نكبات X نكبات

[الذيب]

نكبات X نكبات نكبات X نكبات نكبات X نكبات نكبات X نكبات نكبات X نكبات

[poem="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الشاعر اللي يكتم علوم غشاش=ماهو بشاعر و آخذ الناس بالغش
أما يشوف الشوك و يسل منقاش=وإلا بلاش من الشعر يترك الدش
اكتب ولا ابخل و انا صاحب الكاش=اللي ليا جات القرايح تمحرش
ومن القرايح نايش(ن)شايفه ناش=ما بين نكبات العرب قام يبطش
من موطني يبدا مطر هاج برشاش=يزرع نيوب السيل من شان ينهش
في غير جده ظنتي غيرها طاش=والغير يطفو فوقها جثه وقش
الناس ماتت و النكت سوّت انعاش=لنفوس مقهوره تبي حق بالحش
من مات مات و من بقى بالقهر عاش=و الحق يوم ان الجبل عهن ينفش
إلا على طاري حقوق البشر هاش=شعب بشمال افريقيا هاش وانطش
اوباش مارضيوا على حكم الاوباش=اوباش في اوباش يا عم خربش
زادوا وجع فوق الوجع و الوجع ماش=موجب و موجب فالعباطه تمشمش
ياخي تراها مظاهره ليش رشاش=ما بينكم ذا يذبح و ذاك يهبش
في بعضكم طحتوا وهو بينكم خاش=كل ما صفى جوّه عليكم يوشوش
جيرانكم ذلّوه و أبلوه و انحاش=عشانها ترمي نسر ما رمت عش
قسمين واحد خارج و آخراً داش=اهل البلاد تصارعوا و النذل دش
والله ثم والله عن كل حشاش=أنّه ليصحى لأنهمر فوقه الدش
كان الرعي جايز بلا كبت و أحواش=و اليوم جوع(ن)فالرعايا محوّش
أم العرب تصرخ تبي نوم و فراش=من خوفها العينين ماعاد ترمش
إلا على طاري هل النوم يا باش=ناس(ن)تمعمع مالها هش او نش
زادوا فضايح للعرب مابهم جاش=يا زول هدّي و أستريح و تبشبش
مو ناقصتكم موضة الجوع و الشاش=فيكم جروح و جوع يكفي و يبلش
آذانكم مفتوحه لكلمة الواش=اللي يجي و يفش و يروح و يفش
أنتم بلد خلقه من الجوع معتاش=ما ينفع الجايع عن الجايع يكش
تبغونها ثنتين يا ضيع الاكباش=اللي تجي ما بينكم ما درت وش
وش سالفة كل النوايا للاحباش=اللي عن الإعلام يا زول تنخش
إلا عن الإعلام كل يوم مطراش=من كندليزا او اوباما هالافتش
صرنا لبانه يا عرب في فم احواش=كلن يجي صوب العروبه يطرش
ترى القبور فسورهم بإيد نبّاش=و خبري على قبر الفتن ماء ينرش
ندري عن الحاصل ولكنها لاش=و الحرمه الصلبه توكّى على هش
و ختامها والله عن كل حشاش=أنّه ليصحى لأنهمر فوقه الدش
طار الحكي هذا من لسان غشاش=مل الصبر عالشوك ثم قام ينقش
[/poem]

[كبريـــآء]

اللـــــــــــــــــــه عليك
شـــآعر جزل بدون آدنى شك
كمية إبدآع وجمآل بالقصيدهـ وموضوعهــآ

آعجبتني جدآ

صح لسآنك ملايين

[@ بن سلمان @]

صح لسانك يا بو سعد
ندعو الله سبحانه وتعالى ان يمن علينا بنعمة الامن والامان وان يحفظ اخواننا في مصر وفي كل مكان من العالم الاسلامي انه سميع مجيب

[الشرمااااااااني]

صح لسانك

ويعطيك الف عافيه

[ثماليه شماليه]

الشاعر العملاق / الذيب


صح لسانك وشكراً لك على هذه المتبختره

[◄◄خفـآيـآ الـروح►►]

صح لسانكـ .. وتسلم يمينكـ يآرب..

[عايششهـ فيـ زماآانيـ]

صح لسااانك
فله شمعه منوره
لا عدمناك

[ABO TURKI]

الله عليك يا ابو سعد قصيدة تنعنش
صح لسانك ملايين

[أبوخالد]

صح لسانك يابوسعد
والله نكبات

[أبو عبدالرحمن]

صح لسانك يا الذيب

قصيدة معبرة ..

لا عدمناك