ماهذا يا صاحب هدوا المحاجي

[منقاش]

اخويه مراسل ثقيف : أنت ويش بينك وبين البساس ؟ , أن كان بينك وبينهم شي جمعناك انت وواحد من عراريتهم وصكينا عليكم باب غرفه محكمة الاغلاق واطفينا عنكم الأنوار وخليناكم تخالصون مع بعضكم والشاطرمنكم لا يصيح من سد الباب ....
وبعدين رفيقك ابن ابي محمد رجال نبه الناس وامر بالمعروف ونهى عن المنكر وقال يا جماعه صلوا الفرض وصلوا معه النافله واحسنوا على القطط المشردات واحسنوا على طيور القطا الضعيفات احسن الله اليكم, والأقربون من القطط والقطا من بيوتكم اولى بالمعروف ..
لكنك نطيت يوم الله ما هداك والشيطان اغواك وجيت داخل على الناس مع باب مجلسهم المربوع وانت شايل السلم بالعرض وتطالب بصرف النظر عن الرحمه بالحيوان والتركيز على الأنسان وناسي او متجاهل ان الله كتب الأحسان على كل شي , وانه في كل كبد رطبه صدقه , وفي نهاية المطاف ما وجدت لك من دليل تخرج به من المسأله الا أن حليفنا العمده المقداد ابن الأسود في يوم من الأيام فعل كذا او قال كذا ؟؟..
يا مراسلنا العزيز , الأنسان الفقير حقوقه في الصدقه والزكاه كثيره , وانت يبدو أنك ما تقدر تجاهر وتكلم عن حقوق الفقراء في الزكاه من كل الأموال وخصوصا ركاز الأرض وخيراتها , لا نك أعجز من ان تتجرأ وتقول من المسئول عن تفعيلها ومن المسئول عن احوال من يبحثون عن اقواتهم في حاويات القمامه , ومن يعلم سوى الله فلربما أن بعض الخلق أشد خشية في صدور بعض الناس من خشية الله ,والا ماهو السبب اللي خلى نظرتك تجي واطيه ولا تلقى شي تستدل به على التقصير في حقوق الفقراء الا بعض صور اليوتيوبات حتى تصد بها قله من الناس عن ألأحسان على الحيوانات ..
يا مراسلنا ركز على موضوع النقاش وناقش ابن ابي محمد وناقش بقية اخوانك ولا تخلط الأوراق , وان كنت كاتب مبدع بحق وحقيق كما يذكرون فالميدان يا حميدان وفي النهايه ما يصح الا الصحيح , والحكمه ضالة المؤمن أنا وجدها اخذها , واياك ثم اياك تنسحب بعد ابديت راسك , وشكرا ...