تعلمت من دنيـا العنـا ان الزمـن بـوار

[ماندم من سكت]

تعلمت من دنيـا العنـا ان الزمـن بـوار تعلمت من دنيـا العنـا ان الزمـن بـوار تعلمت من دنيـا العنـا ان الزمـن بـوار تعلمت من دنيـا العنـا ان الزمـن بـوار تعلمت من دنيـا العنـا ان الزمـن بـوار

تعلمت من دنيـا العنـا ان الزمـن بـوار
ولا فـيـه لارحـمـه ولافـيـه مـاويـه


وتعلمت بـاان الكلمـه الـي بـلا معيـار
تنقص مقـام الرجـل لـو كـان عفويـه


ظروف الزمن تعطي لبيب الضمير اصـرار
تصحيـه مـن غـي الجهـل لابـدا غيـه


تحكـه محكـات الزمـن والـزمـان ادوار
عسـاه يعـرف فـي دور الايـام كرسيـه


اقوله وانا لي مع ظروف الزمـن مشـوار
ودربـي طويـل ونيتـي فالزمـن نـيـه


اسوق القدم واضرب على الكايده مااحتـار
وادوس الخطر واطى على الـداب والحيـه


اسوق قدمي ليـن اتبيـن علـى الميكـار
والد النظر فـي نايـف الرجـم عصريـه


واهوجس وابيع افكار واشري عليه افكـار
واحسب كوايـا الوقـت كيـه ورى كيـه


واطالع وش الي صار والي بعـد ماصـار
واراجع جـروح(ن) للزمـن بينـت فيـه


اراجع تجـارب وقـت والتجربـه تذكـار
وتجارب حياتـي فالزمـن تنحسـب ليـه


واصور طموحي في حياتي علـى مااختـار
واخليه فـي حـد النظـر نصـب عينيـه


طموحي كبير وهاجسـي ماعليـه اغبـار
وله متعب(ن) عيني قبـل مشـي رجليـه


كبير الطمـوح وخابـر ان للكبـار اكبـار
ولاابغـى علـى تحقيـق ماابغـاه عانيـه


تعلمت من دنيـا التجـارب خفـا وجهـار
وعلى ناظري من قسـوة الوقـت ماريـه


ولاعاد ابي بعض النصايـح ولا الاشـوار
وبيـر النصايـح مـن زمانيـن مطويـه


وانا عارف اني صعب ذوقي ودمـي حـار
ولااخلى مـن اعنـاد البخـت والمزاجيـه


واحـب البساطـه واكـره البايـر الغـدار
ولااطيـق شـوف الماكريـن الحرامـيـه


صغار العقـول اهدافهـم فالحيـاه اصغـار
يحبـون فلـم الدبلـجـه والرومنسـيـه


فتاهم يجـي ناعـم وميـت وطافـي نـار
ونوايـا قصيـر الحبـل فالوقـت عذريـه


وانا يـوم غنيـت القوافـي مـع الشعـار
حدانـي علـى بـدع الهواجيـس غربيـه


هبوب(ن) شعت صدري من الغرب حتى فار
وغنيت قـاف(ن) لـي ولاهـو بـعاريـه


تغنيت واونس في خفوقي شبـوب وجـار
مشب(ن) حطب ناره مـن السمـر منقيـه


مشب(ن) يجيه الظيـف والعانيـه والجـار
على كـل رف(ن) مـن زوايـاه صفريـه


وغواري ونجر ومبـرد ومستكـه وبهـار
وفناجـيـل ودلال ومحامـيـس بـريــه


مداهيـل لرجـال الوفـى والنقـى والكـار
وسـاع الصـدور الطيبيـن الشقـرديـه


ومداهيـل لبعيـد المراميـس والخـطـار
هظـولا لفـو طربـه وظـولاك عبـريـه


محل العزيز ايشـرف القـوم قبـل الـدار
زوايـاه واسـواره علـى العـز مبنـيـه


كريمـا حجاجـه يبتسـم لالفـى مــرار
ونفسه على الجـزلات والطيـب مسجيـه


تغنيـت واسهبـت وتعمقـت فـالاسـرار
وبيـنـت مافيـنـي وبيـحـت خافـيـه


لكن يانداوي(ن) كفـخ بـس ماقـد طـار
عيونك مـن اصـدوف الليالـي شقاويـه


تصبـر مادامـك داري ان الزمـن بـوار
ولافـيـه لارحـمـه ولافـيـه مـاويـه

[مايميزني لقب]

وانا عارف اني صعب ذوقي ودمـي حـار
ولااخلى مـن اعنـاد البخـت والمزاجيـه


واحـب البساطـه واكـره البايـر الغـدار

ولااطيـق شـوف الماكريـن الحرامـيـه

ابداااااااااااااااااااااااااااااااااع
بكل ماتحمله الكلمه من معنى

ذائقه ولا ارووووووع
ماندمـ الف شكر

[سنا الهجرة]

وانا عارف اني صعب ذوقي ودمـي حـار
ولااخلى مـن اعنـاد البخـت والمزاجيـه


سلمت يمينك

واحـب البساطـه واكـره البايـر الغـدار

ولااطيـق شـوف الماكريـن الحرامـيـه

[اتحادي دوووووم]

يعطيك العافيه

[ماندم من سكت]

يعطيكم العافيه على مرورك شرفتوووووني

كلياتكم