أحلي حدوته - للشاعر /محمد أبو زيد الأسيوطي

[محمد أبو زيد]

أحلي حدوته - للشاعر /محمد أبو زيد الأسيوطي أحلي حدوته - للشاعر /محمد أبو زيد الأسيوطي أحلي حدوته - للشاعر /محمد أبو زيد الأسيوطي أحلي حدوته - للشاعر /محمد أبو زيد الأسيوطي أحلي حدوته - للشاعر /محمد أبو زيد الأسيوطي

أحلي حدوته

// للشاعر // محمد أبو زيد الأسيوطي

و فاكرة زمان

علي التوتة

رسمنا قلب سهم ودار

وشمس نهار

وبنوتة

بيغسل توبها ضي

الشمس

وبتغني بلغة

الهمس

وبتحكي لبكرة

وأمس

لينا وبس

حدوتة

كانت حلوة

وقمورة

واحلي من أي بنوتة

وبتغني بأجمل لحن

في الجنة

وتطلع زي قمر الليل

علي ليالها

ونيلها

كان بيفتنا

جمال يشبه تقاسيمها

وتقاسيمنا

وصوت يشدو

كما المواويل

وشمس أصيل

علي الضفة

وع الشفة

كلام يسحر نجوم الليل

وورد وزهر عنابي

شفايفها

ولما لمحت

مخاوفها

قفلت عليا محرابي

ورحت أصلي صلواتي

وأدعيلها

يا رب أقبل دعاواتي

مليش غيرها

مليش غير حضنها

سريري

وتفكيري أتقسم نصين

في ناس

بتحب ليه واحدة

وناس بتحب بالملايين

وناس معدومة

م الإحساس

وناس بتغني في الزفة

ومش شايفة

ولا عارفة تغني لمين

وأنا مقسوم لي

أحب أتنين

بحبك أنت يا أمي

وأم عيالي

والبنتين

منار

الأولي سنة أولي

غرام فيكي

يا أم الدنيا

والتانية دي

مي

شقاوة العاشقين

خسارة

يا قلبي مش شايل

يا ريت

عندي كمان قلبين

لأني بجد مش طايل

اسيب حته

من الإحساس

أوزعها علي الباقيين

خلاص

قلبي أتملي بالحب

وبحر حنين

في شراييني ليلاتي يصب

ومش عارف أوديه فين

يا ربي صونها

وأحرصها

دي حساني وأنا حاسسها

يا قمره بتسبل القصة

علي أجمل واحلي جبين

بيلسمها

دي أنفاسها

عبير ونسيم دي

سنيورة ومحفروة

في جدران قلبي

ع الجنبين

بنينا طوبة فوق طوبة

علي ترابها

وكبر الحب

أسطورة

في محرابها

ومكتوبة أسامينا

علي سحابها

علي جريد النخيل

ع الظل

علي نسمة عبير

بتهل

علي نجمة وقمر

بيطل

علي الضحكة بوادينا

علي الخضره

ع الصحرا

اللي بتنادي الربيع

فينا

علي الماضي علي بكرة

اللي مستني

بلهفة لأجل ما يجينا

علي كل اللي صار

ذكري

علي سحاب الأمل

والحلم

يا أجمل غنوة جوه الدم

كتبت في العيون

السمر

نشيد للحب يتغني

مع العصافير علي الأزهار

قصيدة عشق م الجنة

تغير منها جميع الأشعار

وتتمني

تبوس خدك

وتعبد نظرة ف عنيكي

وحواليكي

نطير نرقص ع الأغصان

بأحلامنا

وأنا فرحان وبتهني

في قلبي

لسه تاني كلام

وشوق وحنان وألف غرام

وزغروته

بحبك

لو هموت فيكي

متين موته

يا مصر

يا احلي حدوتة

[ثماليه والعز ليه]

الله يعطيك العافيه.......

[سنا الهجرة]

الله يخلي لك من تحب .. ويخليك لهم يا رب

وصح لسانك يابو زيد

[محمد أبو زيد]

المشاركة الأصلية كتبت بواسطة ثماليه والعز ليه

الله يعطيك العافيه.......

تحياتي علي المرور

[أبو عبدالرحمن]

ياربي تحفظهم كلهم..

سلم لنا هذا القلم الأدبي.

ننتظر جديدك يا أبو زبد

[محمد أبو زيد]

المشاركة الأصلية كتبت بواسطة سنا الهجرة

الله يخلي لك من تحب .. ويخليك لهم يا رب

وصح لسانك يابو زيد

الفين شكر علي المرور وربنا يخليك يا ( سنا الهجرة ) تحياتي لمرورك العاطر

[مجنونها]

بارك الله فيك
دام للمنتدى عطاءك

[محمد أبو زيد]

المشاركة الأصلية كتبت بواسطة أبو عبدالرحمن

ياربي تحفظهم كلهم..

سلم لنا هذا القلم الأدبي.

ننتظر جديدك يا أبو زبد

جزيل الشكر لمرورك العاطر لك كل التحية والتقدير