الشايب والوايت

[بن وافي]

الشايب والوايت الشايب والوايت الشايب والوايت الشايب والوايت الشايب والوايت

يسولفون عن شايب نوا يشتري له وايت..عشان الحلال،،



وعزم يجمع له بالدراهم لين صار عنده ثمانين الف ريال،، وتوكل على الله،،



واقبل ذاك اليوم إلا ذيك الناس المجتمعة في ارض فضا،،



واثري جمبهم وايت،، وعجب خوينا هالوايت،،



قال بس خلن اشوف هالوايت عساه للبيع،،



يوم وقف واثري هالجماعة يحرجون:



50 ،، 52 ،، 55 ،،



قال بس شكلهم يحرجون على هالوايت إن شاء الله انه من نصيبي،،



ويخش بالحراج... 56 .. ويزود.. ويزودون .. ويزود..



لين وصلوا 75 .. قام خربها وقال 80 ..



هو قال ثمانيييييييييين يوم سكتوا..!!! وهجدوا..!!!! والتفتوا عليه،،!!!!





يناظرونه.. يناظرون بعض.. يوم تغامزوا ونقز له واحد منهم ..



ويسحبه على جنب.. قال شف يابن الحلال بنعطيك مليون ريال بس امش من هنا ولا نشوف وجهك..





قال هااااا.. وش السالفة..؟؟!! مليون .. وليه..؟؟ قال له بس خذ هالشيك وتوكل على الله



وش اسمك؟؟ عطاه اسمه وكتب له الشيك بمليون ريال وصرّف الرجال..



هو ما يدري وش السالفة ..





طيب وش العلم ..!!!!!؟؟!!!!

..

..

اثري هالجماعة يحرجون على المخطط وواقفين بالصدفة جمب الوايت..

و56 مليون و75 مليون.. وبو الشباب خش معهم..



ويحسبونه هامور يبي يلطش عليهم المخطط.. قاموا صرفوه بمليون..



وهو طاير من الفرحة..

ههههههههههههههههههههههههههههههههه يازين حظك

شرح معاني المفردات لغير الناطقين بالخليجية :

الوايت:

هو سيارة كبيرة تستخدم لنقل المياة اي صهريج لنقل المياه

حلوة صهريج ..............سجليها يا ناعسة

خخخخخخخخخخخخخخخخخخخخخخخخ

يحرجون:

للجمع

و المفرد

يحرج

اي من حراج وهو مكان لبيع الخردوات

مثل حراج التلفزيون بالشرقية عندنا.............ههههههههههههههه

و حراج إبن قاسم لاهل الرياض

شرايككم اصلح مدرس لغة عربية

ككككككككككككككككككك

[حسن عابد]

بن وافي قويه

[بن وافي]

والله
يابو علي
هذا اللي تشوفه
مراح أحلف لك
صدق
ولا
لاتصدق
هذا العلم اللي جاك خذه ولا خله

[عـــــ بن ـــــايــد]

موضوع جميل يا بن وافي

لكن فيه مصطلحات تحتاج الى ترجمة

مثلاً: نوا !!!!!

جمب (جنب)!!!!!!!!

هامور!!!!

يلطش!!!!!

نرجو الترجمة؟؟؟!!

[اليزيدي]

بدون تعليق ولا عاد تعودها

[ABO TURKI]

ههههههههههه
يا حظه