
وثاني سبب للتبريكات , هو قصايد المدح في منقاش اللي زادت على ميه قصيده , ومن شعار طحاطيح وفطاحله هذا ينطح هذاك , واصبحت مثل المعلقات أيام زهير ولد حياة سلمى وعنتره ولد حياة شداد.
أول المعلقات قصيدة الشيخ القرني وقصيدة ابو عادل اللي مدحوني فيها بمدح كان طيب وفيه البركه ويشكرون عليه لكني أخذت عليهم أنه كان أقل بكثيرمن المكارم اللي فيه .
وميزة هذي القصايد أنها تخلد الذكر الطيب لراعيه راعي الطيب والعلم العجيب الشيخ منقاش , وفي نفس الوقت تقهر أعاديه الفاشلين حتى يجيهم الأكتئآب ويموتون كمدا وقهرا .
وثالث سبب للتبريكات , النصر الكبير اللي كان حليفي في كل المناوشات اللي جات بيني وبين بعض خبلان كنفيوتر ثماله , وكان آخرهم قاطع الرشمه مخاوي منقاش وقليل الخاتمه ابو تركي والخبلان اللي مشوا على جرتهم .
وبهالمناسبه , أشكر الشعرا اللي أشادوا بالشيخ منقاش , واشكر المهنين واقول لهم : كفى يا أخواني , كفى تهاني وتبريكات وقصايد مديح الله يبارك فيه وفيكم , وخلونا ننظر للمستقبل وننسى الماضي حلوه ومره , وبلاشي نقعد نستجر ما مضى وانقضى وهو راح بما راح فيه , وخلونا عيال اليوم , وسلامتكم ..
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,
ملاحظه : تبي تشوفون ردود من بعض ألأعضاء المصلفين فيها شوية صلف وتلف ,, أتركوهم , وطنشوهم كأنهم ما هم موجودين, وخلوهم يفضفضون عن الحال اللي بهم والنار اللي في صدورهم من قهر الهزيمه ..
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,
وبالمناسبه , من آخر القصايد اللي مدحني بها الشعار هالقصيده اللي مطلعها (أظن أن ما خاب ظني أن قايلها ابن عبدالعزيز) :
لا قلت رايع لا تظنون كذاب
............................. منقاش يبني له بيوت(ن) فريدة
المدح يوجب لا بدت فيه الاسباب
............................ واسباب مدحي له علوم(ن) عديدة


وقصيدة مدح أخرى هذا مطلعها :
حنا هل العشوا علينا مـن سنيـن ,,, من ظهر عـود ٍ مايهـاب الملقـا


عيال شيـخ ٍمـا يبيلـه براهيـن ,,,,,,,,, حر ٍ ليـا منـه شهـر مـا تتقـا


الشيخ منقاش(ن) حريـب المعاديـن ,,, هو شيخ كل صعيب صدق وحقـا


نجـم ٍ تعـلا فالفلـك والمياديـن ,,,,,,,,,,, مجلـي اللوايـم فالنهـار المشقـا

[راعي السواني]

تبارك الله ,ما شاء الله عليك يا شيخ منقاش ,, هذا وخصومك أغلبهم ما هو سهل ..

[@ بن سلمان @]

أما فايز بالمشاركتين العشرية والمئوية فكثر منها
يمكن ننقز العشرية
لكن المئوية انا رايح لاحد المقاهي والمشاركات كان وقتها 99990 واستأجر لي 3 أجهزة وأفتح ها على منتدياتنا وكل جهاز فاتحه فاتح له خمس منافذ وكل منفذ على موضوع يعني 15 مشاركة في لحظة وكلها ( مشكورررررين موضوع جميل ) وفي الاخير يعلنون منقاش فايز وانا ما شفت اسمه على لوحة الاعضاء .
يعني من يجاوبني وين الامانه ووين الشفافية

[سنا الهجرة]

من حصل على شي يستاهله

والشيخ منقاش عضو فاعل ويستاهل

وعسى الجايزه هذي اللي ما دزيت عنها ما تثني عزومه ويكسكس

[أبو علي]

فيه مرض نفسي يصاب به بعض الناس لدرجة انه يقول ويصدق نفسه اخشى انك مصاب به يا المنقاش ، يامنقاش انت عدم لا وجود لك وانحن اصلاً غير معترفين بك ولا بوجودك ، تأكد يانكاش انك ما تمثل الا نفسك وتمثل حمارك وعصاتك المكسورة وبندقتك المسروقه من حرب الخليج يوم انك حطيت رجلك على متن حمارك وقطعت الفيافي الديار على شان تسرق بندقه من الجنود العراقين الفارين ،
اما القصايد التي قيلت فيك ما هي الا من باب الضحك على حركاتك اللي ما تمثل الا خبالتك يا خبل ، وانا متأكد ان كل الشعراء خاصة شعراء المنتدى كلهم ما يحبونك ويكرهونك وقد حدثني صاحب القصيدة اللي انت حاطها في توقيعك وقال والله ما يستاهلها الخبل لكن ابي اسكته يوم انه اغراني بمبلغ عشرة الاف نقدا يقول واقدر الان انقضها بقصيده اخرى واخلي منقاش على سيرت الناس كلهم ،
عموما تراى علومك تبي تكفتك مع صلاب الروس ونضحك عليك انا وابوامجد ومخاوي منقاش وابوتركي .
تهنى يامنقاش والايام قريب توقعك في ايدينا .

[أبو عبدالرحمن]

لا حول ولا قوة إلا بالله...

شوف يا عم منقاش...صحيح..أنك حصلت وبكل جدارة على المشاركة رقم : 100.000 لكن هذا الفوز تم إلغاءه!!!

فحصل ما حصل...وانفجر سيرفر الشركة بسبب حصولك على هذا الوسام...

فتم إعادة المنتدى بنقص 4 ألالف مشاركة....

فتم الآن بحمد الله تجاوز المشاركات الـ 100.000 وحقيقة كنت أتمنى أنك حصل على الوسام مرة أخرى...

لكن للأسف الشديد...الذي وصل وحصل على الوسام لست أنت!!!

سأعلن عنه يوم السبت ـ بإذن الله تعالى ـ وممكن نعلن عن لقبه...


.


.



إنه أحد شعراء المنتدى...


السبت يكون خير...




وغيرها في غيرها يا شيخ منقاش...


المائة الألف الثانية لك بإذن الله...

[أبو علي]

كلامك يا بو عبدالرحمن شهادة لي بأني صادق في ما قلت في منقاش البكاش


بكاش + بكاش = بكاشان
بكش وكلامه بكش

[ABO TURKI]

أصلا يا منقاش انت نحس
يوم وصلت العشرية خرب المنتدى
وبعدها المئوية بغى ينفجر السيرفر
حتى الأجهزة ما هي راضية تعترفبك يا منكاش البكاش

[أبو علي]

تعجبني ا ابا تركي اعطيه على راسه ترى الاشكال هذه ما تنعطي وجه زيده خله يعرف قيمة نفسه بكاش

بكاش ----------------بكاش

[منقاش]

راعي السواني , ابن سلمان , سنا الهجره : مشكورين على وقفتكم مع الشيخ منقاش , وبيض الله وجيهكم .
ابن عزاب : أنت خلك يم القوارير واترك من علوم الرجاجيل .
ابو عبدالرحمن : أقتباس من كلامك (((شوف يا عم منقاش...صحيح..أنك حصلت وبكل جدارة على المشاركة رقم : 100.000 , لكن هذا الفوز تم إلغاءه!!! .فحصل ما حصل...وانفجر سيرفر الشركة بسبب حصولك على هذا الوسام...))).
كلامك هذا يكفي الشيخ منقاش , وانا متنازل بالوسام للي تبون , شاعر والا راعي أباعر , بس بشرط وهو أنك تجيب قيمة مكتل البرشومي اللي أعطيتك أياه ودهنت به سيرك , وتجيبها من فضه , لأن الورق ما أتعامل به ...
ابو تركي : أسكت يا حرامي المكانس ,, يبو طياره أنت ورويعي الكلاب ....
مخاوي منقاش : أنطم واقطع واخس...